2 SAMUEL 1:2 - Kathara Bible (BSI)

² kala kakathumathang, yanglu, mi akha kachon tānār eina ngavailaga kui ngalei tottāt eina, Saulwui rāmrahwui eina rārāsai. Kala Davidli kathei eina ana ngakhumshām eina khayashiya.

2 SAMUEL 1:2 Iomraidhean Croise

HAOKAPHOK 22:4

Kakathumathang Abrahamna ngashān khavā tharān apam chi katāva̱li thei.

HAOKAPHOK 37:29

Reubenna khorchop chili ungkhayang chitharān Joseph maleikasa eina awui kachon serkhākta,

HAOKAPHOK 37:34

Chieina Jacobna awui kachon serkhaklaga borashi shanneilaga zimiksho sha̱rākhathang Josephwui vang chapngachai.

HAOKAPHOK 43:28

Athumna ngahānkai, “Narao ishāvā ringda lei kala ringphāda lei.” Chieina athumna kui mashunda ali khayākashi chithei.

2 SAMUEL 1:3

Davidna, “Kachiwui eina kharākhala?” da ali ngahāna. Kala ana ngahānkai, “I Israelwui rāmrahwui eina yāmkharāna”.

2 SAMUEL 13:19

Kala Tamarna kuili hotla neolaga awui katuma phahon chi serkhakhaida, kala apāng kuili khangkālaga panglāk eina chapmamānda thuihaowa.

2 SAMUEL 14:4

Tekoawui preiva̱ china awungawui ngalemli vāda ngaleili kui mashunzangda khayāshilak eina akhoruma, kala hithāda hānga, “O awunga, khangachonmilu.”

2 SAMUEL 15:32

Vareli khorum khavai kaphungtonli Davidna kākashung tharan, yanglu, Architwui Hushaina phahon serkhākta kuili ngalei neolaga rārāsai.

2 SAMUEL 24:20

Araunahna yangkhavā eina, awungala awui mibingla zangda awuishong rākhara theida angaroka, kala kui mashunzangda akhoruma.

2 SAMUEL 4:10

kachikathāna khamathā paona da phaningda, ‘Saul thihaira’ da rākahāng tharan awui paowui vang ina sāman mida ali ina tukkhuida Ziklagli shaothathaowa.

ESTHER 4:16

“Zatlu, Susali khalei Jehudi saikora phākhuida iwui vang kakhum eina pamlu; ngashun ngayā kathumthang khikha mazā mamangalu. I eina iwui rao sha̱naobingla nathumwui thāda khumra. Chiwui thili, ain maninglala ina awungawuili vāra; kala chili I thikha thihaira.”

ESTHER 5:1

Kakathumathang Estherna awungva̱wui sāri shaksālaga awungawui konungli zangda, awungawui kahaka kāli karoda khalei awungawui pamkhavai alungwui yangkhupli zangnganinga. Konungli zangkhavai shong ngareishokta awungana konungwui alungli wungpamkhongli pamsai;

LAA 66:3

Vareli hānglu, “Nawui otsak kayākha ngacheekhala! Nawui pangshap hakmahālakhaoda nawui yangkashebing namangāli khangacheena ngayumhaowa.

EZEKIEL 27:30

nawui vang sifaya kala kachapla chapa. Athumna kuili hotlā neoda chifali ngakhora;

HOSEA 6:2

Khanithangwui thili ana ithumli mathuk ngasakra; kakathumathang ana ithumli ngakarthui ngasakra, chieina ithumna awui mangāli ringpaira.

JOEL 2:13

kachon maningla, kha nathumwui ning serkhākta latunglu.” Nathumwui Vare Proholi latunglu. kaja ava lumashan, leishitheilaka, malung mavātzarmana, leikashi mangacheilakmana, makaphāwui vang ning ngatei.

MATTHEW 12:40

Kaja Jonahna ngashun ngayā kathumthang khaihwui wuklungli kapam chithada miwui Naomayarala ngashun ngayā kathumthang ngaleilungli pamra.

MATTHEW 16:21

Atam chiwui eina thuida Jishuna awui sākhangatha̱bingli, ana Jerusalemli vālaga ararnaobing, pāngmon akhokabing kala ain kathembingwui eina kachotkachāng tarākha samphangra kala shaothathaora kha kathumthangwui thili ringshokluishitra kaji chitheiphokhaowa.”

JOSHUA 7:6

Chieina Joshuana awui kachon serkhaklaga Israelwui khararnaobingli ngasoda athumwui kuili hotla neolaga Prohowui oko mangāli ngazin eina tangda ngakhumzangda pama.

PHONGKHAMI 3:9

Yanglu, Jehudina jilaga akachanga Jehudi makhaning, kha kakapika, Satanwui synagogueli khaleibing athumli nawuili rāngasakta napheizingli ngakhumzang ngasakra, kala ina nali leishiya kaji theingasakra,

1 SAMUEL 20:41

Kala nao chi unghaikhaleoda, Davidna lungkhor ngalemwui eina shoklaga ngakhumshāmda kathumshi, kala ani akha eina akha maya̱khui ngaroka, kala David mavānranglakha eina tangda chapngaruma.

1 SAMUEL 25:23

Abigailna Davidli kathei eina, ana gadhāwui eina tunglaga ana ngaleili ngakhumshām khayākashi mi.

1 SAMUEL 4:12

Chithang ngalāngda Benjaminwui mi akha, kachon serkhākta, akuili ngalei neolaga, raiphungwui eina Shilohli yongunga.

1 SAMUEL 4:16

Kala mipa china Elili hānga, “Raiwui eina khaunga chi ina; aja raiwui eina yāmkhaungna.” Chieina ana, “Kathāda leilikhala inao?” da ngahāna.