2 PETER 3:9 - Kathara Bible (BSI)

⁹ Prohona ngashit kahai chi aruila maungshung ngasakmana da kaikhana phaninga, kha mi khipālikha mashimān ngasakkhangaiwui vang ana nathumli ngaraikhamina, kaja mi saikorali athumwui moreiwui eina ningngateikhui ngasakngai.

2 PETER 3:9 Iomraidhean Croise

LAA 77:8

Awui makhangachei leikashi ngasāmchang kahaila? Awui tuingashitbing tangchang tangkahaila?

LAA 86:15

Kha O Proho, nava lukhamashan leikashi Varena, malung mavatkazāra kala makhangachei leishikatha ningkatong Varena.

SHONGZĀ 18:23

Hithāda saakha Varena mayāmida, nala khāngshapra, kala mi saikora hi athumwui shimli chingri eina latungra.”

SHONGZĀ 32:32

Kha ara, nana mayāmiakha athumwui morei pheomilu—chi maningakha nawui lairikli kapi kahai iwui ming chi khuishokmihaolu da ina nali seihā sāda poli.”

SHONGZĀ 33:11

Chithāda sāda mina ngasotnaoli chān khangazek thāda Prohona Mosesli mai eina mai ngasungda chān ngazeka. Mosesna rāmrahli latkhaung tharan, awui rao Joshua Nunwui naomayara yarona china, kachonshimwui eina mathuilakmana.

SHONGZĀ 34:6

Prohona awui mangāli rākāda, “Proho, Proho, lumashan leishikatha Vare, kala malungmavatkazāra, kala makhangachei leikashi eina ningkatongna pemting kahaia,

HĀSHOKME 8:11

Khikhalajila makhayā otsak kasabingli danti miki kaji chi ngalāngda makhamiwui vang, mibingwui ningli makhayāmāng sāngai.

ISAIAH 30:18

Chiwui vang eina Prohona nathumli lumashanmi khavai ngaraida lei; chiwui vang eina lukhamashan chithei khavai akhalatta khāngchikata. Kaja Vare hiya mashunwui Varena; ali khangaraibing kalā mahai.

ISAIAH 46:13

Iwui ngatangkhami ina nganaimeida khuirāda lei, chi katāva̱li maleiluimana, iwui huikhami mahuinganongmara; ina Zionli huimihaora, iwui tekhamatei Israelwui vang.”

EZEKIEL 33:11

Athumli hānglu: Vare Proho ina kachangkhat eina kahāngna, kaja, makhayā mi kathiwui vang iwui ringkaphā maleimana; kha makhayā mi china makhayā otsakwui eina latungda ringsi kaja chāng; latunglu, nawui makaphāwui eina latunglu; kaja khisathuda na thirakhala, O Israelnaobing?”

DANIEL 4:29

Kachāng tharāda khani kākapei eina, ana Babylonwui keinung shimtungli yaothuizatta leilakha,

HABAKKUK 2:3

Arui eina tangda mahākhami chiwui atam ngaraichingdalei; atam chi thākta rāra—makapikmara. makahatlakla rāra, mahuinganong mara.

ROMNAO 13:11

Nathumna hi sāphalungra, khiwui vangkhala jilaga kapiwui eina thuimathukphalungki kaji atam rāhaira. Kaja huiki kaji atam chi ithumna shitsangkaphok eina yangakha nganaimeikharhaira.

ROMNAO 13:12

Ngayā kanthuiki jiura, ngathor rārāli. Tangkhamangwui ot horhaosa, kahorwui lungli ngarar khavai raisari shaksāusa.

ROMNAO 2:4

Maningakha awui mahāngkharar lukhamashan, khāngkhami kala ja̱khami chili nana matheikhamila? Vare hi lumashankathana kaji nathumna thei. Chiwui vang eina ana nathumli ningngateikhui ngasakngai.

ROMNAO 9:22

Kala Varena kasā chila hithāpapama. Varena awui malungkhavāt chishotta mibingli awui pangshap theingasakngai, kha sāshimān khavai ngarānping kahai, ana malungvāt kahai mibingli kasāngkha ningzingharingmi.

1 TIMOTHY 1:16

Kha naoda kateibingna ali shitsangda makashimān mirin samphang khavaiwui ngayoyan sāda Khrista Jishuwui kākashung ja̱khami chiwui eina theikhui khavai Varena ili lumashankhamina.

1 TIMOTHY 2:4

Ishameina mi saikorali kahui samphang ngasakngai, khamashungwui ponglila theikhui ngasakngai.

HEBREWNAO 10:37

Kaja hithada kathara Lairikli kapihaida lei. “Kasha̱khawui thili rāki kaje chi rāra; masāngmara.

1 PETER 3:20

Manglābing chiya Noahna awui marikhong semlakha Varena honsānlak eina honlaga makhuikasangbing china. Marikhonglungli leikasā athum chishatmāng tara̱wui eina huikhuiya.

2 PETER 1:4

Hithada sāda okathuili leida khalei sāshimānkapai khamathangwui eina yāmshokpai khavai kala Varewui tharkhamatheng khangachā chili ngashitmi kahai kasaka lemmet chi mihaira.

2 PETER 3:15

Prohowui ningzinghākharing chi nathumli kahui samphang khavai atam khamina, kaji hi ithumwui leikashe Paulnala ali mikahai thangkhamei chiwui athishurda nathumli kapihaira.

PHONGKHAMI 2:21

Ning ngatei khavai ina ali atam mihaira, kha ana shām kasāwui eina ning mangateingaithuwa.