2 PETER 3:7 - Kathara Bible (BSI)

⁷ kha arui leida khalei kazingram eina okathui hi Varena ngaraikachā kakaso mida mei eina sāshimān khavai phāri kahaina, kaja mashitkasangbingli bichar sālaga shimān ngasaki kaji zimikshowui vang haikahaina.

2 PETER 3:7 Iomraidhean Croise

LAA 102:26

Athum shimānra, kha nava leichingra; athum saikora kashankachon thāda kakhaora. Kashankachon thāda nana ngacheimi, kala athum kānthuihaowa;

LAA 50:3

Ithumwui Varena rāda kasaikha mapamana, awui mangāli chuikakachupa mei lei, ali kuimareida siphan zingrot lei.

ISAIAH 51:6

Kazingramli namik yangkālu, kala azingshong okathuili yangtālu; kaja kazingram meikhut thāda shimānhaora, okathuina chonshi thāda tāngurhaora, kala chili kapambing hāmi thāda thihaora. Kha iwui huikhami leichingra, kala iwui ngatangkhami katang mavaimara.

ISAIAH 66:15

Kaja yanglu, Prohona mei eina rāra, awui siguigari sur kakhaning thāra, awui malungkhavāt chitheira, awui kakahar meiwui meiwon eina ngasora.

DANIEL 7:9

Ina yangda leilakha, wungpamkhongbing haikhami thei, kala ringching kaje mi akhana awui pam rākhui; awui kashankachon horam thāda chara, awui kuisam sahah tharzā kahai thai; awui wungpam khamalinga meiwonna, chiwui kāngphei kachuiya meina.

ZEPHANIAH 3:8

“Chiwui vang eina ili ngarailu, ina shākhi akha sāda nganingkāthang zimiksho chi” da Prohona hānga, Kaja iwui tuitakva yurbing kazipkhuiki kajina, wungrambing kharupkhuiki kajina, iwui ningyāng makhaungwui mei thāda kasā, iwui malungkhavāt katonga athumwuitungli heiror khavaina; kaja iwui yuikashe malungvāt alungli okathui hupta shimānra.

MALACHI 4:1

“Kaja yanglu, sharkha̱ thāda kachuiya zimiksho akha rāra; chithang lāngkaso kala makaphā kasābing lanji thāhaora; rārāda khalei zimiksho china chibing chuikhuphaida angayungla, aphāngla mashākmimara da saikorawui Prohona hānga.

MATTHEW 10:15

Ina nathumli kachangkhat kahāngna, bichar sāthanghon Sodom eina Gomarrahwui mibingli bichar kasāliva chikathā keinungwui mibingli bichar kasāna sakmeira.

MATTHEW 11:22

Kha ina nathumli kahāngna, bichar sāthanghon Varena Tyre eina Sidonli kasāliva nathumli sakmeida bichar sāra.

MATTHEW 11:24

Kha ina nathumli kahāngna, Sodomli bichar kasāliva nathumli sakmeida bichar sāra.”

MATTHEW 12:36

“Ina nathumli kahāngna, bichar sāthanghon mi kachiva̱na ana matuishokphāphā kahai chiwui maram misera;

MATTHEW 24:35

Kazingram kala okathuila shimānhaora, kha iwui tui mashimānlakmara.

MATTHEW 25:41

“Chiwui thili awui uishong khaleibing chili ana hāngra, ‘Khonshi kahaibing, nathum iwui eina thuihaolu kala chipee eina awui kazingraobingwui vang ngarān kahai katang makhavai meifa chili vāulu;

MARK 6:11

Kala kachikatha apamli nathumli mazun ngasakakha kala manganāsangakha, nathum kazat tharan athumli makhamayawui shākhi kachithei sāda pheili kakā chifa chi kathangtāhailu.”

JOHN 12:48

Ili mamayāmada iwui tui makhuisangakha ali bichar sākhavai akha lei; ina hāngkahai tui china khanaowa zimiksholi awui bicharwo ngasāra.

ROMNAO 2:5

Kha nawui ning khamarar kala mangacheikhangai china Varewui malungkhavāt kala mashun bichar sāthanghon ritkhamei tandi samphang khavai nakhalatta kazipkakhui ngasāra.

1 CORINTHNAO 3:13

kha Khristawui Zimikshothang mi ava̱va̱wui otsakwui magun phongshokra; kachangkhat otsak chiwui magun chi mei eina chāng yangra.

PHILIPPINAO 1:28

Yangkashebingli mangacheelakalu. Atam kachida malung pinglu, chithākha nathumna yuichingra. Kachiwui vangkhala kaja khayui hi Varena khamina.

2 THESSALONICANAO 2:3

Mi khipānakha nathumli khikhikhawui apong eina machipat ngasakalu. Kaja naomeikap kaji Ngakaikashi atam kala meifali vāki kaje Makaphā-Makhayā chi mashokranglakha eina tangda Zimiksho chi marāmara.

1 TIMOTHY 6:9

Kha shāngkhangayiya athum china kasuili, khalenli, chukhamaja̱ makhalei kala shimānhaoki kaji ningkachāng kachungkhali tāzanga, chieina mibingli kashimān kala kathi pongli vāngasaka.

HEBREWNAO 12:29

Kaja ithumwui Vare hiya kachuia meina.

2 PETER 2:9

khamashungbingli kathada kachotkachāngwui eina kanshokrakhala kala bichar sāki kaji zimiksho marāranglakha makaphābingli kathada tandi mida narhairakhala kaji Prohona thei.

2 PETER 3:10

Kha Prohowui zimiksho chi khale thada rāra. Chithang kazingramla akhon panglāk eina ngashumda shimānhaora kala chiwui alungli khalei saikora mei eina chuitāserhaora.

2 PETER 3:12

Varewui zimiksho ngaraimamānda; chi thākta rāngasak khavai sālu—kazingram meina chuida shimānhaoki kaji kala kazingramli khalei saikora menghaoki kaji zimiksho chi.

1 JOHN 4:17

Bichar zimiksholi ninganungmei khavai ithumwui lungli leikashi chi pongngasaka kala chi ithumna samphangra, khikhalajila okathuili ithumwui mirin hi Khristawui thāpapamma.

JUDE 1:7

Sodom eina Gomorrah kala chiwui luinganaili khaleibing athumna chikathā kazingraobingwui thada kasā, khamathang-khamarang kala makaphā-makhayā otmāng kasāwui vang makhamit meiwui tandi samphangra da saikorali theikhangasak hi phaningunglu.

PHONGKHAMI 17:11

Rida ringkasā, ara maleilui kaje chi kachishatana, kha shiniwui ngachaili akhana, kala ana kashimānli azangra.

PHONGKHAMI 17:8

Nana kathei sāyur chi rida ringsai, kha ara maringluimana, ana katang makhalei leizingkhurwui eina shokra kala kashimānli azangra. Okathui haokaphok eina thuilaga kharingawui lairikli aming makapi kahaibingna sāyur chili theilaga matakhakhaira, kaja akhashida ringlaga, maringlui, laga rāchitheiluishitki kajiwui vangna.

PHONGKHAMI 20:11

Chiwui thili charshi kahai wungpamkhong kahakva akha chili kapama chili thei, awui mangāli kazingla okathuila shimānhaida athumwui pam maleisāmana.

PHONGKHAMI 21:1

Chiwui thili ina kazingram kadhar akha eina okathui kadhar akha thei kala kazingram khare eina okathui khare chi shimānhaida ngayila maleithuwa,