2 PETER 3:12 - Kathara Bible (BSI)

¹² Varewui zimiksho ngaraimamānda; chi thākta rāngasak khavai sālu—kazingram meina chuida shimānhaoki kaji kala kazingramli khalei saikora menghaoki kaji zimiksho chi.

2 PETER 3:12 Iomraidhean Croise

LAA 50:3

Ithumwui Varena rāda kasaikha mapamana, awui mangāli chuikakachupa mei lei, ali kuimareida siphan zingrot lei.

ISAIAH 24:19

Okathui ngayāngchaohaira, okathui ngakhumpakhaira, okathui khanuk khayāngserhaira.

ISAIAH 34:4

Kazingli khalei katonga shuihaora, kala kazingram lairik kakhalui thāda khaluihaora. Drakhārongna anah kaja̱ thāda, khaorārongna anah kaja̱ thāda atungshong khalei saikora tātungserhaora.

MICAH 1:4

Kala phungreibingna awui azingli menghaora, tampākbing amaitaren ngasāhaora, khuira̱ mei ngalemli kahai thāda, tara̱ arapli heikatā thāhaora.

MATTHEW 16:27

Khikhalajila miwui Naomayarana awui kazingraobingli ngasoda Avāwui tekhamatei eina rāki kajina, kala chiwui thili mi kachiva̱li kachichāna sākahai chiwui athishurda ana runmira.

MATTHEW 16:28

Ina nathumli kachangkhat kahāngna, miwui Naomayarana awui wungramli kharā matheiranglakha kathi mamazapki kaji mi kaikha hili nganingda lei.”

PHILIPPINAO 1:6

Kala nathumwui lungli kaphā ot sāphokkhame Varena, Khrista Jishuwui Zimiksho eina tangda ot chi sāchingrada shitsangchaowa.

TITUS 2:13

Ithumna kachihān khamahaiya zimiksholi ngaraida ithumwui Huikhame Jishu Khrista kala hakkhamahā Varewui tekhamatei chi rāthanghon

2 PETER 3:10

Kha Prohowui zimiksho chi khale thada rāra. Chithang kazingramla akhon panglāk eina ngashumda shimānhaora kala chiwui alungli khalei saikora mei eina chuitāserhaora.

2 PETER 3:11

Ot saikora hithada shimān ngasaki jihaoda nathum kachikathā mi ngasāra? Nathumwui mirin chi kathar eina Vareli chigatphalungra.

2 PETER 3:4

hithada hāngra, “A rāluishitra kaji tuingashit chi kali vāhao? Ishavā ngarā thithang eina thuida ot saikora haokaphokli leikasā chi tākam eina aruila leichingpapamli”

2 PETER 3:7

kha arui leida khalei kazingram eina okathui hi Varena ngaraikachā kakaso mida mei eina sāshimān khavai phāri kahaina, kaja mashitkasangbingli bichar sālaga shimān ngasaki kaji zimikshowui vang haikahaina.

JUDE 1:21

Proho Jishu Khristawui phaningkhami chiwui mangā eina makashimān mirin miki kaji chi ngaraimamānda Varewui leikashilungli leichinglu.