2 PETER 2:9 - Kathara Bible (BSI)

⁹ khamashungbingli kathada kachotkachāngwui eina kanshokrakhala kala bichar sāki kaji zimiksho marāranglakha makaphābingli kathada tandi mida narhairakhala kaji Prohona thei.

2 PETER 2:9 Iomraidhean Croise

JOBWUI LAIRIK 21:30

kaja makhayābingli unshimui atamli huikhui, kala malungkathui atamli kankhui kaji?

JOBWUI LAIRIK 5:19

Kachot kachāng tharukwui eina ana nali huimira, kashineli makaphāna masāza̱mara.

LAA 12:1

Ngachonmilu, Proho, kaja kathara akhala maleithura; kaja shitkasangabing miwui naomayara ngarawui eina shimānserhaira.

LAA 32:6

Chiwui vang shitkasanga mi kachiva̱na nali seihā sāranu; kakhanang atamli, tara̱ kaphong atamli athumna ali marāza̱rarmara.

LAA 37:33

Prohona ali awui pangshapli mahorsangmimara! lah ali bichar atamli khayon mamimara.

LAA 4:3

Kha kaphā kasapali Prohona akhalattawui vang ngatei ngasakhaira kaji theilu; Ina Proholi kaho tharan ana shāmi.

CHĀNSAM 12:13

Makaphā mi amorchaiwui khayon chili manna, kha khangaronga china kakhanangwui eina yāmshoka.

CHĀNSAM 16:4

Ot kachiva̱ kharin leilaga Prohona sākahaina, makhayā chila kakhanang zimiksho chiwui vangna.

MATTHEW 10:15

Ina nathumli kachangkhat kahāngna, bichar sāthanghon Sodom eina Gomarrahwui mibingli bichar kasāliva chikathā keinungwui mibingli bichar kasāna sakmeira.

MATTHEW 6:13

Kala ithumli kasuili mazang ngasakmialu, kha makaphāwui eina kanmilu.’

ROMNAO 2:5

Kha nawui ning khamarar kala mangacheikhangai china Varewui malungkhavāt kala mashun bichar sāthanghon ritkhamei tandi samphang khavai nakhalatta kazipkakhui ngasāra.

1 CORINTHNAO 10:13

Nathumna chāng khayang samkaphang kachiva̱ chi mikumoli kharā khangachāna. Kha Varena awui ngashitkhami chi makailakmana kala nathumna maphungrarki kaji chili lāngda ana nathumli chāng mayang ngasakmana. Nathumli chāng khayang chitharan khāngshap khavai ana nathumli pangshap mira kala chili yuishap khavai apong ngarānmira.

2 TIMOTHY 3:12

Kachangkhat eina Khrista Jishuwui lungli zangda tharda ringkhangai mi kachiva̱li rekharekra.

TITUS 2:14

makaphā makhayāwui eina ngatangkhuida awui kathara kala khamareka mi sākhavai a khalatta ithumwui vang chigatmi.

2 PETER 2:4

Kaja morei sāhaikha kazingraobingli eina tangda Varena yangkhei kahai maleimana, athumli kazeiramli haida bichartam marāranglakha eina tangda tangmangting kahaipamli tuknarhaiakha,

2 PETER 3:7

kha arui leida khalei kazingram eina okathui hi Varena ngaraikachā kakaso mida mei eina sāshimān khavai phāri kahaina, kaja mashitkasangbingli bichar sālaga shimān ngasaki kaji zimikshowui vang haikahaina.

JUDE 1:6

Kazingraobingna athumwui pangshap chi shichinnguihaida athumwui pam chiho kahaiwui vang, khanaowa zimiksho chi marāranglakha eina tangda Varena katang makhavai marikhānghui eina khalaplaga tangkhamangli haira, chi phaningung ngasakngai.

PHONGKHAMI 3:10

khikhalajila nana iwui tui mayontit kahaiwui vang okathuili okthuida khalei mi saikorali chāng yangkhavai apuk-apagawuitungli rāki kaji kachotkachāng chiwui eina ina nali kanmira.

1 SAMUEL 29:10

Chieina nawui raobingli thānlaga ngathorshong ungulu, ngathorthakva̱ zingthan ngasha̱da zatulu.”