2 PETER 2:3 - Kathara Bible (BSI)

³ Karāmhaoda minama ojābing hina nathumli athumwui ningkap eina semkakhui khararchān chieina kateizāra, kaja hikathā mibing hiya shimānphalungra kaji hi achālakhawui eina hāngmarān kahaina, kha atam kasha̱nakhawui vang mashimānki kaji thasālala athum chiya shimānphalungra.

2 PETER 2:3 Iomraidhean Croise

JOBWUI LAIRIK 6:27

Avāva̱ makhalei naoli eina tangda kalā yanga, kala ngasotnaoli eina tangda leih ngalatngai,

LAA 18:44

Athumna iwui pongli shākhaleoda iwui kahāng nganai; yur kateibingna imangāli ngayumlaga rai.

LAA 66:3

Vareli hānglu, “Nawui otsak kayākha ngacheekhala! Nawui pangshap hakmahālakhaoda nawui yangkashebing namangāli khangacheena ngayumhaowa.

LAA 81:15

Proholi yangkakharingbing chi awui mangāli ngayuma; kala athum chithāda leichinghaora.

ISAIAH 5:19

athumna hānga, “Ali thākngasaklu, ithumna theikhavai awui ot kasā chi thākngasaklu; Israelwui Katharapa chiwui kharin chi rānganairanu, kala chi rāranu ithumna theikhavai”

ISAIAH 56:11

Fabing chi morhāklaka, kashap mavaimana. Yaokahombingla theishingkakhui malei, athum saikora khalattawui apongli ngareithuihao, kachichāwui kānkhanāli phāda akhala akhala chisera.

ISAIAH 60:22

Ngazanmeikap kajena shang akha ngasāra, kala teomeikap kajena kapanga miyur akha ngasāra; I Prohona, atam hi ina thaklāk eina rāngasakra.

JEREMIAH 6:13

Kaja teomeithui kaje eina thuida reimeithui kaje eina tangda athumna makhamashunga tongzā khavai kāramsera; marān eina thuida pāngmon kāshungda, mamashungla sai.

JEREMIAH 8:10

Chiwui vang apreiva̱ ngarā kateili mihaora, luila yuikakhuibingli mihaora; khikhalajila teomeithui kaji eina thuida reimeikap kaje kāshungda makhamashungwui tongkazāli kārama; marān eina thuida pāngmon kāshungda mamashunglakla sai.

EZEKIEL 13:19

Lang pāngmayākhawui vang kala khamuitang akhawui vang, iwui mibingwui ngachaili, nana ili makhao ngasaka; kala iwui mibingli kapikta mathiki kajibingli thingasaka, thiki kajibingli mathingasakmana.”

MICAH 3:11

Chiwui akhavābingna pheizāwui vang bichar sai, pāngmonbingna aman khuida tamchithei, marānbingna pheisāwui vang phonga; chithālala athumna Proholi chihānda hānga, “Proho ithumwui ngachaili maleimala? Ithumwuitungli makaphā marāmara.”

HABAKKUK 3:3

Varena Temanwui eina rai, kala Kathara china Paran Phungreiwui eina rai. Awui tekhamateina kazingram pei kala okathui awui masotna pema.

MALACHI 1:10

Iwui hanphutpamli aremawui vang mei mathot khavai nathumwui ngachaili khāmong shungmi khavai mi akhamangla leisasi kaja chong! Ina nathumli ringkaphā maleimana, kala nathumwui pāng eina kachigat akhala makhuisangmara da saikorawui Prohona hānga.

MATTHEW 23:14

Ain kathembing eina Phariseebing, phākakhaningabing! nathumli kakhanang ringkashi ngasāranu, khikhalajila nathumna ra̱meinaowui shim ngaponkhui kala mānkhavai seihā sānglak eina sai, chiwui vang eina nathumna shongrān sakmeida samphangra.

LUKE 18:8

Ina nathumli kahāngna, ana thaklāk eina mashun bichar sāmira. Chithāmāngmada miwui Naomayarana rāthanghon shitkasanga mi okathui hili leisaralā?”

LUKE 20:20

Chieina athumna atam kachā chi rimpama kala kachikathā kaikhali pheizā mida khamashung-khangarong sārek ngasaklaga Jishuna khayontui matuiakha tukkhuilaga khamunga pangshap khaleiya Governorwui pāngli horsangmi khavai mi chihovai.

LUKE 22:47

Jishuna matui mahungda leilakha tharāda khaniwui ngachaili Judas kaho china mi kachungkhali thanrārāsai. Ana Jishuli maya̱kida awui shong rai.

JOHN 2:16

Kala kha̱na̱ khayorbing chili ana kasoi, “Ot saikora hi hiwui eina khuishokhaolu! iwui Avāwui shim hi leihngapha̱ masā ngasakpaimana.”

ROMNAO 16:18

Kaja hithada kasā athum chiya Khristawui otram khangatha̱ maningla paiphonwui vang ot kasāna, athumwui kashim tui kala sotkhamasao akhon eina matheithangkhameibingli yonngasaka.

2 CORINTHNAO 2:17

Ithum Varewui chānpaoli paisor eina kaphaning athum kathā maningmana. Kha Varena kachihowui vang Khristawui rao sāda ithumna ningtharlak eina awui miktāli matuiya.

KHALATLUI 24:17

“Nathumna kha̱miliranu lah avāva̱ makhaleiyaranu, athumwui mashun chi mamatui khayeimihaialu, lah ra̱meinaowui kachon leiham masāpaimana.

KHALATLUI 32:35

Athut kakhui kala hankhamela ina, kaja athumwui phei nganaiki kaji; athumwui kumshāt rāki kaji nganaihaira, athumwui kashimān thākta rāra.

1 THESSALONICANAO 2:5

Ithumna sotkhamasao tui mamatuimana kaji nathumna thei kala karāmda masāmana kajila Varena shākhina.

1 THESSALONICANAO 5:3

Mibingna, “Ara chingrihaira kala kalākashi maleimana” da kahāng tharan naokhara̱ thada kashuirak eina athumwuitungli kashimān rāra, chili yāmshok khavai maleisāmara.

1 TIMOTHY 3:3

Kala makhamaripa, masākashe, malungkhanima, makhararkazāra, kala lupāli maleikashe mi ngasāphalungra.

1 TIMOTHY 3:8

Chi tākam eina deacon sāki kajibingla ning mazingphalungra, tui khani mamatuipaimana, mamarippaimana, kākharāmli akachanga masāpaimana;

1 TIMOTHY 6:5

wuklung makhao kahai kala khamashungli makhalei mibingwui ningli atam kachida khonkazar shokngasaka kala dharma hiya shāngkhavaina da phaninghaowa.

TITUS 1:11

Athumna tongzā khavai hokhamahā matamchitheikhangayi chi tamchitheida shimkhur katongali pa̱ngapā ngasaka. Chikathā chi khāmphalungra.

TITUS 1:7

Kaja yaokahoma hiya Varewui lanse akha sāda shātmakakā mi sāphalungra, malangsophalungmara, malungmavātzarphalungmara, khamarip, khangashao kala tongzā khavai khangamar ot masāphalungmara.

1 PETER 2:8

Khangateilila hithada kapihaili: “Mibingli phei ngaphok ngasakki kaji lunggui, athumli konglui ngasakki kaji lunghār” kaja athumna kahāng makhanganāwui vang phei ngaphoka; chi Varewui kaphaningna.

1 PETER 5:2

Nathumwui pāngli Varena horsangmi kahai yaobingli mathālak eina homlu, Varewui ningkachāng athishurda yangmilu, tandi thada masāla mathanthathup sālu, amanwui vang maningla sāngairereo ngatha̱milu.

2 PETER 1:16

Ithumwui Proho Jishu Khristawui pangshap kala ana rāki kajiwui pongli ithumna kahāng chi ningkap eina semkakhui khararchān maningmana; kha ithumwui mik eina awui khangam-kharei chi theikahaina.

2 PETER 2:1

Khare kachāngla minama marānbing shokhaira. Chi tākam eina nathumwui lungli minama ojābing shokra. Athumli kankhame akhavālila mamayāmada shimān khavai kala makhamashung tui tamchitheira. Chieina athum khalattali athumwui tamkachithei china shimān ngasakra.

2 PETER 2:9

khamashungbingli kathada kachotkachāngwui eina kanshokrakhala kala bichar sāki kaji zimiksho marāranglakha makaphābingli kathada tandi mida narhairakhala kaji Prohona thei.

JUDE 1:11

kayākha khangachee-khangacha otkhala! Athum Cainwui athi shura; thada tongzā khavai vang khayon otmāng sai, kala Korahna khangashao thada, athumlila khangashaona shimān ngasakra.

JUDE 1:15

Kala varebingli kaphaningabing, Vareli ngakaikashe, morei kasābingna makaphā-makhayā kaphentui khamatui saikorawui vang bichar sāda khayon mira.

JUDE 1:16

Mibing hina chānkhalop eina kateili phenphāphai, kachorkashe, malungkachāng, katho-kachir makhavai kala tongzā khavai mili sotkhamasaoli akachanga sai.

JUDE 1:4

Ithumwui Akhavā Proho Jishu Khristali makhamayā kala athumwui morei thumkhavai Varewui lukhamashan otli nguida tamkachithei ithumwui alungli rāngathizanghaira. Athumwui khayon otsak hi achālakha kathara tuili kapihaisai.

JUDE 1:7

Sodom eina Gomorrah kala chiwui luinganaili khaleibing athumna chikathā kazingraobingwui thada kasā, khamathang-khamarang kala makaphā-makhayā otmāng kasāwui vang makhamit meiwui tandi samphangra da saikorali theikhangasak hi phaningunglu.