2 PETER 2:2 - Kathara Bible (BSI)

² Mi kachungkhana athumwui sokhamasap chili shurra kala athumwui otsak chiwui vang khamashung shongfa chilila mashātra.

2 PETER 2:2 Iomraidhean Croise

HAOKAPHOK 19:5

kala athumna Lotli hoda, “Arui ngayā nashiwuili kharā kha̱mi chi kali leikhala? Anili hili khuishoklu, ngasovaiga.”

LAA 18:21

Kaja ina Prohowui ainbing chi mayona, kala ina zakshilāk eina Varewui eina mapākthuimana.

ISAIAH 35:8

Kala chili chānrei akha leira, chili kathara shongfa hora. Makathara yurna chili mazatpaimara, mangkhama̱bingna machonmakānpaimara.

JEREMIAH 6:16

Prohona hithāda hānga: “Shongfa ngalemli nganinglu, kala yanglu, kala achālakhawui shongfa khamathā ngahānkhuilu; kala chili zatlu kala namangla khangasām samphang khavai sālu.” Kha athumna, “Ithum chiwui alungli mazatlakmara!” da hānga.

MATTHEW 22:16

Chiwui thili athumwui sākhangatha̱bing eina Herodwui mibing kaikhali shivātlaga ahāng ngasaka, “Ojā, ithumna thei kaja na khamashungana, kala Varewui shongfa mashunglak eina tamchithei, kala kateina nali khinada khuilikhala kajiwui vang kakhanang maleilakmana, maramva miwui kharei kateoli nana khikha mayangmana.

MATTHEW 24:24

Kaja minama Khrista kala minama marānbing shokta, shapakha kapangkhui kahaibingli eina tangda thānngui khavai khudamla kala matakhak kahai otsakla kachungkha chitheira.

MATTHEW 7:14

Kharing mirinli thanvā khavai ngavei chiya masha̱laka, kala shongfa chi saklaka kala chi mi kateokhamāngna phākhuiya.

MARK 12:14

Athumna ali rangahāna, “Ojā, na khamashunga kala mimai makhayanga mina da thei, kaja nava miwui shingamli mayangmana, kha mikumowui vang Varewui kaphaningwui mashun chi tamchithei. Caesarli khāshina khami hi ainka, maningmakhala?”

MARK 13:22

Minama Khrista kala minama marānbing shokra kala shapakha Varena kapangkhui kahaibingli thanngui khavai khudamla kala matakhak kahai kachungkhala athumna chitheira.

JOHN 14:6

Jishuna ngahānkai, “I shongfana, khamashungana, kala kharingana; iwui eina maningla Avāva̱wuili khipākha marāpaimana.

OTSAK 13:10

“Chipeewui naotun, khamashung saikorawui yangkashe, nava kachipat eina makaphāwui marei-marā kathemana. Prohowui khamashung shongfa mashongachei ngasakchingrala?

OTSAK 14:2

Kha mashitkasanga Jihudinaobingna Gentilebingli hāngkasotta shitsang kahaibing chili mamayā khavai sai.

OTSAK 16:17

Ana Paul eina ithumwui thi shurda panglāk eina, “Huikhamiwui tuipong nathumli vaomalānkhame mibing hi Juikhamataiya Varewui raobingna” da vaopama.

OTSAK 18:26

Ana synagogueli pinglak eina tamchitheiphoka. Chi Priscilla eina Aquilana shālaga ali hokhuida Varewui apongli mashungmeida tamchithei.

OTSAK 19:9

Kha mi kaikhana ning makanghaoda mashitsangrarmana kala yaruiwui mangāli Prohowui pongli makaphā tui matui. Chieina Paulna athumli horhailaga shitkasangbingli thānkhuida Tyrannus kazipshimli thangkachida ngayāt ngaroka.

OTSAK 22:4

Apong hili kazata mibingli ina rekharekta shaothat ngasaka. Ina sha̱nao, mayarnaobingli tukkhuida phātopli sanga.

OTSAK 24:14

Kha ina hi mayai, athumna mamashungmana kaji Apong chili shurda ina ithumwui avā ngarāna khokharuma Vare chili khoruma. Kha Moseswui ain lairikli kapi kahai saikora chili ina shitsanga kala marānbingna kapi kahai chilila shitsanga.

ROMNAO 2:24

Hithada kapihaida lei, “Nathumwui vang eina Gentilebingwui ngachaili Varewui ming maishi ngasakhaira.”

1 TIMOTHY 5:14

Chiwui vang eina lārongpongbingna fathuida naola pharālaga shimkhurli kachingda ithumwui yangkashebingna ithumli khamashāt maleikhavai kasā phāmei.

TITUS 2:5

ningkakāva̱, shim pānkatheiva̱, lumashankatheiva̱ kala gahara ngarāwui kahāng khanganava̱ sākhavai tamchitheiphalungra; chithākha Varewui eina kharā chānpao chili mi khipānakha mamashātmara.

TITUS 2:8

Maphenkapai tui matuilu, chithākha ithumwui apongli athumna makaphā khikha hāngkhavai masamphangmada yangkashibing khayakkhuira.

1 PETER 2:12

Yurkhangateibingwui alungli acham-aram mathada zatlu, chithākha nathumli khangui khalāng mina da phensālala nathumwui kaphā ot chi athumna theira kala a rāthang Vareli tekkmatei ngasakra.

2 PETER 2:12

Athum hiya ning makazang ramsā rengkhuilaga sāthat khavai pharā kahai sāyur kathāna. Athumna matheikharar chili zeilaga hāngphāphā kajiwui vang sāyurbingwui kashimān thada athumli shimān ngasakra.

2 PETER 2:15

Khamashung pongwui eina ma̱thuihaida khangui otsak eina lanli leikashe Beorwui naomayara Balaamwui thi shurhaowa.

2 PETER 2:18

Athumna mangkhama̱wui lāngsot tui tham-tham matuida moreiwui eina yāmshoknanaida khalei athumli phasāwui khamathang eina suiya.

2 PETER 2:21

Athumna kathara ningkhami chi thatheihailaga chiwui eina yāmluishitki kajiwui vanga khamashung khangaronga apong chi matheisālak kajina phamei.

2 PETER 2:7

mikumona masākhangayi acham-aram kazatbingwui vang ning chotkhame kaphā a Lotli Varena kanmiakha,

JUDE 1:10

Kha mibing hina athumna bhap makatā otlila zeiphāphai; kala sāyur thada athumna ningli kaza̱za̱ china athumli shimān ngasaka,

JUDE 1:15

Kala varebingli kaphaningabing, Vareli ngakaikashe, morei kasābingna makaphā-makhayā kaphentui khamatui saikorawui vang bichar sāda khayon mira.

JUDE 1:4

Ithumwui Akhavā Proho Jishu Khristali makhamayā kala athumwui morei thumkhavai Varewui lukhamashan otli nguida tamkachithei ithumwui alungli rāngathizanghaira. Athumwui khayon otsak hi achālakha kathara tuili kapihaisai.

JUDE 1:7

Sodom eina Gomorrah kala chiwui luinganaili khaleibing athumna chikathā kazingraobingwui thada kasā, khamathang-khamarang kala makaphā-makhayā otmāng kasāwui vang makhamit meiwui tandi samphangra da saikorali theikhangasak hi phaningunglu.

PHONGKHAMI 12:9

Chieina phara̱ kasara, okathui katongali thānkhanguia, aming Satanla, Chipeela kaho dragon chi awui kazingraobingli ngasoda okathuili hortāhaowa.

PHONGKHAMI 13:14

Ali sāyur khare chiwui mangāli matakkhak kahai ot sākhangasak chiwui mangā eina ana okathuili minamda, akui khamā za̱laga raikahaiya sāyur chiwui meoma̱ sākhui ngasaka.

PHONGKHAMI 13:8

Okathui masāranglakha shaothat kahaia Yaonaowui kharinga lairikli kapisang kahaibing chi maningla okathui katongana ali khorumra.