2 PETER 2:12 - Kathara Bible (BSI)

¹² Athum hiya ning makazang ramsā rengkhuilaga sāthat khavai pharā kahai sāyur kathāna. Athumna matheikharar chili zeilaga hāngphāphā kajiwui vang sāyurbingwui kashimān thada athumli shimān ngasakra.

2 PETER 2:12 Iomraidhean Croise

LAA 49:10

Mha, thangkhamala thi kaji ana theira, mangkhama̱ eina makhanganingala khanini shimānra; kala athumwui lan kateili haimira.

LAA 92:6

Mangkhama̱na matheirarmara, mathangkhama̱ mina hi matheikhuirarmana:

LAA 94:8

Theikhuilu, mangma̱meikap kajebing! mangkhama̱bing, nathum katharan thangmeinaorakhala?

CHĀNSAM 14:32

Makhayā mili awui makaphāna chithita, kha khangarong mina awui ningsākhangazipwui mangā eina ngayin khavai samphanga.

JEREMIAH 10:21

Kaja yaokahomabing mangma̱ya, Proholi mangathingkhuimana; chiwui vang athum mamataikasangna, kala athumwui yaobing ngapha̱yāng kahaina.

JEREMIAH 10:8

Athumva mangkhama̱, kala wurkazomānga; meoma̱bingwui tamkachithei chiya khikha makhaning thingna!

JEREMIAH 12:3

Kha, nana ili katheina, O Proho, nana ili thei, kala nawui apongli ining tamyanga. Taithat khavai yaonao thāda athumli ngakhunshoklu, kala taithat khavai zimikshowui vang athumli ngateida hailu.

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

JEREMIAH 5:4

Chieina ina hānga, “Athum hiya kachāmabingna, athum ning makhaleibingmānga; kaja athumna Prohowui apong kala Varewui ain matheimana.

EZEKIEL 21:31

Kala ina iwui malungkhavāt nathumwuitungli chihotāra; Iwui malungkhavātwui mei nathumwuitungli malirorra; kala sākashimān kathema, sakashebingwui pāngli ina nathumli horsangmira.

MARK 7:22

kākharām, mikhanam, makhangatun, yuikashi, ngashimkashi, langkaso, mangkhama̱ hikathāthā shoka.

JOHN 8:21

Jishuna athumli hāngluishita, “I thuihaora; nathumna ili phāra, phālala nathum nathumwui moreili thihaora. Ina vāki kaji chili nathum mavārarmara.”

GALATIANAO 6:8

Khalatawui nigkachāng athishurda lingsangakha kashui hātkhuira, Manglāwui lungli lingsangakha makashimān mirin hātkhuira.

COLOSSIANAO 2:22

Hikathā hiya shichin kahaiwui thili shimānhaoki kaji mikumona semkakhuiya ayin kala tamkachitheimaya.

2 PETER 1:4

Hithada sāda okathuili leida khalei sāshimānkapai khamathangwui eina yāmshokpai khavai kala Varewui tharkhamatheng khangachā chili ngashitmi kahai kasaka lemmet chi mihaira.

2 PETER 2:19

Athumna ningkhān mirada ngashitzata, kha athum khalatta shimānhaoki kaji makaphā-makhayāwui raobingna. Kaja kachikathā ot akhana mi akhali yuihaiakha mipā chi ot chiwui raona.

JUDE 1:10

Kha mibing hina athumna bhap makatā otlila zeiphāphai; kala sāyur thada athumna ningli kaza̱za̱ china athumli shimān ngasaka,