2 PETER 2:1 - Kathara Bible (BSI)

¹ Khare kachāngla minama marānbing shokhaira. Chi tākam eina nathumwui lungli minama ojābing shokra. Athumli kankhame akhavālila mamayāmada shimān khavai kala makhamashung tui tamchitheira. Chieina athum khalattali athumwui tamkachithei china shimān ngasakra.

2 PETER 2:1 Iomraidhean Croise

1 WUNGNAOBING 22:6

Chieina Israelwui awungana marān shāmati sha̱kha hokhuida athumli hānga, “Ili Ramoth-gileadli rai sālu jikā, khānghaolu jikhala?” Athumna, “Sālu, Prohona awungawui pāngli horsangmira,” da hānga.

SHONGZĀ 15:16

Athumwuitungli khangachee-khangachā tāshunga, kaja napāngwui reikhamatai china athum lunggui thāda mangatha̱thukmana, nana ngatangkhui kahaibing nawui mibing, makanshokranglakha eina tangda, O Proho.

ISAIAH 9:15

arara kala khayākakāpā chi akuina, kala kakapik tamkachitheia marān chi akhameina;

JEREMIAH 29:21

“Israelwui Vare, saikorawui Prohona hithāda hānga, Kolaiahwui naomayara Ahab eina Ma-aseiahwui naomayara Zedekiahwui pongli kahāngna, anina iwui ming singda kakapik tui marānmi: Yanglu, anili ina Babylonwui awunga Nebuchadnezzarwui pāngli horsangmida nathumwui miktāli shaothatra.

JEREMIAH 37:19

‘Babylon awungana rai marāngararlakmara’ da phongkhame nawui marānbing kali vāhaokhala?

JEREMIAH 6:13

Kaja teomeithui kaje eina thuida reimeithui kaje eina tangda athumna makhamashunga tongzā khavai kāramsera; marān eina thuida pāngmon kāshungda, mamashungla sai.

CHAPCHĀT 2:14

Kaja nawui marānbingna nawui vang khangui, kala kakapik mahāmi; nawui shimlui hanshok khavai athumna nawui khayonkhamāng machitheimana, kha nawui vang khamarān tui chi kachipat kala thānkhanguina.

HOSEA 9:8

Marān chi Ephraimwui khamayonana, iwui Varewui miyurli khamayonana, chithālala vānao khalen kasāpana awui shongfa saikorali khalen sanghaira, kala awui Varewui shimkhurli ningkakachai chi leihaira.

MICAH 2:11

Mi akhana masitui kala kakapik tui matuida, “Ina nathumli drakhāra̱ eina zamwui pao hashokra” da hāngshang hangtāakha, a miyur hiwui pao hākashokana.

MICAH 3:11

Chiwui akhavābingna pheizāwui vang bichar sai, pāngmonbingna aman khuida tamchithei, marānbingna pheisāwui vang phonga; chithālala athumna Proholi chihānda hānga, “Proho ithumwui ngachaili maleimala? Ithumwuitungli makaphā marāmara.”

MICAH 3:5

Iwui mibingli thanngui kahaia marānbingwui pongli Prohona hithāda hānga, athumna zākhavai kateokha leiakha, “Mashithaosa” ji, kha athumwui khamorli khikha masangkhamebingli rai sāra jihaowa.

MALACHI 3:5

“Chiwui thili nathumli bichar sākhavai ina rānganaira; ina sha̱ khangasobing, shām kasābing, kapikta shākhi kasābing, ngalangman mamila singkakharengbing, marānao, ra̱meinaoli malukhamashanbing, kha̱ram kazatabingli kakashambing kala ili makhangacheebingwuitungli mashun shākhi mira da saikorawui Prohona hānga.

MATTHEW 10:33

kha ili mibingwui mangāli kahata chili inala kazingramli khalei iwui Avāwui mangāli ali hatra.

MATTHEW 24:11

Kala minama marān tarākha shokta mi kachungkhali thānnguira.

MATTHEW 24:24

Kaja minama Khrista kala minama marānbing shokta, shapakha kapangkhui kahaibingli eina tangda thānngui khavai khudamla kala matakhak kahai otsakla kachungkha chitheira.

MATTHEW 24:5

Kaja mi kachungkhana iwui ming singda rālaga ‘Khrista chi ina’ da hāngra kala mi kachungkhali thannguira.

MATTHEW 7:15

“Minama marānbingli ngasharlu, athumna yaohui ngavaikhaninglaga rai, kha alungle athum sākakathān ramfa kathāna.

MARK 13:22

Minama Khrista kala minama marānbing shokra kala shapakha Varena kapangkhui kahaibingli thanngui khavai khudamla kala matakhak kahai kachungkhala athumna chitheira.

LUKE 12:9

kha mibingwui mangāli ili kākhalan mi chili Varewui kazingraobingwui mangāli inala khalanra.

LUKE 21:8

Chieina ana hānga, “Nathumli mathānngui khavai ning ngasharlu; kaja mi kachungkhana iwui ming singda rālaga ‘I ana’ kala ‘Atam chi nganailakhaira’ da hāngra. Chithālala athumwui thi mashurlakalu.

LUKE 6:26

“Mina nathumli sotkhamasao tharan nathum kakhanang ringkashi ngasāranu, kaja athumwui avāva̱ ngarābingnala minama marānbingli chi tākam eina sāsai.

ROMNAO 16:18

Kaja hithada kasā athum chiya Khristawui otram khangatha̱ maningla paiphonwui vang ot kasāna, athumwui kashim tui kala sotkhamasao akhon eina matheithangkhameibingli yonngasaka.

1 CORINTHNAO 11:19

(Mashunli nganingtit kajebingli ngahāhang eina theipai khavai nathumwui ngachaili kakaila leiphalungda leira)

1 CORINTHNAO 6:20

nathumli aman mida lokhuihaira. Chiwui vang eina nathumwui phasā eina Vareli tekmatei ngasaklu.

1 CORINTHNAO 7:23

Varena aman mida nathumli lokhuihaira. Chieina mibingwui rao masāluialu.

GALATIANAO 2:4

Ithumna Jishu Khristali khangashikwui eina ningkhān samphang kahaiwui apongli ngathum sāda rāra̱yangkhui khavai mi kaikhana shitkasang khangarumbingna da sāreklaga ithumwui kānglupli rāngathisanga. Athumna ithumli makaphā rao salui ngasakngaiya.

GALATIANAO 3:13

Kha ithumwui vang khonshi kahai akha sāda Khristana ithumli ainwui khonshāt eina ngatangmihaira. Kaja hithada kapihaida lei; “Thingtungli kathe ā chi Varewui khonshātlungli lei.”

GALATIANAO 4:17

Nathumli ngahānngailak eina kasābing chi ning matharmana. Athumna nathumli iwui eina ngatei ngasakngai kaja athumna nathumli ngahānkhangai thada nathumna athumli ngahānngai ngasaka.

GALATIANAO 5:20

meoma̱li khokharum, kala meowor kashon, yangshi khangarok, khangama̱, mikpaikashi, malungkhavāt, kākharām, mijang kakhom, kaikhangarok,

EPHESIANAO 1:7

Kaja Khristawui asheena ithumli ningkhānmi, chiya ithumwui morei pheomihaira. Varewui lukhamashan kayākha hakmahākhala,

EPHESIANAO 4:14

Chithākha ithum marei-marā awor eina kateibingli khanguili thānkasang mikhanamabingwui tamkachithei, chiwui masi china phanung-phanvāda yuiung-yuivā kaje naoshinaobing chikathā mangasāmara.

KHALATLUI 32:6

Mangkhama̱ nathum kala ning makhalei mibing, chithāda nathum Proholi hanmirala? A nathumwui avā, nathumli kasā akhavā, nathumli kasema kala nathumli sākākhame maningmala?

PHILIPPINAO 3:19

Athum meifali vātangsera, kaja phasāwui ningkachāngli phākazat chi athumwui vare ngasāhaowa; khayakkhamarao otsakli athumna langsoi, athum okathui otmāngli phaninga,

COLOSSIANAO 2:18

Theivākashap pangshap leihaowa da kateili phāmeiya da kaphaningbing, phākharekbing kazingraoli khokharumwui vang juimeiada kaphaningbingna nathumli mangui ngasakhailu. Chikathā mibing chiya maram makhaleilila okathui lāngsot ningngai eina matuikhangai matui,

COLOSSIANAO 2:8

Ngasharlu kaja Khristawui eina kharā maningla awo-ayiwui eina maron-maron tamchitheikharā, apuk-apaga khamunga makaphā manglāwui eina kharā kala mikumowui thangkhamei mareimarāwui eina kashok china nathumli rao masā ngasakalu.

1 TIMOTHY 5:8

Kachikathāna awui athei-asābingwui vang mataimeikapta ashi shimkhurwui vang mangarānmitheiakha awui shitkasang maleimana. Chitkathā mi chiya mashitkasangbingli zakshimei.

2 TIMOTHY 4:3

Mibingna khamashung tamkachitheili mahengsangla athum khalattawui ningkachāngli kashur kala nganākhangai hāngkachithei ojābing kachungkha chili kharomkazat atam rāra.

TITUS 1:11

Athumna tongzā khavai hokhamahā matamchitheikhangayi chi tamchitheida shimkhur katongali pa̱ngapā ngasaka. Chikathā chi khāmphalungra.

TITUS 3:10

Kaikhangasaka mi chili khani shida hāngmachinlu. Chiwui thiliva khikha mahāngluilu.

HEBREWNAO 10:29

Chithākha Varewui naomayarali makachāpa, moreiwui eina tharmi kahai Varewui tuingashitwui asheeli paisor eina kaphaninga mi, lukhamashanwui Manglāli mana̱kashe mi chi khi ngasāra? Awui tandi kayākha sakmeirakhala da phaningyanglu!

1 PETER 1:8

Ali nathumna matheirangsālala leishi kala mik eina matheilala shitsangada ringkaphā khamathān khamor eina mahāngrarmana.

2 PETER 2:3

Karāmhaoda minama ojābing hina nathumli athumwui ningkap eina semkakhui khararchān chieina kateizāra, kaja hikathā mibing hiya shimānphalungra kaji hi achālakhawui eina hāngmarān kahaina, kha atam kasha̱nakhawui vang mashimānki kaji thasālala athum chiya shimānphalungra.

1 JOHN 2:26

Nathumli minamki kajebingwui pongli ina hi kagapina,

1 JOHN 4:1

Leikashebing, Manglā kachiva̱li mashitsangalu: kha Varewui eina samkaphang manglākā maningkhala kaji chāng yanglu, kaja mikhanama marān kachungkha okathuili shokhaira.

JUDE 1:18

Athumna, “Khangachang atamli makaphā otli kazata athum china nathumli mana̱shinganaora” da hānghai.

JUDE 1:4

Ithumwui Akhavā Proho Jishu Khristali makhamayā kala athumwui morei thumkhavai Varewui lukhamashan otli nguida tamkachithei ithumwui alungli rāngathizanghaira. Athumwui khayon otsak hi achālakha kathara tuili kapihaisai.

PHONGKHAMI 13:14

Ali sāyur khare chiwui mangāli matakkhak kahai ot sākhangasak chiwui mangā eina ana okathuili minamda, akui khamā za̱laga raikahaiya sāyur chiwui meoma̱ sākhui ngasaka.

PHONGKHAMI 2:13

Ina nawui pamkhavai thei; chi Satanwui wungpamkhonglina. Chithālala iming nana singtita, nana iwui kahāng nganai kala Satanna kapam apam chili shākhi khame ili ningkatonga Antipasli sākathat tharan nana ili shitkasang mangacheilakmana.

PHONGKHAMI 2:9

Ina nawui kachotkachāng kala kachām thei, (kha nathum shānglaka). Jehudina da hānglaga maningkasā athumna khamashāt ina thei, athum Satanwui synagogue akhana.

PHONGKHAMI 3:8

Ina nawui otsak theisera kala yanglu, ina nawui mangāli khipānakha mashungkharar khāmong akha shomihaira; khikhalajila nawui pangshap teolaka, thālala iwui tui mayonhaira kala iming mahorhailakmana.

PHONGKHAMI 5:9

kala athumna laa kadhar akha sai: “Lairik akhalui chi khuida chiwui mahor namkahai sākhaingayilak kaje chi nalāka, khikhalajila nali sāthathaowa, laga nawui asheena shang kachiva̱wui eina, tuiyur kachiva̱wui eina, miyur kachiva̱wui eina, kala ngalei kachiva̱wui eina, Varewui vang mi lokhuihaira.

PHONGKHAMI 6:10

Athumna panglāk eina vaowa: “O Proho, kathara, khamashunga, okathuili khalei mibingna ithumli shaokathatwui bichar kala tandi miki kaji atam chi leifala?”