2 PETER 1:9 - Kathara Bible (BSI)

⁹ Hikathā makhaleia mi chiva khangapeowa ningkasha̱ana, kala ana sākahai morei pheomihaira kaji malaikahaina.

2 PETER 1:9 Iomraidhean Croise

PĀNGMONSHI 13:55

Kala kazāt kakā ot chi ngasa̱ kahaiwui thili pāngmonna munlak eina yangluira, kazāt chi mamaisanglala, kazāt chi mangacheiakha, chi matharmana; phārrei kazāt chi khanukliranu, mangāliranu, nathumna meili riktāhalungra.

MARK 10:21

Jishuna ali yangtitlaga leishida hānga, “Nawui khavāt akha lei; ungulu kala nawui khalalei saikora ungyorhailaga kachāmabingli mihaolu, chithākha kazingramli nawui lan kaziphaira; kala rāda ithi shurlu.”

LUKE 18:22

Jishuna chi kashā eina ali hānga, “Nawui khavāt akha leifaya. Nawui khalalei saikora yorhailaga kachāmnaoli yaohaolu, chithākha kazingramli nawui lan leira, laga rālu, ithi shurlu.”

ROMNAO 6:11

Chithada sāda nathumla moreili thihailaga Khristawui mangā eina Varewuili ringda lei kaji phaningphalungra.

GALATIANAO 5:13

Ivānaongarā, nathumlila ningkhān khavai hokhuihaira. Kha ningkhān hina nathum phasāwui ningkachāngwui khutlai sāda nathumli mamung ngasakalu. Kha leishida akha eina akha ngachon ngaroklu,

GALATIANAO 5:6

Kaja ithumna Khrista Jishuli ngarum kahai tharan, ahui rimkashoknala, marimkashoknala ngatei khangasak khikha maleimana. Leikashi mangā eina ot sākhangasaka shitkasang china khamataina.

EPHESIANAO 5:26

Awui tui eina tara̱ eina kapheo thada pheohailaga church chi Vareli tharchigat khavaina.

TITUS 2:14

makaphā makhayāwui eina ngatangkhuida awui kathara kala khamareka mi sākhavai a khalatta ithumwui vang chigatmi.

HEBREWNAO 9:14

Chithākha Khristawui ashee eina kayākha mataida tharmirakhala? Katang makhavai Manglā chieina chukkhara maleila a khalatta Vareli pha̱mi. Awui ashee eina ithumwui mashun-makhui chi makaphā otsakwui eina tharmihaida kharinga Vareli otram ngatha̱pai khavai sāmi.

1 PETER 3:21

Hi arui nathumli huikakhui ra̱kahikwui amahāna. Hi pha̱sāwui khamakhao pheokatā maningmana, kha ana Vareli mayāda ning horsangchaolaga awui kahāng nganāra da ra̱kahikwui otsak kasāna. Jishu Khristawui ringkashok china nathumli huimi.

1 JOHN 1:7

Kha ana kahorli khalei thada— ithumna kahorli okthuiakha ithum akha eina akha ngarumsak lei, kala Anaomayara Jishuwui ashee china ithumli morei saikorawui eina tharmi.

PHONGKHAMI 3:17

Nakhalatta ‘I shāngshuna, ringphāshuna, kala khavāt akhala meleimana’ da hānga kha na makathuka, khikha masā khavai, kachāma khangapeowa, kala kachon makhangavaiana kajiva matheimana.