2 PETER 1:8 - Kathara Bible (BSI)

⁸ Magunbing hi nathumwui ngasā ngasakta mataisang ngasakakha, ithumwui Proho Jishu Khristali theishingkakhuiwui khamashung chi makankhanā kala athei makhamathei mangasālakmara.

2 PETER 1:8 Iomraidhean Croise

CHĀNSAM 19:15

Ngachāng makakāna piphuphai ngasaka, kala chāngshena kathai samphangra.

MATTHEW 13:22

Ka̱shātronglungli yaosang kahai athā chiya tui chi shālala mirinwui vang malungkharing kala lanli leikashina tui chi shangthathaowa kala atheila mamatheithuwa.

MATTHEW 20:3

Khaleilaga pung chiko katā eina, keitheilungli khiotkhala masātheimada nganingung eina nganingzatkasā mi kaikhali theida

MATTHEW 20:6

Kala pung phangā maikhali khavā eina mi kaikha nganingzatkasā chi theida hānga, ‘Chāngnārem eina khisāda nganingpamshonlikhala?’

MATTHEW 25:26

Kha awui akhavā china ali ngahānkai, ‘Makaphā, ngachāngmakakā rao! Ina mayaola hātkhui kala mahamla kazipkhui kaji nana theilamā?

JOHN 15:2

Athei makhamathei iwui aphāng kachiva̱ ana yortāhai, kala athei khamathei aphāng kachiva̱li chungmei mathei khavai sāmathāmi.

JOHN 17:3

Katang makhavai kharing kaji hi akhamāng kaje khamashunga Vareli kala nana kashirāta Jishu Khristali mikumona kathei hina.

JOHN 5:42

Kha nathumwui wuklungli Varewui leikashi maleimana kaji ina thei.

ROMNAO 12:11

Lungsanda ot sālu, ngachāngmachatalu, Proholi ningtongda otram ngatha̱lu.

1 CORINTHNAO 15:58

Chiwui vang eina leikashe ivānaobing, nganingtitlu. Nana Proholi otram khangatha̱ hi arema mangasāmara kaji theida otram khangatha̱li marekta sāchinglu.

2 CORINTHNAO 13:5

Nathum shitsangtita leichinglā kaji nathum khalatta chāng yanglu kala machukkhuilu. Nathumna chāng khayang chili mangasungkharar maningakha Khrista nathumwuili lei da matheimala?

2 CORINTHNAO 8:2

Athumli yangkhui khavai kakhanang kachungkha eina chāng yanga. Kha athumwui kachām hailaklaga mingrairareo khamili khamathān hāngkhavai maleimana.

2 CORINTHNAO 8:7

Shitkasanglila, tuimatuilila, aworlila, ngachonkhamilila kala ithumli leikashilila mataimeithui kaji thada saikhalamlila nathumna mataimeithui khavai sālu.

2 CORINTHNAO 9:14

Varena nathumli hakkhamahā lukhamashan khami chiwui vang athumna nathumwui vang ningyāng tongchaoda seihā sāmira.

PHILIPPINAO 1:9

Kala theikakhui eina chukkhamaja̱ ngasoda nathumwui leikashi mataisangmamān khavai ina seihā sai.

PHILIPPINAO 2:5

Nathumla Jishuwui kasākhavā thada sālu.

PHILIPPINAO 3:8

Chimāng maningmana; iwui Proho Khrista Jishuli theikakhuiwui aman kasak chiwui vang eina ot saikora aremana da shānkhui. Awui vang eina ina ot saikora horhaira; chibing chi khamakhaowa thothap kathana da ina khuiya, chithākha ina Khrista chi samphangpai

COLOSSIANAO 1:10

Chieina Prohowui ningkachāng athishurda nathumna ringshapra kala atam kachida ali ningyāng ungngasakshapra. Nathumwui mirin china khamathā ot kachungkha sāshapra kala Vareli mataimeida theikhuira.

COLOSSIANAO 2:7

Nathumwui angayung awuili sa̱khuititlu, nathumwui mirin awuitungli sākālu kala nathumli tamchithei kahai thada nathumwui shitkasang pangsang ngasaklu. Kala ningkashina pemtinghailu.

COLOSSIANAO 3:16

Khristawui tui hi nathumwui wuklungli pemtinghai ngasaklu. Nathum akha eina akha theithangmeilak eina tamchithei ngaroklu kala machin ngaroklu. Laa einala, masotlaa einala kala kathara laa einala Vareli nathumwui wuklungli ningkashi eina ngasoda sochikatlu.

1 THESSALONICANAO 3:12

Ithumna nathumli leikashi chiyākha khalei thada nathum akha eina akha leikashi kala mi saikorali leikashi chi Prohona mataimeida ngarumsangmiranu.

1 THESSALONICANAO 4:1

Ivānaobing, naomeikapta Vareli ningyāng ungngasak khavai nathum kathada okthuirakhala kaji ithumwui eina tamkhuihaira. Hi nathumna ringda khalei mirin chipapama. Ara Proho Jishuwui mingli nathumna chili mataimeida ringkhavai kapona.

2 THESSALONICANAO 1:3

Ivānaobing, nathumwui vang atam kachida ithumna Vareli ningshi. Hi ithumna sāngayilāk kahai otna, khiwui vangkhala kaja nathumwui shitkasang mataisangmamānda lei kala akhana akhawui vang leikashila mataisangmeihaira.

1 TIMOTHY 5:13

Kala athumna shim shimli zangzatta ngachāng makakā tamkhui, kha chili zakshikhameiva khipālikha matheimila morsāpta mamatuikhangayi tui matuiphāphāhaowa.

TITUS 3:14

Kachangkhat darkar khalei chi mishap khavai ithumwui mibingna kaphā ot kasāli ngalang chigathei khavai tamkhuiphalungra kala aremawui mirin maringphalungmara.

PHILEMON 1:6

Shitkasangabing thada nali ot sākhangarum hina Khristali ithum ringrumda sokhami samphangda khalei chi thukmeida theikhuipaira kaji hi iwui seihā kasāna.

HEBREWNAO 6:12

Chiwui vang eina nathumli ngachāng makakā mi mangasā ngasakngaimana, kha Varena ngashitmi kahai chi samphang khavai shitkasang eina lāngkatha̱bing kathā sāngasakngai.

2 PETER 1:2

Vare kala ithumwui Proho Jishuli kathei mangā eina lukhamashan kala chingri kahai nathumli pemtinghairanu.

2 PETER 1:3

Ithumli awui phākhamataia tekhamatei samphangrum khavai kahoa chili katheiwui vang Varewui tharkhamatheng pangshap china ithumwui mirin kala dharmarinli ringkhavai darkar kasā saikora ithumli mihaira.

2 PETER 2:20

Huikhame Proho Jishu Khristawui mangā eina theithangmeida okathuiwui khamakhaowui eina yāmshoklaga chiwui khalenli tāzangluiakha, khare mirinli khanaopā zakshimei.

2 PETER 3:18

Kha ithumwui Proho kala Huikhame Jishu Khristawui lukhamashan kala aworwui lungli nathum rarsanglu. Awui mingli aruila, naodala mashimānda tekmateichingra̱nu. Amen.