2 PETER 1:7 - Kathara Bible (BSI)

⁷ dharma kaphaningli chinao ngarāwui khamashit kala chinaongarāwui khamashitli khalem leishāt ngarumsanglu.

2 PETER 1:7 Iomraidhean Croise

ROMNAO 12:10

Akha eina akha Khristawui lungli chinaongarāwui leikashi mida leishi ngaroklu. Akha eina akha khayāshi ngaroklu.

GALATIANAO 6:10

Chiwui vang eina ithumna sāpaida leilakha mi saikorali kaphā sāmisersa, mataimeikapta shitkasang khangarumbingli sāmisa.

COLOSSIANAO 3:14

Kala hāngda khalei magunbing hili, kāshunglak eina khokkha sākhavai ot saikora khalaprumkhame leikashi chi ngarumsanglu.

1 THESSALONICANAO 3:12

Ithumna nathumli leikashi chiyākha khalei thada nathum akha eina akha leikashi kala mi saikorali leikashi chi Prohona mataimeida ngarumsangmiranu.

1 THESSALONICANAO 5:15

Mi khipānakha khayonwui vang khayon masāroralu, kha atam kachida akhana akhawui vang kala mi kachiva̱wui vang kaphā sākhami hi nathumwui kharin ngasālu.

HEBREWNAO 13:1

Chinaongarāwui leishāt nathumwuili leingasakchinglu.

1 PETER 1:22

Achinā ngarāli ningtharda leishi khavai khamashung chili kahāng khanganāwui vang nathum khalatta tharhaogada, nathum akha eina akha ningtongda wuklung eina leishi ngaroklu.

1 PETER 2:17

Mi saikorali khayāshilu, avānao ngarāli leishilu, Vareli ngacheelu, kala wungreili khayāshilu.

1 PETER 3:8

Naomeikapta, nathum saikora ngaraikachā ningphanin kala ningngai leiphalungra; akha eina akha chinaongarā thada leishilu, kala akha eina akha lumashanthei ngarokta lāngkaso ningngai malei ngarokphalungmara.

1 JOHN 3:14

Ithumli kathiwui eina kanshokmihaira kaji ithumna thei, kaja ithumna achināngarāli leishi. Maleikashebing chi aruila thida lei.

1 JOHN 3:16

Chithada sāda leikashi hi khikhala da chiwui eina ithumna theikhuipai; Khristana ithumwui vang amanglā chihomi. Chiwui vang eina avānaobingwui vang ithumnala manglā chihomi phalungki kajina.

1 JOHN 4:21

Chieina Khristana hithada kahāngna; Vareli leikashe china avānaolila leishiphalungra.