2 PETER 1:6 - Kathara Bible (BSI)

⁶ aworli khalatta khangarin, khalatta khangarinli, ningzinghākharing, ningzinghākharingli dharma kaphaning,

2 PETER 1:6 Iomraidhean Croise

HAOKAPHOK 5:24

Enoch Vareli ngavapta okthuisai, chiwui thili a maleithuwa; kaja Varena ali khuithuihaowa.

LAA 37:7

Prohowui mangāli chingrihailu, kala ali ning nganungkhun ngaraipamlu; mina awui apongli reikasang eina, makaphā arah kasābingwui vang makhanangalu!

ISAIAH 57:1

Khangaronga mi shimāna, laga khipānakha ningli sakta makhuimana; wuklung kathar mi khuithuihaowa, khipānakha matheishingkakhui atamli. Kaja unshimuiwui eina khangarong mili khuithuihaoda,

LUKE 21:19

Nathumwui khāngkathei china nathumwui manglā kharing samphangra.

LUKE 8:15

Ngalei katumpamli tākazangbing chiya tui chi shākhuilaga ningkathar kala kahāng khanganā wuklung eina singtitta khānglaga athei kachungkha khamatheibing chi kathāna.

OTSAK 24:25

Kha Paulna mashun, khalatta khangarin, kala rāki kaji bichar zimikshowui pongli ngapheikachithei eina Felix ngacheehaida hānga, “Ara ungpaira, ina atam kaphā chitharan holuinaora.”

ROMNAO 15:4

Achālakha kapi kahai chi ithumli hāngmachin khavaina, kaja ithumna nganingtitta kala kathara tuina kasatkasang athishurda kachihān leikhavaina.

ROMNAO 2:7

Mi kaikhava kaphā ot sāchingda lei, kathi makhavai kharing phai; athumli Varena katang makhavai kharing mira.

ROMNAO 8:25

Kha ithumna makathei chili chihanakha chiwui vang ithumna khāngda ngaraipama.

1 CORINTHNAO 9:25

Khangareo mi kachiva̱na shimānhaoki kaji wonrui chiwui vang angarak tāzak eina mayona; kha ithumva kashimān kaho mavaiki kaje chiwui vangna.

2 CORINTHNAO 6:4

Kha kakhananglila, kasak chitharānlila kala ka̱lākashi tharānlila, kachotkachāng phungda apong kachiva̱li ithumna Varewui otram mashungrik eina ngatha̱chithei.

GALATIANAO 5:23

malungkhanim kala khalatta khangarin hikathā shokngasaka. Hikathāwui vang ain mavaimana.

COLOSSIANAO 1:11

Nathumli Varewui tekhamatei pangshap china yāng kāngasakranu. Chithada, sāda nathumna ot saikorali ja̱khami eina khāngshapra.

1 THESSALONICANAO 1:3

Ithumwui Avāva̱ Varivarawui mangāli nathumwui shitkasang eina leikashiwui otsak kala ithumwui Proho Jishu Khristali chihāntitta khalei chi phaningungchinga.

2 THESSALONICANAO 1:4

Nathumli rekakharek kala kachotkachāng khami tharan nathumwui ningzinghākharing kala shitkasang khangatar chi theida ithumna Varewui churchbingwui miktāli nathumwui mangā eina lāngsoi.

2 THESSALONICANAO 3:5

Varewui leikashi hakmeida theikhui khavai kala Khristawui ja̱khami chi nathumli leikhavai Prohona thānmichingranu.

1 TIMOTHY 2:10

Kha dharma khalei matik kachā sha̱nao thada sāranu,

1 TIMOTHY 2:2

awungabing kala pangshap kasingbingwui vangla pomilu, chithākha ithum dharmawui ponglila, acham-aramwui ponglila khonkazar maleila chingri eina okthuira.

1 TIMOTHY 3:16

Ithumwui dharmawui ngathum kahai hakhamahā chi khipānakha maningmana majirarmara: A mikumowui phasā kāda rai, hi Manglāna mashunga da chithei, kala kazingraobingna thei. Awui pongli miyur saikorali hāshoka, okathui peidana shitsanga, kala tekhamatei eina khuikāhaowa.

1 TIMOTHY 6:11

Kha Varewui mi nava, chikathā ot chi masaalu. Khamashung khangarong, Varetuili shitkasang, leikashi, ningzinghākharing kala malungkhanim phālu.

1 TIMOTHY 6:3

Kachikathāna ithumwui Proho Jishu Khristawui khamashung tui kala dharmawui tamkachithei chili mamayāmada mikhanam tui tamchitheiakha,

1 TIMOTHY 6:6

Ningyāng unglak eina dharma kazatli tongkazā kahakva lei,

2 TIMOTHY 3:5

Athumna akorli phārekta dharmarinwui otsak sālaga kachangkhat chiwui pangshapliva makhuisangmara.

TITUS 1:1

Varewui rao kala Jishu Khristawui paokazata Paul, ithumwui dharmarinna khamashung tamchithei kahai chili thānmi khavai kala Varena kapangkhui kahai miyurwui shitkasangli ngachonmi khavai ili kapangkhuida kachihona.

TITUS 1:8

Kha kha̱mimāli ngahānkatha, kaphā sākhangaia, khalatta ngarinkatha, khamashunga, kathara chamsin katheia sāphalungra.

TITUS 2:2

Khararnaobingli ngarakzakhai khavai, ningkā khavai, khalatta ngarinthei khavai, shitkasang, leikashi kala kakhāngli nganingtit khavai tamchitheilu.

HEBREWNAO 10:36

Varewui ningkachāng athishurda sākhavai kala ana ngashit kahai chi samphang khavai nathum khāngthei khavai sālu.

HEBREWNAO 12:1

Chiwui vang eina ithumwui vanga kuimareida khayanga shākhi kachungkha leihaoda, hapkakhano saikora kala ngathānshang ngathāntā da khalei morei chi hortāhailaga ithumwui shongzā khangakhui chili makhunlak eina zatsa.

HEBREWNAO 6:12

Chiwui vang eina nathumli ngachāng makakā mi mangasā ngasakngaimana, kha Varena ngashitmi kahai chi samphang khavai shitkasang eina lāngkatha̱bing kathā sāngasakngai.

HEBREWNAO 6:15

Abrahamna khāngkatheiwui vang Varewui ngashit kahai chi samphanga.

2 PETER 1:3

Ithumli awui phākhamataia tekhamatei samphangrum khavai kahoa chili katheiwui vang Varewui tharkhamatheng pangshap china ithumwui mirin kala dharmarinli ringkhavai darkar kasā saikora ithumli mihaira.

2 PETER 3:11

Ot saikora hithada shimān ngasaki jihaoda nathum kachikathā mi ngasāra? Nathumwui mirin chi kathar eina Vareli chigatphalungra.

PHONGKHAMI 1:9

I nathumwui achinā Johnna, kala Jishuwui thikashura akha sāda, awui wungramwui mi ngasā kahaibingwuitungli kharā kakhanang kachot chi khāngda nathumli phungruma. Varewui tui kala Jishuna phongkhami mashuntui shākhiwui vang I Patmos kaho yikuiramli leisai.

PHONGKHAMI 13:10

Tukhuiki kaje chili tukhuiphalungra. Raighai eina shātthatphalungki kaje chili mashoila raighai chieina shātthatphalungra. Hili ja̱mikatha kala ningkatonga Varewui mibingwui ot lei.

PHONGKHAMI 14:12

Varewui ningkhami khamayona kala Jishuli shitsangtit kaje katharabingna khāngshap khavai khangahotna.

PHONGKHAMI 2:2

Ina nawui otsakbing, nawui kachot kala ningzinghākharing, makaphā mibingli nana mamayāngaiphalung kaji, kala athum khalatta pao kazata holaga, nana tamkhayang eina akachang makhaninganada samphang kahai ina theisera.