2 PETER 1:3 - Kathara Bible (BSI)

³ Ithumli awui phākhamataia tekhamatei samphangrum khavai kahoa chili katheiwui vang Varewui tharkhamatheng pangshap china ithumwui mirin kala dharmarinli ringkhavai darkar kasā saikora ithumli mihaira.

2 PETER 1:3 Iomraidhean Croise

LAA 110:3

Kathara phungreitungli, nawui ashangva̱li thānthanghon nawui mibingna khalem eina chigatra. Ngathorwui naopam eina ikra̱ katā thāda, nawui yaron-ngalābina nali rāra.

LAA 84:11

Kaja Proho Vare hiya zimik kala changveina; ngahānkhangai eina khayākakā ana mi. Mashungrik eina kazatbingwui vang kapha otli ana makhāmhailakmana.

CHĀNSAM 12:4

Kaphā preiva̱̱ hiya gaharawui kuihonna, kha maikashi phungsangkhamiva̱ chiya gaharawui ara̱kui shuikhangasak kathāna.

CHĀNSAM 31:10

Kaphā preiva̱ khipāna phākhuishapra? Aman kasaka chāra̱-chāsānlila ana aman sakmei.

CHĀNSAM 31:29

“Sha̱nao kachungkhana mathālak kahai ot sai, kha nawuina athum saikorawuili mataimeiya.”

MATTHEW 28:18

Kala Jishuna athumli vānganaimeida hānga, “Kazingram eina okathuili khalei pangshap saikora ili mihaira.

ROMNAO 8:32

Anaomayarali mashivāmla ithum saikorawui vang chigatmiakha ithumli ot saikora khalem eina mamimaralā?

ROMNAO 9:24

Kaja ithum ana hokhui kahaibingna, Jihudibingmāngli maningla kha Gentilebingla zanga.

1 CORINTHNAO 1:9

Awui Naomayara, ithumwui Proho Jishu Khristali ngarumsak leikhavai hokhuikhame Vare hiva shitsangkapaiyana.

2 CORINTHNAO 12:9

Kha ana ili hānga, “Iwui lukhamashan chi nawui vang shapa, kaja khangazan tharan iwui pangshap chi kāshung ngasaka.” Chiwui vang eina iwui khangazanwui vang mataimeida mathānda lāngsomeira, chithākha Khristawui pangshap chi iwuili leimichingra.

EPHESIANAO 4:1

Chiwui vang eina Prohowui vang narkahaia ina kapona kaja, nathumli hokakhui tharan Varena ngarānmi kahai mirin chi tāzakta okthui khavai ngarānlu.

EPHESIANAO 4:4

Varena nathumli hokakhui chili kachihān akhamāng kaji thada phasā akhamanga kala manglā akhamānga.

PHILIPPINAO 3:8

Chimāng maningmana; iwui Proho Khrista Jishuli theikakhuiwui aman kasak chiwui vang eina ot saikora aremana da shānkhui. Awui vang eina ina ot saikora horhaira; chibing chi khamakhaowa thothap kathana da ina khuiya, chithākha ina Khrista chi samphangpai

PHILIPPINAO 4:8

Naomeikapta, ivānaobing, khamathā masot samphangkhangayi, khamashung, ningkahak, mashun, kathar, khamathā kala khayakakā hikathā hi nathumwui ningli shāptithailu.

COLOSSIANAO 1:16

Khikhalajila kazingramlila, okathuilila, mik eina theikapaila, matheikapaila, manglāwui pangshapla, akhavābingla, khamunga-bingla, pangshap kasingabingla Varena ot saikora hi awui mangā eina kasāna. Varena haori-haorang hupva hi awui mangā eina sai kala awui vangsera,

1 THESSALONICANAO 2:12

Nathumli awui khamung kala tekhamatei chili zangrum khavai kaho Varewui ningyāngkhaung mirin chikathā ringkhavai ithumna kasatta ninglum ngasaka kala hāngchithei.

1 THESSALONICANAO 4:7

Varena ithumli khamathang-khamarangwui lungli okthui khavai hokakhui maningla kha katharwui alungli okthui khavai hokakhuina.

2 THESSALONICANAO 2:14

Ithumna paokaphā tamkachithei mangā eina Varena nathumli hokhui, kala ithumwui Proho Jishu Khristawui tekhamatei samphang khavaina.

1 TIMOTHY 4:8

Phasāwui pongli tamkakhui tongkazā chi kateokhamaya, kha Vareli kaphaning hiya aruihonwui mirinlila, rāki kaji mirinwui vangla khangashit khaleiwui vang apong kachiva̱li tongzai.

2 TIMOTHY 1:9

Varena ithumli huimi kala a khalattawui mibing ngasā khavai hokhuihaira. Hi ithumwui kaphā otsakwui vang maningmana, kha awui lukhamashan kala kharin chiwui vangna.

HEBREWNAO 1:3

Anaona Varewui tekhamateiwui kahān chi hāna kala Varewui azak tākamhai. Awui tui china apuk-apaga hi ringkhangasakna. Mikumowui morei pheokhami samphang kahaiwui thili, ana kazingramli Reikhamatai Varewui yāshong pama.

1 PETER 1:15

Kha nathumli hokakhuia awui kathar thada nathumwui acham-aram saikorali tharlu.

1 PETER 1:5

Khanaowa zimiksholi phongmiki kaji huikhamili ngaraida ningtongda shitkasang mangā eina Varewui pangshapna mayonmida khaleina.

1 PETER 2:21

Varena hikathāwui vang nathumli kahona, kaja Khrista khalatta nathumwui vang chotmi kala ngayo khavai haimi. Chieina nathumna awui pheichon kazunpaira.

1 PETER 2:9

Kha nathum kapangkhui kahai miyur, wungnao sharva̱, kathara yur, Varewui mibingna. Tangkhamangwui eina kahorli thānshokta awui matakkhak kahai kahor chi hāshok khavai nathumli hokakhuina.

1 PETER 3:9

Makaphāwui vang makaphā masaalu, khonkashiwui vang makhonshialu, kha somitha̱lu, khikhalajila nali hokhuithang Varena sokhami hi ngashitsang kahaina.

1 PETER 5:10

Kha nathumna kasha̱nakha kachotkachāng samphang kahaiwui thili Khristali ngarum kahaiwui vang katang makhavai tekhamatei samphangrum khavai hokhuikhame, lumashankatha Varena nathumli kākashung, khangazip, pangshap kala rungshing kahai mira.

2 PETER 1:10

Chiwui vang eina ivānaobing, nathumli hokakhui kala kapangkakhui chi shengmeida theikhui khavai sakmeida phaninglu. Chithākha nathum mangaphoklakmara,

2 PETER 1:2

Vare kala ithumwui Proho Jishuli kathei mangā eina lukhamashan kala chingri kahai nathumli pemtinghairanu.

2 PETER 1:5

Hiwui vang eina nathumwui shitkasangli khamathā, khamathāli awor,

2 PETER 1:6

aworli khalatta khangarin, khalatta khangarinli, ningzinghākharing, ningzinghākharingli dharma kaphaning,

2 PETER 1:8

Magunbing hi nathumwui ngasā ngasakta mataisang ngasakakha, ithumwui Proho Jishu Khristali theishingkakhuiwui khamashung chi makankhanā kala athei makhamathei mangasālakmara.

2 PETER 2:20

Huikhame Proho Jishu Khristawui mangā eina theithangmeida okathuiwui khamakhaowui eina yāmshoklaga chiwui khalenli tāzangluiakha, khare mirinli khanaopā zakshimei.

2 PETER 3:18

Kha ithumwui Proho kala Huikhame Jishu Khristawui lukhamashan kala aworwui lungli nathum rarsanglu. Awui mingli aruila, naodala mashimānda tekmateichingra̱nu. Amen.

RUTH 3:11

Chieina ara, inao ngalāva̱, mangacheelu, nana ningkachāng chi ina sāmira; kaja iramnaobingna na kākashunga sha̱naona da theiser kahaina.