2 PETER 1:14 - Kathara Bible (BSI)

¹⁴ Kaja ithumwui Proho Jishu Khristana chitheikhami athishurda I ara masāngluila okathuiwui eina kānthuihaora.

2 PETER 1:14 Iomraidhean Croise

ISAIAH 38:12

Iwui pamkhavai sāshimitmihaida khuithuimihaira; yaokahomawui kachonshim thāda, kachon kharaka thāda iwui mirin khaluimihaira, kachon rak khavaiwui eina katathaira. Ngathor eina thuilaga ngayā eina tangda nana ili katanga chi khuirāmihaira.

JOHN 13:36

Simon Peterna “Proho, na kali vaurakhala?” da ngahāna. Jishuna ngahānkai, “Ina vāki kaji chili ara nathum mashurrārarluimara. Kha naoda shurrānaora.”

OTSAK 20:25

Kala yanglu, ina wungram hāshok kahaia nathum saikorana ara iwui zakmai kathei masamphangluimarada ina thei.

2 CORINTHNAO 5:1

Ithumna thei kaja okathuili khalei ithumwui shim hi shimānhailala kazingramli mashimānla leichingki kaji miwui pāng eina makasā Varena ngarānkhami ithumwui pamkhavai shim akha lei.

KHALATLUI 31:14

Kala Prohona Mosesli hānga, “Yanglu, na kathi atam nganaihaira; Joshuali hokhuida nani kazip khavai kachonshim chili vālu, kaja ina ali otpam chisinra.” Chieina Moses eina Joshuana kazip khavai kachonshimli vai.

2 TIMOTHY 4:6

Iwui vanga ili shaothatki kaji atam nganailakhaira, kala iwui kapāng atam rāhaira.

JOSHUA 23:14

“Kala ara I akhur vāki jiura, kala nathumna nathumwui wuklungli kala ningli thei, kaja Proho nathumwui Varena nathumli kaphā ot saikora ngashit kahai akhala maungkashung maleimana; nathumwui vang saikora ungshungserhaira, akhala maungkashung maleimana.

2 PETER 1:13

I ringlakha eina tangda nathum mathuk khavai phaningung khangasak hi mashunga da phaninga,