2 PETER 1:12 - Kathara Bible (BSI)

¹² Chiwui vang eina nathumna theihaisālala kala khamashung chili pheisin sākhuitithaisālala tui hi atam kachida ina phaningung ngasakngaichinga.

2 PETER 1:12 Iomraidhean Croise

OTSAK 16:5

Chieina churchbing chi shitkasangwui lungli pangsanga kala mishānla thangkachida mataisanga.

PHILIPPINAO 3:1

Naomeikapta, ivānaobing. Prohowui mingli mathānlu, ina rida kapi kahai chi hāngluikida ngachang machatmana, chi nathumwui vāngla phākhavaina.

COLOSSIANAO 1:5

Nathumli khamashung chānpao—Pao Khamathā, rimeikapta rāhāngkachithei tharan china nathumli kachihān mira kaji chi nathumna shāhaira. Chieina shitkasang kala leikashina pheisin sāda khalei nathumwui kachihān chi kazingramli mathālak eina pharimihaida lei.

COLOSSIANAO 2:7

Nathumwui angayung awuili sa̱khuititlu, nathumwui mirin awuitungli sākālu kala nathumli tamchithei kahai thada nathumwui shitkasang pangsang ngasaklu. Kala ningkashina pemtinghailu.

1 TIMOTHY 4:6

Nana Manglāwui kashakazā zāda kala shitkasang chiwui athishurda navānaobingli hi tākam eina tamchitheiakha, na Khrista Jishuwui otram khangatha̱ kaphā mi akhana.

2 TIMOTHY 1:6

Ina pāng parda seihā sākhami tharan Varena nali lemmet mikahai chi leiching khavai phaningung khangasakna.

HEBREWNAO 10:32

Nathumna Varewui kahor samphang kahai chiwui thili kachot kachungkha samphanglala maikashi masamphanglak kaji atam chi phaningunglu.

HEBREWNAO 13:9

Ngateihahang kahai tamkachithei china nathumli mangui ngasakalu. Varewui lukhamashan eina ithumwui manglā pangkhangasak phālaka, kha kashakazā khangalang eina maningmana. Hikatha ain khamayonabingli china khikha ngachonkhami maleimana.

1 PETER 5:10

Kha nathumna kasha̱nakha kachotkachāng samphang kahaiwui thili Khristali ngarum kahaiwui vang katang makhavai tekhamatei samphangrum khavai hokhuikhame, lumashankatha Varena nathumli kākashung, khangazip, pangshap kala rungshing kahai mira.

1 PETER 5:12

Shitsangkapai ichinā Silaswui khangachon khuilaga sha̱lak kahai chithi hi kagapina. Kasatkasang eina ngasoda tui hi Varewui lukhamashanlaka da shākhi khamina. Tui hili nganingtitlu.

2 PETER 1:13

I ringlakha eina tangda nathum mathuk khavai phaningung khangasak hi mashunga da phaninga,

2 PETER 1:15

Thikahaiwui thili nathum saikorana hi phaningungching khavai apong chi ina kashap eina tangda khangarān sāmira.

2 PETER 3:1

Leikashebing! Chithi hi ina nathumli kapi kakhanena, kala chithi khaninili nathumwui ning mathuklui khavai ina phaningung khangasakna;

2 PETER 3:17

Kha ivānaongarā, nathumna hi rida theihaira, ningngasharlu, nathumli ain makhavai mibingna thannguihaipaishina kala nathumwui ningsā khangazip shimān ngasakhaipaishina.

1 JOHN 2:21

Nathumna khamashung chi matheimana kajiwui vang kakapi maningmana, kha nathumna chi katheiwui vang kala khamashungwuili kakapik mashokmana kajila katheiwui vang kagapina.

2 JOHN 1:2

kaja khamashung chi ithumli lei kala katang mavaila leichingra.

JUDE 1:17

Ivānaobing, Proho Jishu Khristawui paokazatbingna rida hāngkahai chi phaningunglu.

JUDE 1:3

Leikashebing, ithumna samphangrumda khalei huikhamiwui pongli kapingailakhaoda, katharabingli metkhakashi eina vaikahai shitkasang chiwui vang ngarar khavai nathumli kapo hi darkar salakhaowa.

JUDE 1:5

Hiwui pongli nathumna theida lei jilala Israelnaobingli Prohona Egyptwui eina kathada thānshokmi, kala naoda mashitkasangbingli kathada shimān ngasakhao kajiwui pongli ina nathumli phaningung ngasakli.