2 PETER 1:1 - Kathara Bible (BSI)

¹ Varewui khamashung khangarongli kala Jishu Khristawui lungli ithum shitkasang samphang kahaibingli ngaraichā eina Jishu Khristawui rao kala paokazata Simon Peterna kagapina.

2 PETER 1:1 Iomraidhean Croise

ISAIAH 12:2

Yanglu, Vare iwui huikhamena, ina shitsangda mangacheemara; kaja Proho VARE iwui yāngna kala iwui laana; kala ana iwui huikhame ngasāhaira.

JEREMIAH 33:16

Chitharan Judahli kanmira kala Jerusalem tāphup eina sompamra. Kala ‘Proho hi ithumwui khangarongna’ kaji aming eina hora.

MATTHEW 10:2

Paokazat tharāda khaniwui amingbing chi hina, kharena, Peterla kaho Simon, kala agato Andrew; Zebedeewui naomayara James eina agato John;

MATTHEW 4:18

Jishuna Galilee shamadru ngalemli zatta leilakha Simonla kaho Peter kala agato Andrew ani chinaoni ngayili khaihlan horsangkasa thei; kaja ani khaihkaphā mina.

LUKE 1:47

Iwui Huikhame Varewui mangāli imanglā mathāna.

LUKE 11:49

Chiwui vang eina Varewui thangmei china hānga, ‘Ina marānbing eina paokazatbing athumwuili shivātvāra, athumna kaikhali shaothatra kala kaikhali rekharekra.’

JOHN 1:42

Chieina Simonli Jishuwuili thānvai. Jishuna ali yanglaga hānga, “Na Johnwui naomayara Simon kaho china, kha nawui aming Cephas hora.” (Hiwui kakhalata Peter kajina).

JOHN 12:26

Kachikathāna ili otram ngatha̱miakha, a ili shurphalungra kala I khalei chili iwui raola sāda leira, ili otram ngatha̱khame mi chili iwui Avāna maiyā ngasakra.

JOHN 20:21

Chieina Jishuna hāngluishita, “Nathumli chingrihairanu. Avāna ili kashirāt thada ina nathumli kashivātna.”

OTSAK 15:14

Varena rida kathada Gentilebingli athumwui ngachaiwui eina awui miyur sākhavai kapangkhuilaga nganaomikhala kaji Simeonna hāngchitheihaira.

ROMNAO 1:1

Varena awui paokaphā hashok khavai hokhui kahaia rao Paulna kachiphun chithina.

ROMNAO 1:12

Khikhalajila iwui shitkasangna nathumli kala nathumwui shitkasangna ili pangmei khavai akhana akhali ngachonmi ngarokra kajina.

ROMNAO 1:17

Kaja, Varivarana mikumoli kathada mashungmikhala kaji hi pao khamathāna phongmi: hi khare eina thuilaga khanao eina tangda shitkasang mangā einana. Hithada kapihaida lei, “Shitkasangwui mangā eina khangaronga ā chi ringra.”

1 CORINTHNAO 1:30

Varena nathumli Khrista Jishuli ngarum khavai hokhuihaira kala Varena Khrista chi ithumwui thangmei sāngasakhaira. Awui mangā eina ithumli mashungmihaira; ithum Varewui kathara miyur ngasāhaira kala moreiwui eina ningkhān ngasakhaira.

1 CORINTHNAO 15:9

Kaja paokazatbingwui ngachaili I teomeikapa. Varewui churchli yankasaiwui vang ili paokazata dala mahorānmana.

1 CORINTHNAO 9:1

Ningkhānwui mi maningmalā? I paokazata akha maningmalā? Ithumwui Proho Jishuli I matheimalā? Kala nathum hi ina Prohowui vang ot kasā chiwui athei maningmalā?

2 CORINTHNAO 4:13

“Ina shitsanghaoda khamatuina” da kathara lairikli kapihai. Chiwui kaphaning tākam eina ithumnala shitsanghaoda khamatuina.

2 CORINTHNAO 5:21

Kaja morei makhalei ali ithumwui vang eina morei phungngasaka, chiwui vang eina awui lungli ithum Varewui khamashung-khangaronga ngasāpai.

GALATIANAO 2:8

Kaja Peterli Jihudibingwui vang paokazata sākhangasak thada Varewui pangshap eina ilila Gentilebingwui paokazata sāngasaka.

EPHESIANAO 3:5

Khare thotli tui hi mili machitheisāmana, kha ara awui kathara paokazatbing eina marānbingli Manglāna phongmihaira.

EPHESIANAO 4:11

Kala “Mikumoli lemmet khame” chi ana. Ana kaikhali paokazata, kaikhali marān, kaikhali evangelist, khangatei kaikhali yaokahoma kala ojā sāngasaka.

EPHESIANAO 4:5

Prohola akha, shitkasangla akha kala ra̱kahikla akhamānga.

PHILIPPINAO 1:1

Khristawui rao Paul eina Timothywui eina— Philippili khalei church kathanabing eina khangachonabing zangda Khristali ngarum kahai Varewui mibing:

PHILIPPINAO 1:29

Khristali shitkasangmāng maningla kha awui vang kachotkachāng phungda otram ngatha̱ khavai nathumli atam kachā mihaira.

PHILIPPINAO 3:9

kala ali ngarumchaohaipai. Ain khamayonwui vang I khalattawui khamashung khangarong chi I maleiluimana. Ara ina khalei chiya shitkasangli pheisinda Varewui eina kharā, Khristali shitkasang manga eina khami khamashung khangarong china.

2 TIMOTHY 1:5

Nashāyi Lois eina nashāva̱ Eunicewui shitkasang katha nawui ningkathar shitkasang chi ina phaningunga kala chi nali leichingrada shitsangchaowa.

TITUS 1:1

Varewui rao kala Jishu Khristawui paokazata Paul, ithumwui dharmarinna khamashung tamchithei kahai chili thānmi khavai kala Varena kapangkhui kahai miyurwui shitkasangli ngachonmi khavai ili kapangkhuida kachihona.

TITUS 1:4

Ina shitkasangwui lungli inaomayara hokapaiya Titusli kagapina: Avāva̱ Varivara kala ithumwui Huikhame Khrista Jishuwui lukhamashan kala chingri kahai tāshungmiranu.

TITUS 2:13

Ithumna kachihān khamahaiya zimiksholi ngaraida ithumwui Huikhame Jishu Khrista kala hakkhamahā Varewui tekhamatei chi rāthanghon

JAMES 1:1

Vare kala Proho Jishu Khristawui otram khangatha̱a Jamesna okathui peida chaiyāng eina khalei shang tharāda khanili shālam chiphunli.

1 PETER 1:1

Pontus, Galatia, Cappadocia, Asia kala Bithyniali ngapha̱yang eina kashamvā kahaibingli paokazata Peterna,

1 PETER 1:7

Hiwui khangarān hiya nathumwui shitkasang akachanga chi phongshok khavaina. Shimankapai sinā meili ruikhayang thada sakmeikhar kaja nathumwui shitkasangla chāng yangphalungra, chi nathumwui shitkasang ngatarmei khavaina. Chiwui thili Jishu Khristali rāchitheithanghon nathumna masot, tekhamatei kala maikhayā samphangra.

1 PETER 2:7

Ali shitkasangbingwui vanga aman saklaka; kha mashitkasangbingwui vanga kapi kahai hithada: “Makānāmana, da shim kasaana horkahai ngalung chi phāmeikap kaje akhoka ngasāhaowa.”

1 PETER 5:1

Ila churchwui arar akha sāda nathumwui church ararbingli kapona: I Khristawui kachotkachāngwui shākhi khame akhana kala rāphongmiki kaji tekhamatei chili ila zangrumra.

2 PETER 1:4

Hithada sāda okathuili leida khalei sāshimānkapai khamathangwui eina yāmshokpai khavai kala Varewui tharkhamatheng khangachā chili ngashitmi kahai kasaka lemmet chi mihaira.

JUDE 1:1

Jameswui agato kala Jishu Khristawui otram khangatha̱a Judena, Jishu Khristana ngākkhami kala Avāva̱ Varewui leikashilungli kharinga Varena hokhui kahaibingli kagapina.