2 CORINTHNAO 2:3 - Kathara Bible (BSI)

³ Ili mathān khangasakbingli makhanang ngasak khangaiwui vang marāngaimada chithi hi kagapina. Kaja ina ringkaphā tharan nathumla ringphāra da shitsanga.

2 CORINTHNAO 2:3 Iomraidhean Croise

GALATIANAO 5:10

Kha arui eina tangda nathumli iwui shitkasang lei. Ithum Proho mingli khangarumwui vang nathumna ngateithuihaora kaji mashitsangmana, kala khipā khipākharanu nathumli ning yaoyā khangasakpā chili Varena tandi minaora.

2 CORINTHNAO 8:22

Chili lāngda atam kasāngkha chāng yangkahaiya ngachonmingailak kaja mina da theikhui kahaiya ivānao hili anili ngasoda chihorāli. Ana nathumli shitsangchaowa kala ngachonngailaka.

PHILEMON 1:21

Nawui kahāng khanganāli shitsangda, ina kapoli lāngmeida samilakra kaji theida ina hi kagapina.

2 CORINTHNAO 7:12

Chieina ina nathumli chithada kapihaisālala, khayon kasāpāwui vang einala maningmana kala khayon maleilala kachot samphang kahaipāwui vang einala maningmana. Kha Varewui miktāli nathumna ithumwui vang sāngairareo kahai khalei chi phongkhavai kagapina.

2 THESSALONICANAO 3:4

Ithumna nathumli hāngchithei kahai chi sāda leili kala sāchingra da chihāna kala kachihān hi Prohona ithumli sangkhamina.

2 CORINTHNAO 12:21

Ina rākhalui tharan Varena nathumwui miktāli ili khayak ngasakhaipaishinada ina ngacheeya; kala rida morei kasābingna athumwui makathar, shuikhangarui kala phokaphā otsakbing chi ning mangateila leichingkasāwui vang eina ina sikafa samphanghaipai.

2 CORINTHNAO 12:11

Ili mangkhama̱ thāngasak kahai hi nathumnasera. Achā nathumpāna iwui maram mathada hāngmihaisāki kajina. I khikha maningmana jilala kahaka paokazatbingli mateomeilakmana.

2 CORINTHNAO 7:8

Iwui chithi china nathumli khanang ngasaklala I makhanangmana (ringkaphāva maringphāmana) kaja nathumna khananglala hunakhawui vangmāngmara kaji ina thei.

2 CORINTHNAO 7:6

Kha khangazanbingli ringphā khangasaka Vare china Titusli chihorāda ithumli ringphā ngasaka.

2 CORINTHNAO 1:15

Ina hi theishingkakhuiwui vang nathumwuili rāri khavai phaningsai, chi nathum ringphāmei mahaimei khavaina.

1 CORINTHNAO 4:21

Nathum kachipā ningchangmeikhala? Ili lijei singda rālu jika, malungkhanim leikashi ning eina rālu jikhala?

2 CORINTHNAO 1:23

Vare iwui shākhina, chiya nathumli masheikhautkhangaiwui vang ina Corinthli makharāna.

2 CORINTHNAO 2:9

Nathumna iwui kahāng kayākha nganākhala kaji theikhui khavai chithi chi kagapina da hāngpai.

2 CORINTHNAO 7:16

Nathumli chihamchaokapai hi theida iwui ringkaphā hāngkhavai maleimana.

2 CORINTHNAO 13:10

Sākhayāng khavai maningla sākā khavai Prohona ili pangshap mikahai chi eina ngasoda kharā tharan sāshida masā khavai lāchāda leilakha chithi hi kagapina.