1 WUNGNAOBING 8:3 - Kathara Bible (BSI)

³ Israelwui ararbing rāserda pāngmonbingna oko chi akhui.

1 WUNGNAOBING 8:3 Iomraidhean Croise

2 SAMUEL 6:12

“Varewui ningkhami oko kahaiwui vang Obed-edomshili kala ashiwui khalalei saikorali Prohona somihaira” da awunga Davidli rāhānga. Chieina Davidna mathānthup eina Varewui ningkhami oko chi Obed-edomwui eina akhuida Davidwui keinungli khuiunghaowa;

1 WUNGNAOBING 8:6

Chiwui thili Prohowui tuingashit oko chi pāngmonbingna alung zangkhamayar katharapamwui tharmathengmeikap kaje pam chili khuizangda cherubim khaniwui angachangzingli haihai.

1 THOTRINCHĀN 15:2

Kala Davidna hānga, “Levinaobing maningla Varewui ningkhami oko khipānakha maphungpaimana, kaja Prohowui ningkhami oko chi phungkhavai kala otram ngatha̱ching khavai Prohona Levinaobingli kapangkakhuina.”

MISHĀN 4:15

Kala Aaron eina naomayarabingna katharapam eina chiwui thongthāngbing chi shaksākuphaida athum zatuki kaji tharan Kohathwui naomayarabingna chi ngava̱ra, kha athumna kathara otbing chili masāza̱paimara, kaja athum thipaishina. Kohathwui naomayarabingna khuiphungki kaji kazip khavai kachonshimwui otbing chi hina.

MISHĀN 7:9

Kha ana Kohathwui naomayarabingli khikha mamimana, kachiwui vang jilaga ashina kathara otbing singda yārtui eina khangava̱ ot sai,

KHALATLUI 31:9

Kala Mosesna ain hi kapikhuida Leviwui naomayarabing Prohowui tuingashitwui oko phungkazata kala Israelwui khararnao saikorali horsangmi.

JOSHUA 3:3

mibingli kasoi, “Leviwui pāngmonbingna Proho Varewui tuingashit oko chi ngava̱kakā theikhaleoda, nathumwui pam eina zatphokra kala chili shurlu,

JOSHUA 3:6

Kala Joshuana pāngmonbingli hānga, “Tuingashitwui oko chi ngava̱kāda mibingwui mangāli zatvālu.” Chieina athumna tuingashit oko chi ngava̱phungda mibingwui mangāli zata.

JOSHUA 4:9

Kala pāngmonbingna tuingashit oko chi ngava̱laga khanganing Jordan alungthung chili Joshuana ngalung tharāda khani shoma; kala chi aja eina tangda lei.

JOSHUA 6:6

Chieina Nunwui naomayara Joshuana pāngmonbingli hokhuida hānga, “Tuingashitwui oko chi ngava̱kālu kala pāngmon shinina yaovāngajiwui talla̱ shini khuiphungda Prohowui oko mangāli zatngasaklu.”