1 WUNGNAOBING 3:3 - Kathara Bible (BSI)

³ Solomonna Proholi leishi, kala avāva̱ Davidwui shiyan mayonchinga; apam kajujuili nganamkaphā rikkatā kala pha̱kaphayā ot chimang sāmaya.

1 WUNGNAOBING 3:3 Iomraidhean Croise

1 WUNGNAOBING 11:34

Chithālala, wungram katonga awui pāng eina makhuithuimara; kha ina kapangkakhui iwui rao Davidna iwui shiyan-chikan kala ningkhami khamayonwui vang, awui thotli awunga sāngasakpapamra;

1 WUNGNAOBING 11:38

Ina nali kakaso saikora chi nana mayonakha, kala iwui kahāng nganāda iwui rao David thāda iwui shiyan-chikan, ningkhami mayonda khangarong ot saakha, ina ngasomichingra, kala Davidwui shimkhur sākhami thāda nawui shimkhurli ina sakāmikachangkhatra, kala ina Israel hi nali mira.

1 WUNGNAOBING 11:4

Kaja Solomonna sārkahai tharan apreiva̱ ngarāna awui ning ngachei ngasakta vare khangateiwui thi shurngasaka; kala avāva̱ Davidwui ning thāda awui Proho Vareli ningtongda maphaningthuwa.

1 WUNGNAOBING 11:6

Chithāda avāva̱ Davidna sākahai thāda ningtonglak eina Proholi maphaningla, Solomonna Prohowui mangāli makaphā ot sai.

1 WUNGNAOBING 14:23

Kaja, athumna kajujuipamli shim sakai, ngalung shoma, kala kaphung kajui kachiva̱li kala khamatek thingphei kachida Asherim sakai.

1 WUNGNAOBING 14:8

kala Davidwui wungram eina ngakaikhuida nali mihaira; chithālala iwui rao Davidwui thāda nana iwui ningkhami mamayonmana, kala ningtongda iwui thi mashurmana, kala mashun chi masāmana,

1 WUNGNAOBING 15:11

Avāva̱ Davidna kasā thāda Asana Prohowui mangāli khamashung otmāng sai.

1 WUNGNAOBING 15:14

Kha, kajujuiwui kameopam sākahai chi haipapama. Chithālala mirin peida Asana Proholi ningtongda phaninga.

1 WUNGNAOBING 15:3

Avāva̱na awui mangāli sākasā thāda ala moreiwui otmāngli zata; kala avāva̱ Davidwui ning thāda awui Proho Vareli ningtongda maphaningmana.

1 WUNGNAOBING 15:5

Khikhalajila Davidna awui mirin peida Prohowui eina mai mangareithuilakmana, Hitpa Uriahwui pongli maningla, awui kakaso katonga mayonchinga.

1 WUNGNAOBING 22:43

Ana avāva̱ Asawui otsak thāda sai; Prohowui mikyanli khamashung otmāng sai. Kha kajujuipam chi makhuithuihaimana, chieina mibingna chili pha̱phayāda nganamkaphā thao riktachinga.

1 WUNGNAOBING 22:44

Jehoshaphatna Israel awungali mashitkhui.

1 WUNGNAOBING 3:14

Kala navā Davidwui thāda iwui kakaso nganāda, iwui shiyan-chikan mayonchingakha nawui mirinla sāngsangmira.”

1 WUNGNAOBING 3:6

Solomonna hānga, “Nana narao ishāvā Davidli hakkhamahā kala makhangachei leikashi chitheimihaira, kaja ana nali shitkasang mangacheilakla, khamashung khangarong eina kala ning ngatarda zata; kala nana hakkhamahā kala makhangachei leikashi haimiya, kala nana awui wungpamkhongli aja pamkhavai anaomayara akha mihaira.

1 WUNGNAOBING 8:25

Chiwui vang eina ara, O Proho, Israelwui Vare, ishāvā Davidli nana ngashitmi kahai, ‘Nana iwui kahāng khanganā thāda nanao mayarana iwui kahāng nganachingakha, Israelli nganaomi khavai iwui mangāli mi mavatmilakmara’ da hāngkahai chi mangacheimihaialu.

1 WUNGNAOBING 8:61

Aja kasā thāda nathumna ningtonglak eina Proho Varewui shiyan-chikan kala ningkhami mayonlu.”

1 WUNGNAOBING 9:4

Navā Davidna kazat thāda, nana ningsā ngazipta kala khangarong eina iwui ningkhami, iwui ain kala shiyan-chikan mayonda imangāli zatakha,

2 WUNGNAOBING 12:3

Chithalala kajujuipambing chi makhuithuimihaimana; chiwui vang mibingna pha̱kaphayā nganamkaphā thao rikkatā ot sāchinga.

2 WUNGNAOBING 12:4

Jehoashna pāngmonbingli hānga, “Prohowui shimli khuikharā kathara otbingwui pheisā chi, kaja mi kachiva̱wui eina khuiphalungki kajina, mipha̱wui eina ngashaikakhui kala kachichā khalatta mingairereo eina Proholi rākachigat saikora chi;

2 WUNGNAOBING 14:3

Ana Prohowui mikyanli khamashung ot sai, chithālala avāva̱ Davidwui mathāmana; otsak saikorali avāva̱ Joashna kasā tākam eina sai.

2 WUNGNAOBING 14:4

Kha kajujuiwui apambing chi masākhaimihaithuda mibingna pha̱kaphayā ot kala nganamkaphā otyur riktāchinga.

2 WUNGNAOBING 15:35

Chithālala kajujui apambing makhuishokmihaithuda, mibingna chili pha̱phayai kala nganamkaphā thao riktai. Prohowui shimwui atungshongwui ngavei chi ana sakai.

2 WUNGNAOBING 15:4

Chithalala kajujui apambing chi makhuithuimihaithuda mibingna pha̱kaphayā otla nganamkaphā thao rikkatāla kajujui apambing chili sāchinghaowa.

2 WUNGNAOBING 18:22

Kha nathumna ili, “Ithumwui Proho Vareli ningkashaina, jilaga Hezekiahna Judah eina Jerusalemli, Jerusalemli hanphut hili khorumra da hānglaga kajujuipam kala hanphutbing sākathānmi kahai chi a maningmala?

2 WUNGNAOBING 18:4

Ana kajujui apambingli sākahai kameopam sākazammihailaga lungkhorla pheimihaowa, tarungla sātekmiserhaowa. Mosesna sākakhui pithraiwui phara̱ chila akha̱ sāmihaowa, kaja atam chitharan eina tangda Israelnaobingna chili nganamkaphā thao riktāsai; chili Nehushtan da hoi.

2 THOTRINCHĀN 15:17

Kha Israelwui eina kajujui apambing chi mapheimihaithuwa. Chithālala, Asawui mirin peida awui wuklung kathar eina okthui.

LAA 145:20

Ali leikashe saikorali ana ngākmi; kha makaphā makhayāli ana shimān ngasakra.

LAA 31:23

Awui katharabing, Proholi leishilu! Ningkatongabingli Prohona mayonmi, kha ngamchoto eina kasābingli ana athut hāngsanga.

PĀNGMONSHI 17:5

Chiwui vang eina Israelnaobingna ayarli sākathat chi Proholi pha̱khavai khuirāra; kaja kazip khavai kachonshim khāmongpheili pāngmonli khuirāmida Prohowui mangāli ningyatchigat pha̱paira;

MATTHEW 22:37

Jishuna ngahānkai, “Nana nawui Proho Vareli nawuklung, kala namanglā kala naning tongtingda leishiphalungra.”

JOHN 14:15

“Nathumna ili leishiakha iwui ningkhami mayonra.

JOHN 14:21

“Kachikathāna iwui ningkhami khuisangda mayonakha a ili leikashena. Ili leikashe chili iwui Avānala leishira; inala ali leishida I khalatta ali phongmira.”

ROMNAO 8:28

Ithumna thei kaja Varena awui kharin leida hokhui kahaia ali leikashebingli ana ot saikorali kaphā sārumchinga.

1 CORINTHNAO 8:3

Kha Vareli leikashe mili Varena theimi.

KHALATLUI 10:12

“Israelnaobing, ara Proho nathumwui Varena nathumwui eina khi ningchāngkhala kaji chiya; Proho nathumwui Vareli khangachee, awui shongfali kazat; ali leikashi, kala nawui ningla, manglāla tongda Proho nathumwui Vareli otram khangatha̱,

KHALATLUI 10:13

kala nathumwui phākhavai ina kahāng hiwui athishurda Prohowui ningkhami, shiyan-chikan khamayon hi maningmala?

KHALATLUI 11:13

“Kala Proho nathumwui Vareli, ningla manglāla tongtingda otram ngatha̱ khavai kala leishi khavai ina aja kagaso ningkhami hi nathumna mayonakha,

KHALATLUI 30:16

ina aja nathumli kaso kahai Proho nathumwui Varewui ningkhamibing nganāda Proho nathumwui Vareli leishida, awui shongfali zatakha kala awui ningkhamibing, ain kala shiyan-chikan mayonakha, nathum mataisangda ringra kala nathumna vāzangda samphangki kaji ngalei chili Proho nathumwui Varena somira.

KHALATLUI 30:20

nathumna Proho nathumwui Vareli leishida awui kahāng nganāra, kala ali ngavapra; kaja chiya Prohona navāngarā Abraham, Isaac kala Jacob athumli mirada ngashit kahai ngalei chili nathum okpeimeida ringkhavaina.”

KHALATLUI 30:6

Kala nathum eina nathumwui naongarāwui ningla Proho nathumwui Varena ahui rimshokmihaida athumna Proho nathumwui Vareli ningyāng tongtingda ali leishira, chithāda nathum ringpaira.

KHALATLUI 6:5

Proho nathumwui Vareli nathumna wuklung, manglā, yāng tongtingda leishira.

JAMES 1:12

Chāng khayangli shitkasang makhangachei mi chi sokhamina, kaja ana chāng khayangli nganingshapakha ishameili leikashebingli ngashitmi kahai kharingwui wungkuihon chi awui sāman sāda samphangra.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

1 SAMUEL 9:12

Athumna, “Lei; yanglu, naniwui mangāchangli kāhaira, thākmeilu; aruichang keinung hili kharāna, kaja aja mibingna hanphutli pha̱phayā khavai lei.