1 WUNGNAOBING 2:9 - Kathara Bible (BSI)

⁹ Chiwui vang eina a khayon maleimana majilu, kaja na thangkhamei mi akhana, ali khi sara̱khala kajila nana thei; asārlam ashee tāda Kazeiramli vāngasaklu.”

1 WUNGNAOBING 2:9 Iomraidhean Croise

HAOKAPHOK 42:38

Kha avāva̱na hānga, “Inaomayarali mavā ngasakmara, kaja nagato thihaira amāngli notha kahaina. Nathumna vāki kaji shongzāli ali kalākashi rāza̱kha, nathumna ili asarlamshong wukkhanang ngasakta Kazeiramli vāngasakra.”

HAOKAPHOK 44:31

a mazangkasā chi theilaga a mashoila thihaora; chieina kasara chili wukkakhanang eina naraobingna Kazeiramli vāngasakhaora.

HAOKAPHOK 9:6

Kachikathāna mi akhali ashee tāngasakakha alila mina ashee tāngasakra, kachiwui vangkhala kaja mi hi Varewui sakrin khuida sākahaina.

2 SAMUEL 16:5

Awunga Davidna Bahurimli khavā tharan, Gerawui naomayara Shime-i kaho Saulwui shimkhurwui mi akha samphanga; ana rāda Davidli khonshi kazama.

2 SAMUEL 3:39

Thao neomihaida awunga sanglala aja I ngazanda lei. Zeruiahwui naomayarabing hi iwui vang pangnahaowa. Makaphā kasāpali awui makaphā athishurda Prohona athut khuinaora.”

1 WUNGNAOBING 2:6

Chiwui vang eina nawui thangkhamei athishurda sālu, kha asārlam Kazeiramli chingri eina ali mavā ngasakalu.

1 WUNGNAOBING 3:12

yanglu, nawui kapo chiwui thishurda ina sāmira. Yanglu, kashi-kaphā theishap khavai theithangkhamei ning ina nali mihaira; nawui thangkhamei thāda khipākha mashoklakranga, kashokla khipākha nawui thili na thāda mashokluimara.

1 WUNGNAOBING 3:28

Awungana bichar sākhami chi Israelnao saikorana shālaga matakhak eina nganingsera; kala mashun bichar sāmi khavai Varewui thangkhamei awungali sangmihaira da theikhui.

JOBWUI LAIRIK 9:28

iwui kachotkachāng hiwui vang ngacheelaka, kaja ina thei ili khayon makhalei mina da nana makhuimara.

SHONGZĀ 20:7

“Leimamāngli Proho nawui Varewui ming masingpaimana; kaja Prohona awui aming leimamangli kasinga chili mayonmana majimara.

SHONGZĀ 22:27

Kaja nawui khongnaipa chiwui fasang khavai kachon chimāng sāsāpai; mipa china khangatei khi fapirakhala? Kala nawui khongnaipa china ili ngakaoakha, chi ina shāmira, kaja iya lumashankathana.

SHONGZĀ 22:28

“Nathumna Vareli mamashātpaimana kala nathumwui khamungalila makhonshipaimara.

MISHĀN 32:23

Kha nathumna hithāda masaakha, yanglu, nathumna Proholi makhamayā morei sāhaira; kala nathumwui moreina nathumli phāshokra kaji theilu.