1 WUNGNAOBING 2:4 - Kathara Bible (BSI)

⁴ chieina Prohona ili ‘Nanaomayarana khamashung eina zatta kala ningla, yāngla tongda iwui kahāng nganaakha nawui mahut Israelli mungkhavai nanao ngarāli michingra’ da hāngkahai chi makahatlakla ungshung ngasakra.

1 WUNGNAOBING 2:4 Iomraidhean Croise

HAOKAPHOK 17:1

Abram kum hangchikoda chiko kākashung tharān Prohona rāchitheida hānga, “I Sashap-pangshapa Varena; iwui mangāli zatlu, kala shāt makā ngasakalu.

HAOKAPHOK 18:19

Maningmana, kaja awui naongarāli, kala awui shimkhurli anaolamshong eina tangda kathar eina khamashung eina Prohowui shongfali zatkhavai kala Prohona ngashitmi kahai chi Abrahamna samphang khavai ali kapangkhui kahaina.”

2 SAMUEL 7:25

Ara, O Proho Vare mangacheila ungshung ngasakmilu, nana nawui rao kala awui shimkhurwui pongli hāngkahai tui chi ungshung ngasakmilu, kala hāngkahai thāda sāmilu;

1 WUNGNAOBING 1:48

Kala awungana hithādala hānga, ‘Iwui nao akhali iwui wungpamkhongli pamkhangasak, imik eina kathei samphanghaowa da, Israelwui Proho Vare chili sochikatranu.’”

1 WUNGNAOBING 11:36

Chithālala awui naoli shang akha mira, kaja iwui ming leiching khavai ina kapangkhui kahai Jerusalemwui keinungli Davidwui thaomei akha sharhaiching khavaina.

1 WUNGNAOBING 3:14

Kala navā Davidwui thāda iwui kakaso nganāda, iwui shiyan-chikan mayonchingakha nawui mirinla sāngsangmira.”

1 WUNGNAOBING 3:3

Solomonna Proholi leishi, kala avāva̱ Davidwui shiyan mayonchinga; apam kajujuili nganamkaphā rikkatā kala pha̱kaphayā ot chimang sāmaya.

1 WUNGNAOBING 6:12

“Shim kasā hiwui pongli, nana iwui ain alungli zatta, shiyan-chikan mayonda iwui ningkhami athi shurchingakha, navā Davidli ina hāngkahai chithāda ina samilakra.

1 WUNGNAOBING 8:23

“O Proho, Israelwui Vare, ningtongda nawui thi kashura naraobingli makhangachei tuingashit kala leikashi tāshungmida kazingramli kala okathuli na kathā Vare katei maleimana;

1 WUNGNAOBING 8:25

Chiwui vang eina ara, O Proho, Israelwui Vare, ishāvā Davidli nana ngashitmi kahai, ‘Nana iwui kahāng khanganā thāda nanao mayarana iwui kahāng nganachingakha, Israelli nganaomi khavai iwui mangāli mi mavatmilakmara’ da hāngkahai chi mangacheimihaialu.

1 WUNGNAOBING 9:5

ina navā Davidli ‘Israelwui wungpamkhongli chipam khavai ina nali mi mavatmilakmara’ da ngashit kahai thāda ina Israelwuitungli nawui wungpamkhong katang mavaila sakāmira.

2 WUNGNAOBING 20:3

“O Proho, arui kaphaningungmilu, ina kathāda nawui mangāli ningtongda shitsangtitlaga zathaira, kala nawui mikyanli khamathā ot chi sāhaira kaji.” Kala Hezekiahna panglāk eina chapa.

2 WUNGNAOBING 23:25

Moseswui ain athishurda, ningla, yāngla, pangshapla tongda Proholi leikashi a kathā awunga rida mashoklakrangsai, naodala mashokluimana.

2 WUNGNAOBING 23:3

Kala awungana pakra̱pheili nganingda Prohowui mangāli lairik chili kapi kahai saikora ningtongda mayonra da tuingashit sai; kala mi saikorala tuingashit chili zangsera.

1 THOTRINCHĀN 28:9

“Inaomayara Solomon, navāwui Vare chili theilu, kala ningtongda kala sangairereo ningtongda otram ngatha̱lu, kaja Prohona wuklung saikora theisera, kala kaphaning khangarān kachiva̱ theishapa. Nana ali phaakha, nana ali samphangra; kha nana malaihaiakha katang mavaila katāvali horhaora.

2 THOTRINCHĀN 17:3

Rida avāva̱na zatkasa athishurda kazatwui vang Jehoshaphatli Prohona ngasomi; ana Baalli mashitsangmana,

2 THOTRINCHĀN 6:16

Chiwui vang eina O Proho, Israelwui Vare, narao ishāvā Davidli nana, nanao ngarāna ningngasharda, nana iwui kahāng khanganā thāda zatakha, Israelwui wungpamkhongli kapama, nawui mahut kashina mavātlakmara, da hāngkahai chi phaningungmichinglu.

2 THOTRINCHĀN 7:18

navā Davidli ngashitta hāngkahai, ‘Israelli mungkhavai mi mavāt ngasakmara’ da kahāng thāda ina nawui wungpamkhong sakāmira.

LAA 119:9

Yaronlakha kathāda awui apong tharda hairakhala? Nawui tui athishurda khamayon einana.

LAA 37:22

Prohona somi kahaiya athum china ram chi samphangra, kha ana khonshi kahaibing chile katathaora.

LAA 37:9

Kaja makaphā makhayāli katathaora; kha Proholi khangaraibingna ram chi samphangra.

LAA 39:1

“Yangkashebing leilakha eina tangda, iwui shongfa ngasharlak eina zatra, iwui malena morei masā khavai ikhamor kafara” da ina hānga.

JEREMIAH 33:17

Kaja Prohona hithāda hānga: Israel shimkhurwui wungpamkhongli chipam khavai Davidna mi akhala mavātmara,

PĀNGMONSHI 26:3

“Nathumna iwui shiyan athishurda zatta kala iwui ningkhamila mayonda ringakha,

ZECHARIAH 14:2

Kaja Jerusalemli rai sākhavai yur saikorali ina kazipkhuira, kala keinung chi khuithuihaida, shimla ngaponkhuira, sha̱naobingla sākhamāngmihaora; keinung tangkhai raikathāli vāhaora, kha taikahaibing chili keinungwui eina makatatmara.

MATTHEW 22:37

Jishuna ngahānkai, “Nana nawui Proho Vareli nawuklung, kala namanglā kala naning tongtingda leishiphalungra.”

LUKE 1:6

Ani khanini Varewui mangāli khamashung-khangarong mi sāda Prohowui ningkhami kala shiyan saikora mayonda shāt makālakla okthuisai.

KHALATLUI 10:12

“Israelnaobing, ara Proho nathumwui Varena nathumwui eina khi ningchāngkhala kaji chiya; Proho nathumwui Vareli khangachee, awui shongfali kazat; ali leikashi, kala nawui ningla, manglāla tongda Proho nathumwui Vareli otram khangatha̱,

KHALATLUI 11:13

“Kala Proho nathumwui Vareli, ningla manglāla tongtingda otram ngatha̱ khavai kala leishi khavai ina aja kagaso ningkhami hi nathumna mayonakha,

KHALATLUI 6:5

Proho nathumwui Vareli nathumna wuklung, manglā, yāng tongtingda leishira.

KHALATLUI 7:12

“Khikhalajila nathumna shiyan-chikanbing hi nganāda kala chi mayonakha, Proho nathumwui Varena navā ngarāli mayonmichingra da ngashit kahai kala makhangachei leikashi chi leichingra;

JUDE 1:24

Ara kongluipaishinada mayonkhame, tekhamateiwui mangāli chukhara̱ maleila mathānthathup eina thānzangkhame,