1 WUNGNAOBING 2:3 - Kathara Bible (BSI)

³ nawui Proho Varewui kakaso mayonlu, awui apongli zatta, awui ain, awui ningkhami, awui shiyan-chikan kala awui tui Moseswui ainli kapi kahai athishurda mayonlu, chithāda sāda nathumna kasāsā khavāvāli mataisangra;

1 WUNGNAOBING 2:3 Iomraidhean Croise

2 SAMUEL 8:14

Kala Edomli Davidwui raimi chipama, Edomwui apampamli raimi chipamvāserhaida Davidwui rao sāhaowa. Kala Prohona Davidli ana khavā apam kachida yuingasaka.

2 SAMUEL 8:6

Chieina Davidna Damascuswui Aramli raimi chipamhaowa; kala Syrianaobingla Davidwui rao sathuihaida shai chigata. Kala Davidna khavāpam kachida Prohona yuingasaka.

1 WUNGNAOBING 3:3

Solomonna Proholi leishi, kala avāva̱ Davidwui shiyan mayonchinga; apam kajujuili nganamkaphā rikkatā kala pha̱kaphayā ot chimang sāmaya.

2 WUNGNAOBING 18:7

Prohona ali ngasomida khavā apam kachiva̱li mataisangchinga. Ana Assyriawui awungalila mashurmara da rai sai.

1 THOTRINCHĀN 29:19

Ningtongda nawui ningkhami, shiyan-chikan, tuingashit, kakaso saikora mayonshap khavai inaomayara Solomonli khamayāmilu, kala ina ngarān kahai dolan hi ali sākup ngasakmilu.”

LAA 119:111

Nawui ningkhami mashimānda iwui shimluina; mha, chi ining mathān khavaina.

LAA 119:138

Khamashung khangarong kala ningkatongwui lungli nana nawui ningkhami haimihaira.

LAA 119:2

Awui ningkhamili kashurabing; ali ningtongda kaphābing sokhamina,

LAA 19:7

Prohowui ain chiya ungshung vāshungchaowa, manglāli mathuk ngasaka; Prohowui hāngkahai mangapatlakmana, khikha makatheiyali thangmei ngasaka.

HĀSHOKME 12:13

Naomeikapta; saikora shāhaira. Vareli ngacheelu, kala awui ningkhami mayonlu; kaja hi mi akhana sāphalungki kaji otna.

PĀNGMONSHI 8:35

Chiwui vang eina nathumna ngashun ngayā shinithang kazip khavai kachonshimwui khāmongli pamda, nathumna mathi khavai, Prohowui kakaso chi sālu; kaja chithāda ili kasohaira.”

MALACHI 4:4

“Iwui rao Moseswui ain, Israel ashangva̱ wui vang Horebli ali ningmi kahai, shiyan chikan kala ainbing chi phaningunglu.

KHALATLUI 29:8

athumwui lam chi ithumna khui, kala Reubennaobing, Gadnaobing kala Manassehbingwui shangbingli ngayarmi.

KHALATLUI 29:9

Chiwui vang eina nathumna kasāsā saikorali ringphameida okthui khavai tuingashit hi ning ngasharda mayonlu.

KHALATLUI 4:1

“Chieina ara, O Israel, ina tamchithei kahai ain kala shiyan-chikanbing chi ningkachang eina mayonlu, kala chibing chi sālu; chithakha nathum ringra, kala navā ngarāwui Proho Varena mikahai apam chili nathumna vāda samphangra.

KHALATLUI 4:45

kaja Egyptwui eina kashok tharan, Mosesna Israelnaobingli hāngkachithei ain kala shiyan-chikanwui apong, kala mashun tuibing chi hina,

KHALATLUI 4:5

“Yanglu, nathumna vāzangda samphangki kaji ram chili nathumna shurphalungki kaji ain kala shiyan-chikan, Proho iwui Varena ili kagaso athishurda ina nathumli tamchitheihaira.

KHALATLUI 4:8

Kala nathumli ina aja hāngchithei kahai khangaronga ain hikathā khiyurwui ain kala shiyan-chikan leikhala?

KHALATLUI 5:1

8Mosesna Israel saikorali hokhuida athumli hānga, “Nganālu, O Israel, ina aja nathumli shākhavai kagaso ain kala shiyan-chikanbing hāngkachithei hi nathumna ningkachāng eina shākhuida hi mayontitlu.

JOSHUA 22:5

Prohowui rao Mosesna nathumli mikahai ningkhami eina ain chi mayontitlu, nathumwui Proho Vareli leishi khavai, awui apong saikorali zatkhavai, awui ningkhamibing mayon khavai, kala ali ngavaptit khavai kala ali nathumwui ning manglā tongda otram ngatha̱ khavaina.”

JOSHUA 23:6

Chiwui vang eina Moseswui ain lairikli kapi kahai saikora mayontitta yuiung-yuivā masaalu,

1 SAMUEL 18:14

Kala Prohona ali ngasomihaoda; Davidna awui kasāsāli athei khamathei samphanga.

1 SAMUEL 18:30

Chiwui thili Philistinewui wungnaobingna rai rāsai; kala rākhangarar kachiva̱li, Davidna Saulwui rao saikorali maiyāmeikapa. Chithāda awui ming khayākālakhaowa.

1 SAMUEL 18:5

Kala Saulna kachiho apam kachiva̱li Davidna yuichinga; chiwui vang Saulna ali raimiwuitungli yangkhavai haimi. Kala hi mi saikora kala Saulwui raobingwui mikyanli phālakhaowa.