1 WUNGNAOBING 17:6 - Kathara Bible (BSI)

⁶ Ngathor ngazin mateila ngahong-hangkhāna khamui eina sā khuirāmichinga; kala kongrānaowui tara̱ manga.

1 WUNGNAOBING 17:6 Iomraidhean Croise

1 WUNGNAOBING 13:28

Ana akhayang eina angun chi shongfali hailaga gadhā eina kazingkha̱ chi angun ngalemli nganingsai. Kazingkha̱ china kathingun mashaimana, lah gadhā chila mamakeithatmana.

1 WUNGNAOBING 17:5

Prohona kahāng athishurda ana Jordanwui zingshoshong Cherethkongli apamhaowa.

1 WUNGNAOBING 17:7

Khaleilaga, kazing marolakthuda kongrā chi thenghaowa.

1 WUNGNAOBING 19:6

Ana thuikhayang eina yanglu, akuishakli khamuikasā ngalungtungli parhaisai, kala tara̱ hamkha haisai. Ana chi thuizā-thuimanglaga pizangluishita.

1 WUNGNAOBING 19:8

Ana ngakarthuida phāshak phazāda Varewui kaphung Horebli ngashun hangmati ngayā hangmatithang zangda vai.

LAA 33:18

Yanglu, Proholi khangacheebingli, kala awui makhangachei leikashili kachihānabingli ana yangmi,

LAA 37:19

Makaphā atamli athumli makhayak ngasakmana, chāmrei atamli athumna mavātla leira.

LAA 37:3

Proholi shitsanglu kala kaphā sālu, chieina nana ram chili sompamra, kala ning tāphuphaira.

SHONGZĀ 16:35

Israelnaobingna athum pamkapai apam mavāshungranglakha eina tangda kum hangmati manna zai; Canaan ngalei thari mavāshungranglakha eina tangda manna zai.

ISAIAH 33:16

athumna kajujuili pānra, awui ngayinkhui khavaipam lunghārwui raipan ngasāra; awui kashakazā ali mizāra, tara̱la mavātmara.

JEREMIAH 37:21

Awunga Zedekiahna hukhum mida Jeremiahli khamayonwui yāngkhupli haihaowa; kala keinung chiwui kashakazā makānranglakha eina tangda thangkachida khamuitang ava̱va̱ khamui kasaa chānreiwui eina mizāchinga. Chithāda Jeremiahna khamayonawui yāngkhupli pamsai.

JEREMIAH 40:4

Ara yanglu, napāng mari khānghui eina khalap kahai hi ina aja khalāmi kahaina. Babylonli ili ngasokhava phāmeira jiakha rālu, ina nali mathālak eina yangmira; kha ili ngasoda Babylonli khavā nawui vang maphāmara jiakha marālu. Yanglu, ngalei hupta nawui mangāli leili, nana hili khavā phāmeira, mashungmeira kaji apamli vālu.”

MISHĀN 11:23

Chieina Prohona Mosesli hānga, “Prohowui pāng sha̱nāhaola? Ara iwui tui nawui vang ungshungnika maungshungnikhala yanglu.”

MATTHEW 19:26

Kha Jishuna athumli yanglaga hānga, “Mikumowui vanga hi masāpaimana kha Varewui vanga masākapai maleimana.”

LUKE 22:35

Chieina ana athumli hānga, “Ina nathumli lupākhaola, paidula, pheihopla mazangla chihokhavā tharan nathum khikha khavāt leihaolā?” “Khikha khavāt maleimana” da athumna ngahānkai.

HEBREWNAO 6:18

Chili khamataia khani lei, chiya mangacheipaiki kaji kala Varena maningmana majiki kaji china. Chieina awuili ningkhalum samphang kahai ithumwui vanga ithumwui mangāli haimi kahai kachihān chili singtit khavai panglāk eina kasatmiya.

WUNGVA̱-WUNGVĀ 14:14

Kala ana athumli hānga, “Kashaiya chiwui eina khikhakha shaikhavai shoka. Kapangawui eina khikhakha kashima samphanga.” Kala athumna kathumthangwui alungli pakhon chi khikhalada mahangrarthuwa.