1 WUNGNAOBING 13:5 - Kathara Bible (BSI)

⁵ Prohowui tui Varewui mi china machutkhui khavai khami athishurda hanphutla minkhaihaowa, kala hotla yaoyānghaowa.

1 WUNGNAOBING 13:5 Iomraidhean Croise

1 WUNGNAOBING 13:3

Kala chithang ngalāngda machut khavaila mida hānga, “Prohona hāngkahai machutkhui khavai chi hina; ‘Yanglu, hanphut hi shaokhaihaora, kala chiwuitungli khalei hotla saikora chaiyānghaora.’”

1 WUNGNAOBING 13:4

Bethelwui hanphutli makhamayā vaokashok Varewui mina kahāng chi awungana kashā chitharan, Jeroboamna hanphutpamwui eina pāng katingvāda hānga, “Mipa chi tukkhuilu.” Kala katingkhava apāng chi thihaida makhuiungluipaithuwa.

1 WUNGNAOBING 13:6

Kala awungana Varewui mi chili hānga, “Nawui Proho Varena lumashanmida ipāng raimi khavai seihā kasāmilu.” Varewui mi china Proholi pomilaga awungawui pāng raihaida khangachā tākam eina unghaowa.

1 WUNGNAOBING 17:16

Prohona Elijahli kahāng thāda sāmham kakān mavaithuwa, thaokhongla katheng mavaithuwa.

1 WUNGNAOBING 22:28

“Na chingri eina latungluisi kaje” Micaiahna hānga, “Prohona ili hāngmi khangasak maningmana!” Kala ana hānga, “Miyur saikora iwui tui hi nganālu.”

1 WUNGNAOBING 22:35

Chithangwui rai marhaoda awungana awui siguigari tungli zungpamda Syria raimibingli yangngasungda pama, kha zingyinlam thihaowa; kala awui ashee akhamā eina shokta siguigari pemhaowa.

AMOS 3:14

“Chithang Israelna khayonkhamāng kasāwui vang ina tandi mira, Ina Bethelwui hanphutli tandi mira; kala hanphutwui angachee sātekhaida ngaleili tātungra.

MARK 16:20

Chieina athumna apam kachiva̱li vāda pao hāshoka kala Prohona athumli ngasoda ot sai kala athumwui paokapha chi mashunga kaji chi matakhak kahai ot kasā machut china phongshoka.

KHALATLUI 18:22

marān akhana Prohowui ming singda matuilaga, tui chi maungshungakha, kala mamashungakha, chi Prohona hāngkahai tui maningmana; marānbing china ningkap eina matuiphāphā kajina, nathum ali ngachee khavai apong maleimana.”