1 THOTRINCHĀN 4:10 - Kathara Bible (BSI)

¹⁰ Israelwui Vareli Jabezna “Iyavo nana ili somida iwui lam thari haksangmisi kaje, kala nana ili ngasomisi kaje, kala kakhanangli matāzang khavai kasakwui eina nana kanmisi kaje” da poi. Ana kapo chi Varena khuisangmi.

1 THOTRINCHĀN 4:10 Iomraidhean Croise

HAOKAPHOK 12:2

Kala ina nali kahaka yur akha sāngasakta nali sokhamila somira, nawui ming reingasakta, somi kahaia mi akha sāngasakra.

HAOKAPHOK 12:8

Chiwui thili Bethelwui zingshoshong khalei phungreishong vāda awui kachonshim vākhaningkai; chiwui zingtunshong Bethel, kala zingshoshong Ai lei; kala ana chili Proho wui vang hanphut akha sākhuida Prohowui mingli khoruma.

HAOKAPHOK 28:20

Chieina Jacobna khangashit akha sāda hānga, “Varena ili ngasomida iwui kazazatpamli hithada thānmiakha, kala zākhavai kashakazā kala ngavai khavai kashankachon mida,

HAOKAPHOK 28:21

ishāvāwui shimli chingri eina hanung ngasakluiakha Proho chi iwui Vare sāra,

HAOKAPHOK 32:26

Chieina mi china hānga, “Kazing thangki jihaira, ili chihohaolu.” Kha Jacobna hānga, “Ili nana masomiranglakha eina tangda nali mathui ngasakmara.”

HAOKAPHOK 32:27

Chieina ana Jacobli ngahāna, “Nawui aming khipā hokhala?” Ana “Jacob” hoi da hānga.

HAOKAPHOK 32:28

Chieina ana hānga, “Nawui ming Jacob maholuimara, kha Israel hora, kaja nana Vare eina mikumoli nganurda nana yuihaira.”

HAOKAPHOK 33:20

Chili ana hanphut akha sakāda chiwui aming El-Elohe-Israel hoi.

HAOKAPHOK 48:16

Ili makaphā saikorawui eina ngatangkhame, kazingrao china nao khanili somilu; kala aniwuitungli iwui, kala ishāvā ngarā Abraham, Isaacwui ming leichingranu; kala okathuili mataisangda, kachungkha ngasāranu.”

1 THOTRINCHĀN 16:8

O Proholi ningkashi milu, amingli ngakaolu; awui otsak mibingli theingasaklu!

1 THOTRINCHĀN 4:11

Shuhahwui achinā Chelubna Mehirwui avāva̱na; kala Mehirna Eshtonwui avāva̱na.

1 THOTRINCHĀN 4:9

Chinaongarā kateile Jobezna khayā kāmei; kala ava̱va̱na, “Chotlak eina pharākhui” jida awui ming Jabez phokmi.

JOBWUI LAIRIK 12:4

I ngasotnaowui ngashimshi khavai sāthuihaira, Vareli ngakaoda ana ngahānkhami, khangaronga, shāt makakā I mana̱shi khavai ngasāhaira.

LAA 119:173

Ili ngachonmi khavai napāng ngarānmilu, kaja ina nawui tamkachithei kapangkhuihaira.

LAA 121:7

Prohona makaphā saikorawui eina mayonmira, ana nawui mirin mayonmira.

LAA 145:19

Ali khangachee saikorawui ningkachāng ana ngarānmi, ana athumwui khavao shāmi kala athumli huimi.

LAA 21:4

Ana mirin sangmei khavai poi; nana ali kasāngkha okkapei miya.

LAA 51:12

Nawui huikhamiwui ringkaphā chi ili sangmilu, kala ili kahāng nganāngairareo kahai ning sangmilu.

LAA 51:8

Ili ringkaphā khamathān eina chipemilu; nana sātekmi kahai ara̱kui chi mathānranu.

LAA 55:16

Kha ina Vareli ngakaowa; kala Prohona ili huimira.

LAA 65:2

O seihā kasā shākhame na! Phasā khavaia saikorana nali rāsera.

LAA 72:17

Aming leichingranu, zimik leilakha eina tangda awui ming zatchingranu! Awui ming eina mibing athum khalatta soranu, yur saikorana ali somi kahaia horanu.

LAA 99:6

Moses eina Aaron awui pāngmonbingli zangsai, Samuella awui mingli khangakaoli zangsai. Athumna Proholi ngakaowa, kala ana athumli ngahānkāmi.

CHĀNSAM 10:22

Prohowui sokhamina shāngngasaka, kala chili ana wukkakhanang mangarumsangmimana.

CHĀNSAM 30:8

Khangui eina kakapik iwui eina katāva̱li khuithuimihaolu; ili kachām nilala kashāng nilala mamialu; iwui vang zāvaishap kashakazā ili mizālu,

ISAIAH 41:10

mangacheealu, ina ngasomida lei, kaphaning masuitālu, kaja I nawui Varena; ina nali yāng ngarumsangmira, ina nali ngachonmira, ina nali iwui khayuia yāpang eina kanmira.

ISAIAH 41:17

Kachāma kala khavātabingna tara̱ phāda; masamphangmana, kala ra̱kachangna athumwui male thengkahai tharan, Proho ina athumli ngahānkāmira, Israelwui Vare ina athumli mahorhaimara.

JEREMIAH 33:3

“Ili ngakaolu ina ngahānkāra, nathumna makathei thum kahai kachungkha hāngmira.

MATTHEW 26:75

kala Jishuna ali hāngkahai, “Harvāna makhongranglakha nana ili kathumshida hatra” kaji Peterna phaningunga. Chieina ana kayāngli shokta soso chapa.

MATTHEW 6:13

Kala ithumli kasuili mazang ngasakmialu, kha makaphāwui eina kanmilu.’

LUKE 19:42

“Chingri kahai hi kachiwui eina kharākhala da nathumna aja theisāsi kaja jong! Kha ara chila nathumwui eina thumihaira,

JOHN 10:28

Ina athumli makashimān kharing mi, chieina athum mathilākmara, kala athumli khipānakha iwui eina mangapaithuimara.

JOHN 21:17

Kakathumali Jishuna hānglui, “Johnwui naomayara Simon, na ili leishila?” Kakathumalila “Na ili leishila?” da khangahānwui vang Peter wukkhananghaowa; kala hithada ngahānkai, “Proho, nana saikora katheina; ina nali leishiya kaji nana thei.” Jishuna ali hānga, “Iwui yaobingli phāuilu.”

OTSAK 3:26

Varena awui rao chi kapangkhuida, mi kachiva̱na makaphā-makhayāwui eina mai ngareiungda sokhami samphang khavai rimeikapta nathumwuili chihorai.”

ROMNAO 12:9

Kāshunglak eina leishilu, makaphāli ningkachailu, kaphā chi singtitlu.

ROMNAO 16:19

Nathumna paokaphāli singtit kajiwui pao shāhaira, kala hiwui vang ina ringphai. Nathumli kaphāwui apongli thangkhamei kala zakkashiwui apongli mangkhama̱ ngasā ngasakngai.

1 CORINTHNAO 1:2

Corinthli khalei Varewui church, Varewui kathara mi sākhavai hokhui kahaibing saikora, Khrista Jishuli khangarumwui vang Varewui mi sākahaibing kala apam kachiva̱li Proho Jishu Khristali athumwui kala ithumwui Prohonada khokharuma mi saikorali kakapi chithina.

EPHESIANAO 1:3

Ithumwui Proho Jishu Khristawui Vare kala Avāva̱li ningshisa! Kaja ithumna Khristali khangarumwui vang kazingram katha apuk-apaga hili ithumwuitungli manglāwui sokhami kachungkha heirormihaira.

EPHESIANAO 3:20

Ithumwui lungli pangshapna ot sāmida ithumna kahāngli kala kaphaningli langmeikharda ngarānkhame ā chili,

EPHESIANAO 4:30

Kala ngatangkhami zimikshowui vang nathumli mahor namkahai Varewui Manglā Kathara chili makhanang ngasakalu.

2 TIMOTHY 4:18

Prohona makaphā kachiva̱wui eina kanshokmida awui zingwungramli thānzangmira. Ishamei ali mashimānda tekmateichingranu. Amen.

PHONGKHAMI 3:19

Ina leishilak kajebingli hāngmachinda tandila mi; chiwui vang eina ningmazingda ningngateilu.

1 SAMUEL 1:17

Chieina Elina, “Chingri eina zatulu, Israelwui Varena nawui kapo chi ungshungmiranu” da hānga.

1 SAMUEL 1:20

kala atam ungkashung eina Hannah nao vaida mayarnao akha pharāhaowa, kala aming Samuel hoi, kaja Hannahna hānga, “ina Prohowui eina nao hi pokakhuina.”

1 SAMUEL 1:26

Kala Hannahna hānga, “O iwui amei! nana phaningungra, apam hili nawui mangāli nganingda Proholi seihā kasava̱ chi ina.

1 SAMUEL 1:27

Nao hiwui vang eina ina seihā sai; kala ina kapo chi Prohona mihaira.