1 THOTRINCHĀN 24:6 - Kathara Bible (BSI)

⁶ Nethanelwui nao Levipa Shemaiah kapimena, awunga, wungnaobing, Zadok pāngmon, kala Abiatharwui naomayara Ahimelech, kala pāngmonbing shimkhur avāva̱ ngarāwui wungva̱bing athum saikorawui mangāli kapikhuisera; avāva̱wui shimkhurwui eina Eleazarwui vang akha kala Ithamarwui vang akha da kapangkhui.

1 THOTRINCHĀN 24:6 Iomraidhean Croise

1 WUNGNAOBING 4:3

Shishawui naomayara Elihoreph eina Ahijahna kapime; Ahiludwui nao Jehoshaphatna kazipsingme sai;

1 THOTRINCHĀN 18:16

Ahitubwui nao Zadok eina Abiatharwui nao Ahimelechna pāngmon sai, kala Shavshana kapime sai;

1 THOTRINCHĀN 23:24

Athum hi Leviwui naomayarabing avāva̱ ngarāwui shimkhur, avāva̱ ngarā shimkhurwui wungva̱bingna athum avāva̱wui aming athishurda kum maga̱ rarkahai kala chiwui atung Prohowui shimli otram ngatha̱mi khavai chankahaibingna.

1 THOTRINCHĀN 24:31

Hibing hila avāva̱ ngarāwui shimkhurwui wungva̱bingna, agato ngarāla ngaraichāda, kalā yanglaga athumwui achināngarā Aaronwui naomayarabingna kasā thāda Awunga Davidwui mangāli, Zadokwui, Ahimelechwui kala pāngmon eina Levinaobing avāva̱ ngarā shimkhurwui mangāli kapangkhui.

1 THOTRINCHĀN 24:7

Ka̱lā yanglaga khare chi Jehoiaribwuili tāhaowa; kakhane Jedaiahli,

2 THOTRINCHĀN 34:13

khangava̱bingli yangmi, kala sāki kaji ot saikora athumna tamchithei. Leviwui mi kaikhava kakapi ot sai; kala kaikhana otva̱a, kala khangatei kaikhana shantri-kasā zanga.

EZRA 7:6

Ezr china Babylonwui eina unga. Ava Israelwui Vare Prohona Mosesli khami ainwui pongli themlāk kahai mi akhana. Kala awui Proho Varena ngasokhamiwui vang awungana awui kapo saikora misera.

NEHEMIAH 8:1

Kala mi saikora akha sāda Tara̱ Ngaveiwui yāngreili kazipa; kala athumna ain kathema Ezrali Prohona Israelli mikahai Moseswui ain lairik chi khuirālu da hānga.

MATTHEW 13:52

Chieina ana athumli hānga, “Chiwui vang eina kazing wungramwui vang tamchithei kahaia ain kathema kachiva̱ chiya shimva̱ akha kathāna, ana awui lan kazip kahai kāwui eina kadhara kala kachama lan khuikashok kathāna.”

MATTHEW 8:19

Kala ain kathema akhana ali rāhānga, “Ojā, nana kazazatpam kachida I nathi shurga.”

MARK 2:26

Abiatharna pāngmon kharei sāda leilakha ana kathada Varewui shimli zanglaga pāngmonbing maningla khangateibingna shaikashar Ngasokhamiwui khamui chi shaihao kala ali ngasokazatbinglila mishaihao kaji mapākhuihaira?”