1 THOTRINCHĀN 24:3 - Kathara Bible (BSI)

³ Eleazarwui naomayarabingwui eina Zadok, kala Ithamarwui naomayarabingwui eina Ahimelech, anina ngachonmida Davidna athum kachichāwui sāki kajiwui otsin chi ngayeimi.

1 THOTRINCHĀN 24:3 Iomraidhean Croise

2 SAMUEL 20:25

kala Shevana thuilinga kala Zadok eina Abiatharna pāngmon sai;

2 SAMUEL 8:17

kala Ahitubwui naomayara Zadok eina Abiatharwui naomayara Ahimelechna pāngmon sai; kala Seraiahna kapime sai;

1 WUNGNAOBING 2:35

Joabwui mahut Jehoiadawui nao Benaiahli raimi kathāna sāngasakhaowa, kala Abiatharwui mahut awungana Zadokli pāngmon sanghaowa.

1 THOTRINCHĀN 15:11

Chiwui thili Davidna pāngmonbing Zadok eina Abiathar, kala Levipa Uriel, Asaiah, Joel, Shemaiah, Eliel, kala Amminadabli vāhokhui ngasakta,

1 THOTRINCHĀN 16:39

Kala pāngmon Zadokli ngasoda achināngarā pāngmonbinglila Prohowui tabernacle pam chiya, Gibeonwui kajuiya pamli haihaowa,

1 THOTRINCHĀN 18:16

Ahitubwui nao Zadok eina Abiatharwui nao Ahimelechna pāngmon sai, kala Shavshana kapime sai;

1 THOTRINCHĀN 24:31

Hibing hila avāva̱ ngarāwui shimkhurwui wungva̱bingna, agato ngarāla ngaraichāda, kalā yanglaga athumwui achināngarā Aaronwui naomayarabingna kasā thāda Awunga Davidwui mangāli, Zadokwui, Ahimelechwui kala pāngmon eina Levinaobing avāva̱ ngarā shimkhurwui mangāli kapangkhui.

1 THOTRINCHĀN 24:4

Ithamarwui naomayarabingwui alungle Eleazarwui naobingna wungva̱ chungmeihaoda, Eleazarwui shimkhurwui eina wungva̱ tharāda tharuk kala Ithamarwui eina chishat da khui.

1 THOTRINCHĀN 24:6

Nethanelwui nao Levipa Shemaiah kapimena, awunga, wungnaobing, Zadok pāngmon, kala Abiatharwui naomayara Ahimelech, kala pāngmonbing shimkhur avāva̱ ngarāwui wungva̱bing athum saikorawui mangāli kapikhuisera; avāva̱wui shimkhurwui eina Eleazarwui vang akha kala Ithamarwui vang akha da kapangkhui.

2 THOTRINCHĀN 8:14

Avāva̱ Davidwui shiyan-chikan athishurda ana pāngmonbing khumkhum eina athumwui otpamwui vang phāsanga, kala Levinaobingna, thangthangwui otsinwui vang pāngmonbingwui mangāli otram khangatha̱ kala masot mikhavai, kala ngavei kachungkha chili mayon khavai khumkhum eina kapangsanga; kaja hi Varewui mi Davidna kaso kahaina.

1 SAMUEL 21:1

Chiwui thili Davidna Nobli, pāngmon Ahimelechwuili vai, kala Ahimelechna kathirriri Davidli angarokta hānga, “Khipākha mangasola namāng kharā kachiwui vangkhala?”