1 THOTRINCHĀN 21:1 - Kathara Bible (BSI)

¹ Satanna Israelli yangshihaida, mi mashing shānkhavai Davidli rāsui.

1 THOTRINCHĀN 21:1 Iomraidhean Croise

1 THOTRINCHĀN 20:8

Gath ngaleiwui mireitheiwui naotunbing hi David eina awui raimibingwui pāngli thisangserhaowa.

1 THOTRINCHĀN 27:24

Zeruiahwui nao Joabna mishān shanphoka; kha mashānkupmana; chithālala hiwui vang Israelwuitungli malungkhavāt tāhaowa, chieina mashing chi David awungawui thotrinchānli machanthuwa.

1 THOTRINCHĀN 7:40

Athum saikora Asherwui mibingna, avāva̱ ngarā shimkhurwui wungva̱, wungnaobingwui khareiyabingna. Athumwui mashing mithot lairikli kapikakhui athishurda ming chankahai raili vākashap mi thingmaga̱da tharukna.

JOBWUI LAIRIK 2:1

Latluida thang zimikshokha Varewui naomayarabingna Prohowui mangāli akazipsera, kala Satanla athumli ngasovāda Prohowui mangāli anganinga.

SHONGZĀ 30:12

“Nana Israelnaobingwui mishān kakhui tharan, athum ava̱va̱ khalatta ngatangman miphalungra, kaja kashān chitharan athumwui ngachaili sākazāt marā khavaina.

ZECHARIAH 3:1

Chiwui thili pāngmon kharei Joshua Prohowui kazingraowui mangāli nganingda khalei ili chithei kala Satanna ali khayon phenkhavai awui yāshong nganingsai.

MATTHEW 4:3

Chieina chipeena ali rāsuida hānga, “Na Varewui Naomayarana jiakha ngalunggui hi khamui onkhavai kasolu.”

LUKE 11:53

Apam chiwui eina Jishuna zatkathui eina ain kathemabing eina Phariseebingna ali panglāk eina ngayātlaga apong tarākhali khangahānla sai

LUKE 22:31

“Simon, Simon! yanglu! Satanna nathumli mā kahei thada heilaga chāng yangkhavai ningchāngda lei.

JOHN 13:2

Kala ngazin phazātwui atamli, Jishuli yorza khavai Simon Iscariotwui naomayara Judaswui wuklungli chipee zangkahai tharan,

OTSAK 5:3

Chiwui thili Peterna hānga, “Ananias, kathada nana chipeewui tui khuilaga Manglā Katharali kapikta lam khayorwui aman ngayarda thumhaokhala?

HEBREWNAO 10:24

Akhana akhali ningngaishida kaphā ot sākhami, leikashi chithei khavai ngachon ngaroksa.

JAMES 1:13

Kachikathā mi akhali kasui kharā tharan, “Ili Varena suiya” da maphenalu; kaja Vareli makaphāna masuirarmana kala ana khipālikha masuimana.

PHONGKHAMI 12:10

Chiwui thili kazingramli panglāk eina vaoda kahāng ina shai: “Ara Varewui huikhami rāhaira! Ara Varena awunga thada pangshap chitheihaira. Ara awui Khristana awui sāshap pangshap chitheihaira. Varewui mangāli ngashun ngayā mateila ichinā ngarāli khayon kaphenapa chili kazingramwui eina horshokhaira.