1 THOTRINCHĀN 19:3 - Kathara Bible (BSI)

³ Kha Ammonwui wungnaobingna Hanunli hānga, “Hāngphanep khavai Davidna mi chihokharā hi navāli khayākashina da phaningla? Nawui ngalei ngapaikhui khavai rairui chihokharā maningmala?”

1 THOTRINCHĀN 19:3 Iomraidhean Croise

2 SAMUEL 10:3

Kha Ammonwui wungnaobingna Hanunli hānga, “Davidna navāli khayākashiwui vang ninglum ngasak khavai nali mi chihokharāna da phaningla? Keinung hi phākhuida ra̱yang khavai kala ngalei khuikhavai Davidna awui raoli kachiho maningmala?”

1 THOTRINCHĀN 19:2

Chieina Davidna, “Nahashwui nao Hanunli ina lumtir eina sāra, kaja avāva̱na ili ngavaplak eina leisai.” da hānga. Chiwui vang avāva̱ kathiwui vang kakhanang chithei khavai paomebing chihovai.

1 THOTRINCHĀN 19:4

Chiwui vang eina Hanunna Davidwui raobing chi tukkhuilaga kui simiserhaowa, kala kachonla ngahunpat tāmihaida, shaksha̱ eina tangda ngavailaga shiunserhaowa;

WUNGVA̱-WUNGVĀ 18:2

Chiwui vang shang katonga Zorah kala Esta-olwui zangda kapingpinga mi phangā kapangkhuilaga ngathumda lam vāra̱yang khavai chihoi, kala athumli hithāda hānga, “Lam chi mathāda ayangkhuilu.” Kala athumna Ephraim kaphungramli vāda Micahwui shimli azanga.

1 SAMUEL 29:4

Kha Philistinewui raimi kathānabingna ali malungvāthaida hānga, “Hanung ngasakhaolu, athumli ngasoda rai masāpaimara, nana athumli mikahai apam chili hanung ngasakhaolu; khipāna theira ithumli khalatta ngararluilapai. Ashi akhavāli ana kathāda asamphangrakhala? Mibing hiwui akui rangkakhui maningla?

1 SAMUEL 29:9

Kala Achishna ngahānkāda hānga, “Iwui miktāli na Varewui kazingrao shātmakaka thai; chithālala Philistinewui raimi kathānabingna, ‘Raikhangararli ithumna ali mangasovāmara’ jihaowa.