1 THOTRINCHĀN 13:3 - Kathara Bible (BSI)

³ Laga Saulwui atamli horhaikasā, Varewui ningkhami oko chi akhuiluisa.”

1 THOTRINCHĀN 13:3 Iomraidhean Croise

1 THOTRINCHĀN 13:2

Kala Israel yarui saikorali hānga, “Nathumna hi phāra jiakha, kala Proho ithumwui Varewui khamayaakha, ithumna Israel apam saikorali khalei ichināngarāli pao milaga, pāngmonbingla, Levibingla, seizat khalei keinungli kapam athum saikorala ngarumda ithumwuili rāseranu.

1 THOTRINCHĀN 13:4

Yarui kazip saikorana chi phāra jihaoda mayāserhaowa.

1 THOTRINCHĀN 15:13

Kharethang nathumna makaphungwui vang, ithumwui Proho Varena ithumwuitungli malungkhavāt rāngasakhaowa, kaja tharchisin kahai chili ithumna mangasharthuwa.”

LAA 132:6

Yanglu, hiwui apongli ithumna Epharathahli shai, Jaarwui luili ithumna chi samphanga.

1 SAMUEL 14:18

Kala Saulna Ahijahli hānga, “Varewui oko chi hili khuirālu.” Atam chitharan Varewui oko chi Israelwui mibingli ngasozatsai.

1 SAMUEL 14:36

Chiwui thili Saulna hānga, “Aja ngayā Philistinenaobingli kharomvāda kazing mahoranglakha eina tanga ithumna mi akha eina tangda matai ngasakla tāsākazamhaosa.” Kala athumna, “Nana phāra kaji eina vairanu” da hānga. Kha pāngmon china, “Vareli ngaha̱nsa” da hānga.

1 SAMUEL 22:10

kala ana, Prohona awui vang khi hāngkhala kaji rāngahāna, kala ali kashakazāla mi, kala ali Philistinepa Goliathwui raighai chila khuimi.”

1 SAMUEL 22:15

Varewui tui ina ali hāngkhami ajana kharela? Maningmana! Awungana hi narao ina shokkhangasakna majiranu, lah ishi shimkhurli ningkhamaong masāmilakalu; narao ina hiwui pongli, kateoala, kahakala khikha akhanida matheilakmana.”

1 SAMUEL 23:2

Chieina Davidna Proholi, “Ina vāda Philistinenaobing hili angararrala?” da khangahān eina “Philistinenaobingli angararda Keilah kankhuilu” da Prohona hānga.