1 THOTRINCHĀN 12:1 - Kathara Bible (BSI)

¹ Davidna Ziklagli leilakha Kishwui naomayara Saulwui vang eina phongshar eina mazatkhaleng atamli, kharā mibing chi hina; athum hi kapingabingwui ngachaili zangda athumna ali raili ngachonmi.

1 THOTRINCHĀN 12:1 Iomraidhean Croise

2 SAMUEL 1:1

Saul thikahaiwui thili, Davidna Amaleknaobingli asāthathailaga hankhaung eina, Davidna Ziklagli khanithang ungpama,

2 SAMUEL 2:3

Kala Davidna ali ngayurkazatbing, kala athumwui shimkhur kachiva̱ khuivaserda athum Hebron keinungbingli asompama.

2 SAMUEL 4:10

kachikathāna khamathā paona da phaningda, ‘Saul thihaira’ da rākahāng tharan awui paowui vang ina sāman mida ali ina tukkhuida Ziklagli shaothathaowa.

1 THOTRINCHĀN 11:10

Chitharan Davidwui raimi kathānabing chi hina, Israelwui pongli Prohona hāngkahai tui chiwui athishurda Davidli awunga sāngasak khavai Israel saikora eina ngarumda wungramwui vang panglāk eina kakatombing chi hina.

1 THOTRINCHĀN 11:19

“Vare mangāli ina hithāda masālakmara. Mirin hamlaga khavabingwui ashee ina mangrala? Kaja athumwui mirin hamlaga hi khuikhaungna.” Chiwui vang eina ana mamangthuwa. Kapinga kathum china hikathā otsakbing sāshapa.

1 THOTRINCHĀN 11:47

Eliel, Obed, Ja-asiel, athum Mezoba-itenaosera.

1 THOTRINCHĀN 8:33

Nerna Kishwui avāva̱na, Kishna Saulwui, Saulna Jonathan, Malchishua, Abinadab kala Eshbaalwui avāva̱na.

1 THOTRINCHĀN 9:39

Nerna Kishwui avāva̱na, Kishna Saulwui, Saulna Jonathan, Malchishua, Abinadab kala Eshbaalwui avāva̱na.