1 THOTRINCHĀN 11:3 - Kathara Bible (BSI)

³ Chiwui vang Israelwui kathāna saikorana Hebronli awungawuili vai; kala Prohowui mangāli Davidna athumli tuingashit akha sai. Kala Prohowui tui Samuelna hāngkahai athishurda Israelwuitungli awunga sākhavai Davidli tharkachisin thao neomi.

1 THOTRINCHĀN 11:3 Iomraidhean Croise

2 SAMUEL 2:4

Kala Judahwui mibing rāda athumwuitungli awunga sākhavai, athumna Davidli thao neomi. Jabesh-Gileadwui mibingna Saulli kachifana da Davidli kahāng eina,

2 SAMUEL 5:3

Chiwui vang Israelwui khararnao saikorana awungali Hebronli rāhānga; kala Hebronli Awunga Davidna athumli Prohowui mangāli tuingashit sai, kala athumna Israelwui awunga sākhavai Davidli thao neomihaowa.

2 SAMUEL 5:5

Ana Hebronli leilakha kum shini kachāng tharuk Judahli munga, kala Jerusalemli ana Israel eina Judahli kum thumrāda kathum munga.

2 WUNGNAOBING 11:17

Chiwui thili Jehoiadana, athum Prohowui mi sāra da Proho eina awunga kala mibingwui ngachaili tuingashit khuingasaka kala awunga eina mibinglila tuingashit khuingarok ngasaka.

2 WUNGNAOBING 23:30

Awui raobingna siguigarili sanglaga Megiddowui eina Jerusalemli kathi eina khuiunga, kala awui chikhurli chifahaowa. Ngalei chiwui mibingna anaomayara Jehoahazli tharchisinmida avāva̱wui mahut awunga sanga.

1 THOTRINCHĀN 11:10

Chitharan Davidwui raimi kathānabing chi hina, Israelwui pongli Prohona hāngkahai tui chiwui athishurda Davidli awunga sāngasak khavai Israel saikora eina ngarumda wungramwui vang panglāk eina kakatombing chi hina.

2 THOTRINCHĀN 23:3

Kala kazip kahai saikorana awungali ngasoda Khorumshimli tuingashit akha sai. Kala Jehoiadana hānga, “Yanglu, awungawui naomayara! Prohona Davidwui naongarāwui pongli hāngkahai thāda ana mungranu.

WUNGVA̱-WUNGVĀ 11:11

Chieina Jepthana athumli ngasoungda athum saikorawui kathāna sāhaowa; kala Jepthana hāngkhangai tui saikora Mizpahli leilakha Prohowui mangāli hāngsera.

1 SAMUEL 11:15

Chieina mi saikora Gilgalli vai, kala chili athumna Prohowui mangāli Saulli awunga sanga. Kala chili Proholi ningyatchigat chigata, kala Saulla, Israelwui mibing saikorala Proho mangāli ringphālakhaowa.

1 SAMUEL 15:28

Chieina Samuelna ali hānga, “Prohonala aja nawui ngalei ngakaikhaihaida nali phākhamei nawui khongnai akhali mihaira.

1 SAMUEL 16:1

Prohona Samuelli hānga, “Saulna Israelwui awunga saki kaji ina mamayāmana kaji thatheilaga nana awui vang karankha sifarakhala? Thaokhongli thao sangkhuilu, kala zatulu; ina nali Bethlehempa Jessewuili chihovāra; kaja awunga sākhavai iwui vang awui naomayarabingwui eina ina akha kapangkhuihaira.”

1 SAMUEL 16:3

Kala pha̱kaphayā chili Jesseli hosanglu, kala nana khisamameira kaji ina hāngchitheira; kala ina aming hāngkhamipa chili nana iwui vang thao neomira.”

1 SAMUEL 23:18

Kala anina Prohowui mingli tuingashit akha sai; laga Davidna Horeshli pamhaowa, kala Jonathanna shimli latunghaowa.

1 SAMUEL 28:17

Prohona ili hangkhangasak athishurda kasāna; kaja nawui wungram ngakaida nawui khongnai Davidli mihaira.