1 THOTRINCHĀN 11:1 - Kathara Bible (BSI)

¹ Chiwui thili Israel saikorana Hebron ngaleili Davidwuili kazip ngarumda hānga, “Yanglu, ithum nawui ashee asāna.

1 THOTRINCHĀN 11:1 Iomraidhean Croise

HAOKAPHOK 29:14

kala Labanna ali hānga, “Kachangkhat eina na iwui ashee asāna!” Chithāda sāda ali kachāngkha ngasopama.

2 SAMUEL 15:10

Kha Absalomna ngathumda paome chiholaga Israel katongali, “Talla̱ kakhong shākhaleoda, ‘Hebronwui awunga Absalomna sāhaira’ da vaoserlu” da ahāng ngasaka.

2 SAMUEL 2:1

Hiwui thili Davidna Proholi, “Judahwui keinung khalaleili ina vāpairala?” da ngasana. Kala Prohona hānga, “Vālu.” Davidna, “Kachipāli vālu jikhala?” da khangahān eina, “Hebronli vālu” da ana hānga.

1 WUNGNAOBING 2:11

Davidna Israelli khamung kum hangmatina; ana Hebronli kum shini, kala Jerusalemli kum thumrāda kathum munga.

MISHĀN 13:22

Athumna Negeb shanglaga Hebronli vai; kala Anakwui ara̱-azā kapam Ahiman, Sheshai, Talmai, chili leisai. (Hebron hiya Egyptwui Zoanli zingkum shini rida sakā kahaina).

EPHESIANAO 5:30

kaja ithum awui phasākaisera.

KHALATLUI 17:15

Proho nathumwui Varena kapangkakhuipa chili awunga sāngasakra. Nathum ngachaiwui eina achinā akhali nathumwui awunga sangpaira; kha nachinā makhaninga yur kateili masangpaimana.

WUNGVA̱-WUNGVĀ 9:2

“Shechemwui ruichumnao saikorawui miktāli hāngsanglu, ‘Nathumwui vang, Jerubbaalwui nao hangshini katongana khamung phameiraka, akhamāngna khamung phāmeirakhala? Iya nathumwui ashee kala asāna kaji nathumwui ningli haimilu.”