1 THOTRINCHĀN 10:4 - Kathara Bible (BSI)

⁴ Chieina Saulna awui raisāri phungkhame chili, “Nawui raighai sutshokta ili tothathaolu, chi maningakha ahui marimkashokbing hina ili zeingaruishilak eina sahenra.” da hānga. Kha raisāri phungkhami china ngacheenahaida mamayāthuwa. Chiwui vang eina Saulna awui raighai khuilaga khalatta ngaronthathaowa.

1 THOTRINCHĀN 10:4 Iomraidhean Croise

2 SAMUEL 1:20

Gathli mahāngalu, Ashkelonwui chanreili machishātalu; Philistinewui naongalāva̱bing mathānpaishina, ahui marimkashokabingwui naongalāva̱bing maireopaishina.

2 SAMUEL 1:6

Ali rākahānga yarona china hānga, “Ina Gilboa Kaphungli kakā eina, Saulna awui kazei ngazunglaga pamsai, kala siguigari kala sigui katongabing, ali rānganaihaowa.

2 SAMUEL 17:23

Ahithophelna, awui tui makakhuiwui vang gadhā tonglaga keinungshong ashi shimli unghaowa. Kala ashi shimkhurli sāki kaji saikora sāhailaga ngakhākthihaowa. Kala avāva̱wui chikhurli chifahaowa.

1 WUNGNAOBING 16:18

Keinung khuithuihaira kaji kathei eina Zimrina awungawui konunglungli sākahai raipam chili zangda mei sa̱tāda, ala chili thihaowa,

1 THOTRINCHĀN 10:3

Rai pangkhangai panghaida Saulli malā eina kapza̱haowa.

1 THOTRINCHĀN 10:5

Awui raisāri phungme china Saul thikahai chi kathei eina ala akhalatta raighai eina ngaronthathaowa.

OTSAK 1:18

(Mayara hina awui makhayāwui sāman eina lui akha lokhui; kala chili kashuirak eina kongluida akhari akharā ngapophātserhaowa.

OTSAK 16:27

Phātop khamayona china thuikhamathuk eina phātop shimwui khāmong shoser kahai chi theilaga phātopli sangkahaibing yāmserhairara da phaninga. Chieina awui raighai sutshoklaga ngaronthat khavai sai.

WUNGVA̱-WUNGVĀ 15:18

Ali ra̱changlakhaida ana Proholi ngakaoda hānga, “Nana mayāmida naraowui pāng eina kahaka kankhami ot sāhaira; kala ara ina ra̱kachang eina thida ahui marimkashokbingwui pāngli tazangrala?”

WUNGVA̱-WUNGVĀ 16:21

Chieina Philistinenaobingna tukkhuilaga amik latshokmithaowa, kala Gazali khuivālaga pithrai khānghui eina khalaphaowa; kala apam chili narhailaga mā shirei ngasaka.

WUNGVA̱-WUNGVĀ 9:54

Ngalangda awui chāngvei phungkhameli hokhuilaga, “Thakta nawui raighai sutshokta ili tothathaolu, chi maningakha mibingna ili, ‘Sha̱naona shaokathatna’ jipaishina” da kasoi.

1 SAMUEL 14:6

Kala Jonathanna awui chāngvei phungkhame yarona chili hānga, “Rālu, ini ahui marimkashoka shipaibingli ayangsa; Prohona iniwui vang ngararmilapai, kaja kanmi khavai Prohowui vang teokhana lah chungkhana maleimana.”

1 SAMUEL 17:26

Awui ngalemli khanganingbing chili Davidna hānga, “Israelwui eina maikashi khuithuimiki kaji Philistinepa hili sākathata chili khi sāmira jikhala? Kaja kharinga Varewui raimili kakasira ahui marimkashoka Philistinepa hi khini jikhala?”

1 SAMUEL 17:36

Narao kazingkha̱la, singomla sāthatthathuihaira, kala kharinga Varewui raimili kakasira ahui marimkashoka Philistinepa hila chithāda thira.”

1 SAMUEL 31:4

Chieina Saulna awui chāngvei phungkhameli, “Nawui raighai sutkhuilaga ili tothathaolu, chi maningakha ahui marimkashokbing hina ili rekharek nganaoda sāthatra” da hānga. Kha chāngvei kaphunga china ngacheenahaida mamayāthuwa. Chiwui vang eina Saulna awui raighai khuilaga akhalatta ngaronthathaowa.