1 THOTRINCHĀN 10:12 - Kathara Bible (BSI)

¹² rai khamarākabingna vāda Saulwui angun kala anaomayarabingwui angun akhui; kala aram Jabeshli khalei shirimthingpheili ara̱kui chifahaida zimiksho shinithang kakhum eina pama.

1 THOTRINCHĀN 10:12 Iomraidhean Croise

HAOKAPHOK 12:6

Abramna Sechem kaho apamli khalei Morehwui shirimthingpam chili kānvai. Atam chitharān Canaannaobingna ngalei chili pamsai.

HAOKAPHOK 35:8

Rebekahwui nurse Deborah apam chili thihaowa, kala Bethelwui azingshong shirimthing akhawui azingli chifahaowa; chiwui vang apam chili Allon-bacuth hoi.

HAOKAPHOK 50:10

Jordan kānda Atadwui lanpumli vākashung tharān apam chili athumna wukkhananglāk eina achapngachai; kala Josephna avāva̱wui vang shinithang chapngachai.

2 SAMUEL 3:35

Kala mibingna Davidli ngashunshong phazā khavai suiya; kha ana, “Kalikha ina zimik matunranglakha zāt lah khikakha zaakha Varena ili theiranu” jihaowa.

1 THOTRINCHĀN 10:11

Kha Saulli kasā chi Jabesh-gileadwui mibingna kashā eina,

JOHN 11:19

Chieina Judeanao kachungkhana Martha eina Maryli apā thikahaiwui vang ringphā ngasak khavai rai.

1 SAMUEL 11:1

Chiwui thili Ammonwui Nahashna Jabesh-gileadli shanglaga kuinamhaowa; chieina Jabeshwui mi saikorana Nahashli, “Mayākhangarok akha leisa, laga ithumna nali otram ngatha̱ra” da hānga.

1 SAMUEL 11:9

Kala athumna chili kharā paomebing chili hānga, “Jabesh-gileadwui mibingli hithāda unghānglu: ‘Akhama zingyorshun atamli nathumli rākanmira’ jilu.” Paomebingna chi ungkahāng eina Jabeshwui mibing mathānlakhaowa.

1 SAMUEL 31:12

rai khamarākabingna ngakarthuida ngayā zatthailaga Saulshi vānaongarāwui angun chi Beth-shan ngaveiwui eina akhui, kala athumna Jabeshli ungriktāhaowa.