1 SAMUEL 9:4 - Kathara Bible (BSI)

⁴ Kala anina Ephraimwui kaphungram kānvai kala Shalishah ngalei kanvādala phāvāya, kha masamphangthuwa. Anina Shaalim ngalei eina tangda phāvai, kha chilila maleisāthuwa. Chiwui thili anina Benjaminwui ngaleilila phāvāsera, kha masamphangthuwa.

1 SAMUEL 9:4 Iomraidhean Croise

HAOKAPHOK 33:18

Kala Jacobna hapkakhano maleilakla Shechemli vāshunga, apam chi Paddan-aramwui eina ungakha Canaan ngaleili lei, kala keinung mavāshungnāla apama.

2 WUNGNAOBING 4:42

Baal-shalishahwui mi akhana Varewui mi chili, matheikhare kashakazā, nāpai khamuitang maga̱, mā khanganao borākha khuirāmi. Elishana hānga, “Mibingli shaikhavai chi mihaolu.”

JOHN 3:23

Johnnala Salimwui ngalemli khalei Aenonli ra̱hikmisai. Kaja apam chili tara̱ tarākha leisai. Mi kachungkha rāda ana ra̱hikmi.

JOSHUA 19:42

Sha-alabbin, Aijalon, Ithlah,

JOSHUA 24:33

Kala Aaronwui naomayara Eleazar thihaowa; kala athumna ali, anaomayara Phinehaswui keinung, kaja Ephraimwui kaphungramwui eina khami keinung Gibe-ahli chifahaowa.

WUNGVA̱-WUNGVĀ 17:1

Ephraim kaphungramli Micah hoda mi akha leisai.

WUNGVA̱-WUNGVĀ 19:1

Atam chitharan, Israelli awunga mangavāranglakha, Levinao akhana Ephraim kaphungramwui apam katā akhali vāpāna. Ana Judahli khalei Bethlehemwui sha̱nao akha angashirva̱ sākhavai khui.

1 SAMUEL 1:1

Ephraimwui kaphungramli khalei Ramathaim-zophim kha̱li Elkanah kaho mi akha leisai. A Ephraim shangwui Zuphwui naomayara Tohuna kapharā Elihuwui naomayara Jerohamwui naomayarana.

1 SAMUEL 9:3

Chitharan Saulshāvā Kishwui gadhābing shimānhaowa. Chieina Kishna anaomayara Saulli hānga, “Rao akha thānphungda gadhābing chi phāvālu.”