1 SAMUEL 9:3 - Kathara Bible (BSI)

³ Chitharan Saulshāvā Kishwui gadhābing shimānhaowa. Chieina Kishna anaomayara Saulli hānga, “Rao akha thānphungda gadhābing chi phāvālu.”

1 SAMUEL 9:3 Iomraidhean Croise

WUNGVA̱-WUNGVĀ 10:4

Gadha ava̱va̱rip katonga awui naomayara thumrā leisai, kala ashiwui keinung thumrā Gilead ngaleili, Havvoth-jair hoda aja rāshungda lei.

WUNGVA̱-WUNGVĀ 5:10

Hungrisi gadhā katongbingli, khamathā chonham tungli kapambingli, phei eina kazatbingla, hāngmilu.

1 SAMUEL 10:14

Saul eina awui raoli avāgatona hānga, “Nani kali vākhala?” Chieina ana hānga, “Gadha phākhavāna; laga masamphangthuda, inina Samuelli angahāna.”

1 SAMUEL 10:2

Aja nana iwui eina thuida Benjamin ngaleiwui Zelzahli, Rachelwui chikhur ngalemli mi khani samphangra kala anina nali hāngra, nana phākhavā gadhābing chiya samphanghaida phāhaira, kala navāna nawui vang ning kharikta ‘Inaowui vang I khisausikhala’ da hāngra.

1 SAMUEL 9:2

Awui naomayara Saul hoda yarkhoka akha leisai. Israelwui alungli ali mayar mathākhamei khipākha maleisāmana; mibingli ana ayartui eina thuida juimeisera.

1 SAMUEL 9:20

Nawui gadhābing shimānda kathumthang kahai chiwui vang wukmakhanangalu, kaja chibing chi samphanghaira. Israelna kahaomeikap kaji chi khipakhala? Chi na eina navāwui shimkhur maningmala?”

1 SAMUEL 9:4

Kala anina Ephraimwui kaphungram kānvai kala Shalishah ngalei kanvādala phāvāya, kha masamphangthuwa. Anina Shaalim ngalei eina tangda phāvai, kha chilila maleisāthuwa. Chiwui thili anina Benjaminwui ngaleilila phāvāsera, kha masamphangthuwa.