1 SAMUEL 9:2 - Kathara Bible (BSI)

² Awui naomayara Saul hoda yarkhoka akha leisai. Israelwui alungli ali mayar mathākhamei khipākha maleisāmana; mibingli ana ayartui eina thuida juimeisera.

1 SAMUEL 9:2 Iomraidhean Croise

HAOKAPHOK 6:2

Varewui naomayara ngarāna miwui naongalāva̱ ngarāwui khamathā chi theilaga; athumna kapangkakhui chi khalattawui preiva̱ sāda ngakuma.

1 THOTRINCHĀN 8:33

Nerna Kishwui avāva̱na, Kishna Saulwui, Saulna Jonathan, Malchishua, Abinadab kala Eshbaalwui avāva̱na.

JEREMIAH 9:23

Prohona hithāda hānga: “Thangkhamana awui thangmeiwui vang malangsoaranu; kapingana awui pangshapwui vang malangsoaranu; kala kashāngana awui lanwui vang malangsoaranu.

MISHĀN 13:33

Kala apam chili Nephilnao, kaja Anakwui ara̱-azā kachungkha pamda lei; athumwui mangāli ithum khaoh kathāna, kala athumnala ithumli khaoh thāda theida leira.”

1 SAMUEL 10:21

Ana Benjamin shangli hokhuilaga shimkhur shimkhur eina kalā yangda Matri shimkhurli kapangkhui; naolak eina Matri shim mipha̱ eina kalā yangda Kishwui naomayara Saulli kapangkhuihaowa. Kha athumna ali kaphā chitharan a maleisāthuwa.

1 SAMUEL 16:7

Kha Prohona Samuelli hānga, “Azakli mayangalu, lah asho-areplila mayangalu; khikhalajila ali ina mamayāmana. Kaja miwui thāda Prohona azakli mayangmana; kha Prohova wuklungli khayangna.”

1 SAMUEL 17:4

Philistinewui ngachaili kapanga mi akha, Gathwui Goliath kaho, awui akho feet chiko laga pāngmayā parkha kajui mi akha zangsai.

1 SAMUEL 9:3

Chitharan Saulshāvā Kishwui gadhābing shimānhaowa. Chieina Kishna anaomayara Saulli hānga, “Rao akha thānphungda gadhābing chi phāvālu.”