12 Athumna, “Lei; yanglu, naniwui mangāchangli kāhaira, thākmeilu; aruichang keinung hili kharāna, kaja aja mibingna hanphutli pha̱phayā khavai lei.
Kala Jacobna phungrei chili pha̱kaphayā chigatta ashi shimkhurli phazāngaruma; athumna phazāngarumda ngayā pongda phungreitung chili pama.
Kala pāngmon Zadokli ngasoda achināngarā pāngmonbinglila Prohowui tabernacle pam chiya, Gibeonwui kajuiya pamli haihaowa,
Chiwui thili nana Gibeath-elohimli, Philistine raimi khalei pamli ungshungra; kala nana chiwui keinung chili ungkazang eina marān kachungkha kajuipamwui eina harp, tambourine, sipa, lyre singda shokki kaji tui hāngmikasā vātheira.
Chieina Samuelna hānga, “Ina kathāda vārakhala? Kalikhada Saulna hi shaakha, ana ili sāthathaora.” Chieina Prohona hānga, “Seilānao akha khuiphunglu, kala ‘Proholi apha̱phayāra’ jilu.
Kala iwui ningli ningkachāng saki kaje ningtongda shitkasanga pāngmon akha ina shokngasakra; kala ina ali makhangachei shimkhur sakāmira, kala iwui thao eina neomi kahai chiwui mangāli ana kashok-kazang yangmichingra.
Kalikhada navāna ili phaakha ‘Davidna aram keinung Bethlehemli ungkhavai ili saklak eina pohaowa; kaja shimkhur saikorawui kumkumwui pha̱kaphayā leihaowa’ da hāngmilu.
Chiwui thili ana Ramahli unghaowa, kaja awui shim chili lei; kala chilila Israelli mashun eina nganaomi. Apam chili ana Prohowui hanphut akha sakai.