1 SAMUEL 8:7 - Kathara Bible (BSI)

⁷ Kala Prohona Samuelli hānga, “Athumwui kahahāng chi ya jihaolu; kaja athumna nali makhuikasang maningmana, ili makhuikasangna.

1 SAMUEL 8:7 Iomraidhean Croise

SHONGZĀ 16:8

Kala Mosesna hānga, “Nathumli ngazin sā mikashai, ngathor zāt thoting eina mikazā tharan hi Prohona kaji nathumna theira, kaja ali kharopta khamatui Prohona shāhaira—ini khida? Nathumwui kharopta khamatui chi inili maningmana, kha Proholina.”

ISAIAH 66:4

Inala athumwui vang khanang khavai phākhuira, kala athumwui khangachee athumwuitungli rāngasakra; khikhalajila ina kaho tharan, khipākha mangahuimana, ina khamatui tharan, athumna manganāsangmana; kha iwui maiyanli makhayā otmāng sai, kala ina maningkachāng ot chi athumna kapangkhui,”

JEREMIAH 34:14

‘Kum tharuk kākapei tharan, nathum kachivana nathumli yorsangda otram ngatha̱mi kahai nachinā Hebrewnaobingli ningkakhān miphalungra; otram ngatha̱khamiwui eina ningkakhān miphalungra.’ Kha navāngarāna ili manganāsangmana, kala manāshungmana.

EZEKIEL 2:3

Kala ana ili hānga, “Miwui naomayara, ina nali ili ngakaikashia miyur Israel mibingli chihovāra, athum kala avāva̱ ngarāna aja eina tangda ngakaishida lei.

EZEKIEL 3:7

Kha Israelwui shimkhurna nali manganāsangmara, kaja athumna iwui tui manganāngaimana. Khikhalajila Israelwui shimkhur saikora mai kashāmāng kala wuklung khamakangmānga.

MISHĀN 22:20

Kala Varena ngayāshong rāda Balaamli hānga, “Mibing china nali rākahona jiakha ngakarthuida athumli ngasoda zatlu; kha ina kahāng chimāng nana sāki kajina.”

MATTHEW 10:40

“Nathumli zang khangasaka china ilila zang ngasaka, kala ili zangkhangasaka a china ili kashirāta ali zangngasaka.

LUKE 10:16

“Nathumli khanganā mi chi ili khanganāna, kala nathumli makhamayā chi ili makhamayāna, ili makhamayā chi ili kashirātali makhamayāna,” da Jishuna sākhangatha̱bingli hānga.

LUKE 19:14

Kha aramnaobingna ali yangkharinghaoda a zatthui kahaiwui thili, ‘Ithumwuitungli mipā hina khamung maningchāngmana’ da ahāng khavai minganin chihovai.

LUKE 19:27

Athumwuitungli ili mamung ngasak khangaia yangkashebing chiva hili khuirāda iwui miktāli shaothathaolu.’”

JOHN 13:16

Kachangkhat eina ina nathumli kahāngna, raona akhavāli mahakmeimana, paophungmena kashivātali mahakmeimana.

WUNGVA̱-WUNGVĀ 8:23

Gideonna athumli hānga, “Ina nathumli mamungmara, inaonala mamungmara, kha Prohona nathumwuitungli mungra.”

1 SAMUEL 10:19

Kha, kakhanang kachotwui eina, sipkasāwui eina huikhame nathumwui Vareli ara mamayāla, ‘Ngga! ithumwuitungli awunga sangmilu’ da hānga. Chiwui vang eina ara nathum shang-shang kala thingthing eina kaziplaga Prohowui mangāli nathum khalatta rālu.”

1 SAMUEL 12:1

Kala Samuelna Israel saikorali hānga, “Yanglu, ina nathumwui kahāng saikora khuisangda nathumwuitungli awunga akha phāsangmihaira.

1 SAMUEL 12:12

Kala Ammonnaobingwui awunga Nahashna nathumli rakhangarar tharan, nathumwui Proho Varena nathumwui awunga sāda leilakha, ‘Ngga, kha ithumwuitungli mungkhavai awunga akha sangmilu’ da nathumna ili hānga.

1 SAMUEL 8:22

Kala Prohona Samuelli hānga, “Athumwui kahāng chi ya jihaolu, kala awunga akha sangmihaolu.” Chieina Samuelna Israelwui mibingli “Kachicha ramli ungserhaolu” da hānga.

1 SAMUEL 8:8

Athumna ili kasāsā khavāvā saikorawui athishurda, ina athumli Egyptwui eina thānshokthang eina thuida aja rāshungda, ili horhailaga khangatei varebingli otram khangatha̱ chithāda, nalila athumna chithāda sāda lei.