1 SAMUEL 8:6 - Kathara Bible (BSI)

⁶ Kha, “Ithumli mungkhavai awunga akha phasang milu” kaji kashā eina, Samuel maringphāthuwa. Chieina Samuelna Proholi seihā sai.

1 SAMUEL 8:6 Iomraidhean Croise

LAA 109:4

Ina leishida seihala sākhamiwui vang, athumna ili phentha̱ya.

SHONGZĀ 32:21

Kala Mosesna Aaronli, “Mibing hina nali khi sāhaoda nana athumwuitungli hiyakha hakkhamahā morei phungsangmikhala?” da hānga.

SHONGZĀ 32:32

Kha ara, nana mayāmiakha athumwui morei pheomilu—chi maningakha nawui lairikli kapi kahai iwui ming chi khuishokmihaolu da ina nali seihā sāda poli.”

HOSEA 13:10

Nali huimi khavai nawui awunga kali lei; nali ngākmi khavai nathumwui wungnaobing kali lei; “Ili awunga kala wungnaobing milu” da nathumna pokakhuiabing chi?

MISHĀN 16:15

Chieina Moses malungvātlakhaowa, kala Proholi hānga, “Athumwui kachigat makhuimialu, athumwui eina ina gadhānao akhala makhuiranga, kala athum akhalila khangui masāranga.”

MISHĀN 16:22

Anina mai mashunzangda hānga, “O Vare, manglākapai saikorawui Vare, mi akhana morei kasāwui vang yarui ashangva̱li malungvātrala?”

MISHĀN 16:46

Kala Mosesna Aaronli hānga, “Nawui thaokhong khuida hanphutwui eina mei shārkākhuilu, kala nganamkaphā thao sanglaga yarui ashangva̱wui alungli thāklāk eina khuivālu, kala athumwui vang pheomiranu; kaja Prohowui eina malungkhavāt chishothaida kazātkashi haophokhaira.”

PHILIPPINAO 4:6

Khiotkhawui vang malungmaringalu, kha ningkashi eina ngasoda nathumna khavavāt chiwui vang Vareli seihā sāda polu.

JAMES 1:5

Kha nathumwui ngachaili kachikathā theithangkhamei vatta leiakha, kakharar maleila mingairareo eina mi saikorali khame Vareli seihā sāranu. Chieina ana mira.

1 SAMUEL 10:19

Kha, kakhanang kachotwui eina, sipkasāwui eina huikhame nathumwui Vareli ara mamayāla, ‘Ngga! ithumwuitungli awunga sangmilu’ da hānga. Chiwui vang eina ara nathum shang-shang kala thingthing eina kaziplaga Prohowui mangāli nathum khalatta rālu.”

1 SAMUEL 12:12

Kala Ammonnaobingwui awunga Nahashna nathumli rakhangarar tharan, nathumwui Proho Varena nathumwui awunga sāda leilakha, ‘Ngga, kha ithumwuitungli mungkhavai awunga akha sangmilu’ da nathumna ili hānga.

1 SAMUEL 12:17

Aruihon māhāt maningmala? Ina Proholi polaga kazing ngashumda kazing rongasakakha, nathum khalattana awunga pokakhui hi Prohowui mangāli makhayā ot kahakva̱ sāhaira da theikhuira.”

1 SAMUEL 12:19

Kala mi saikorana Samuelli hānga, “Naraobingwui vang nawui Proho Vareli seihā sāmilu, chithāda ithum mathimara; kaja ithum khalattawui vang awunga akha kapo hiwui makaphā hi ithumwui moreitungli morei ngarorda sāhaira.”

1 SAMUEL 12:23

Chili lāngda, nathumwui vang pokhami thahaida Proholi morei sāra kaji hi iwui eina katāvali leiranu, ina nathumli khamashung kala kaphā shongfa chi tamchitheira.

1 SAMUEL 15:11

“Ina Saulli awunga sākhangasak hiwui vang I wukkhananghaira; kaja ana iwui thi mashurla ngareithuihaira, kala iwui ningkhamibing mamayonmana.” Chieina Samuel malungvāthaida ana Proholi ngayā seihā sāthai.

1 SAMUEL 7:5

Chiwui thili Samuelna, “Nathum saikora Mizpahli rākaziplu, kala nathumwui vang Proholi ina seihā sāmira” da hānga.