1 SAMUEL 8:3 - Kathara Bible (BSI)

³ Chithālala anina avāva̱wui kasā thāda masāmana, kha aniwui kānnā khavai khaleishong ngareithuihaowa; kaja anina pheisā zālaga bichar mashun ngui ngasakhaowa.

1 SAMUEL 8:3 Iomraidhean Croise

2 SAMUEL 15:4

Chili lāngda Absalomna hānga, “Iyavo, I ngalei hiwui bicharsame sasi kaje chong! Tui kashok kala bichar saikorali ina mashungrik eina bichar sāmira,” da hānga.

LAA 15:5

pheisā tarkhui khavai makachishuta, kala khayon makhaleiya mibingwui eina pheiza makazā, mi china sompamra. Hikathā kasā mibing chi mangatha̱lakmara.

LAA 26:10

pāngli makaphā ara khangarānabing, yāpang pheisā kazā otna pemtingkahai athumli ngasoda.

SHONGZĀ 18:21

Kala nana mibingwui ngachaili sāshapa, Vareli khangachee mibing, shitsang kapaibing, kala pheizā kazāli ningkakachaibing, thing-thingwui, shāshāwui, hangphangā-ngāwui kala tharā-rāwui akhavā sākhavai kapangkhuilu.

SHONGZĀ 23:6

“Nathum kachāma miwui mashun mamatuikhayeipaimara.

SHONGZĀ 23:8

Pheizā makhuipaimara, kaja pheizāna akhavābingli mik ngapeo ngasaka, kala khamashungali yonngasaka.”

HĀSHOKME 2:19

kala khipāna theira, a chi thangmeinika, mangmanikhala? Chithālala okathuili iwui thangkhamei shichinda ngalangzār kahai saikorawui akhavā ana thuisāhaora. Hila aremana.

ISAIAH 1:23

Nathumwui wungnaobing ngakaikashe kala khalebingwui ngasotnaona. Mi kachiva̱na pheizā ningchānga, kala khalem eina khamili kharomzata. Avāva̱ makhaleibingli manganingmimana, kala ra̱meiva̱wui kasakli mayangsangmimana.

ISAIAH 33:15

Kateikazāli yangkakharingbing, Pheizā-kazāli pāng mathara̱kasangbing, ashee kashok otli manganākasangbing, makaphā otli mayang kasangbing china khamashung eina zata, khangarong tui matui,

MICAH 3:11

Chiwui akhavābingna pheizāwui vang bichar sai, pāngmonbingna aman khuida tamchithei, marānbingna pheisāwui vang phonga; chithālala athumna Proholi chihānda hānga, “Proho ithumwui ngachaili maleimala? Ithumwuitungli makaphā marāmara.”

KHALATLUI 16:19

Mashun nathumna mangui ngasakpaimana; nathum mijang masāpaimana, pheizā mazāpaimana, kaja pheizā kazāna thangkhameiwui mik ngapeo ngasakta khangarongli yonngasaka.

1 TIMOTHY 3:3

Kala makhamaripa, masākashe, malungkhanima, makhararkazāra, kala lupāli maleikashe mi ngasāphalungra.

1 TIMOTHY 6:10

Lupāli leikashi hi makaphā saikorawui angayungna. Mi kaikhana ningchangnā kahaiwui vang shitkasangwui eina katāva̱li thuihaoda wukakhanang sikafa kachungkha samphanga.

1 SAMUEL 12:2

Ara yanglu, awungana nathumli thānda lei; Iva sarhaida kuila ngapokhaira, kala yanglu, inaomayara khanila nathumli ngasoli; kala ina nganuilakha eina thuida aja rāshungda nathumli thānrāhaira.

1 SAMUEL 2:35

Kala iwui ningli ningkachāng saki kaje ningtongda shitkasanga pāngmon akha ina shokngasakra; kala ina ali makhangachei shimkhur sakāmira, kala iwui thao eina neomi kahai chiwui mangāli ana kashok-kazang yangmichingra.