1 SAMUEL 8:11 - Kathara Bible (BSI)

¹¹ Ana hānga, “Nathumwuitungli khamunga awunga china hithāda sāra: ana nanaomayarabingli khuira kala awui siguigari kala sigui katonga raimi sāngasakra, kala kaikhali awui siguigari mangāli zatngasakra;

1 SAMUEL 8:11 Iomraidhean Croise

2 SAMUEL 15:1

Chiwui thili Absalomna akhalattawui siguigari akha kala siguibingla khuida awui mangāli raimi hangphangāli thānzat ngasaka.

1 WUNGNAOBING 1:5

Haggithna kapharā Adonijahna akhalatta masot chigatta “Ina awunga sāra” da hānga; kala akhalattawui vang siguigari kasinga mi ngarānda awui mangāli mi hangphangāli ngasamzat ngasaka.

1 WUNGNAOBING 10:26

Solomonna siguigari kala sigui raimi kazipkhuida siguigari thingkha shāmati, sigui raimi thingtharāda khani khalei chi, siguigari keinungbingli, kala awungali ngasoda Jerusalemli haihai.

1 WUNGNAOBING 12:10

Ali rarkākharuma awui ngasotnaobing china hānga: “‘Navāna ithumli kharita ot chiphuna, kha ara nana ithumwui vang ngaveng ngasak milu’ da kahāngbing chili hithāda hānglu, ‘Ishāvāwui kashānli iwui ngangpairi reimei!

1 WUNGNAOBING 12:4

“Navāna ithumli kharita ot chiphuna; chiwui vang ara navāwui kharita otphun kala kashai chi ngaveng ngasakakha ithum nali otram ngatha̱mipapamra” da athumna hānga.

1 WUNGNAOBING 14:27

chiwui mahut pithrai eina sākhuilaga awunga Rehoboamwui kakaso thishurda awunga shim khāmong khamayona otvabingwui pāngli horsangmi.

1 WUNGNAOBING 18:46

Prohowui pāngna Elijahli ngasomida, awui shānneira̱ neikhuilaga Jezreel ungshungnanai Ahabli ungngaphankhui.

1 SAMUEL 10:25

Chiwui thili Samuelna awungawui mashun kala awunga akhawui sarān-varān chi mibingli hāngmi; kala chi ana lairikli kapikhuida Prohowui mangāli hai. Kala mi saikorali kachichāshi shimli shiunserhaowa.

1 SAMUEL 14:52

Saulna ringda leilakha eina tangda, ana Philistinenaobingli rai sakchanglak eina ngararchinga; kala Saulna kachikathā kapanga lah khamarāka mi theiakha, a zazangda ngararar jiya.

1 SAMUEL 22:7

Kala Saulna ali kuimareida khanganinga awui raobingli hānga, “Benjaminnaobing, nganālu, Jessewui naona nathum kachiva̱li lui kala drakhā yāmgui mirala kala nathum saikorali thingthingwui, kala shāshāwui otva̱bing sāngasakrala?

1 SAMUEL 8:9

Chieina ara athumwui kahāng chi nganāhaolu; kala athumli mungki kaje awungana sāki kaji apongbing chi athumli hāngchitheilu.”