1 SAMUEL 7:9 - Kathara Bible (BSI)

⁹ Chieina Samuelna ana̱ khamanga yaonao akha khuilaga Proholi tongda rikkatāchigat chigata; kala Samuelna Israelwui vang Proholi ngakaomi, kala Prohona ngahānkāmi.

1 SAMUEL 7:9 Iomraidhean Croise

LAA 50:15

kala kakhanang atamli ili ngakaolu; Ina nathumli kanshokmira, nathumna ili tekmatei ngasakra.”

LAA 99:6

Moses eina Aaron awui pāngmonbingli zangsai, Samuella awui mingli khangakaoli zangsai. Athumna Proholi ngakaowa, kala ana athumli ngahānkāmi.

JEREMIAH 15:1

Chiwui thili Prohona ili hānga, “Moses eina Samuelna iwui mangāli nganinglala, iwui wuklung mibing hili mangareiungluimara. Iwui maiyan eina kashamhaolu, kala athumli thui ngasakhaolu.

PĀNGMONSHI 22:27

“Sei nilala, yao nilala, me nilala, anao kapharā tharan, anao chi ava̱li shinithang pamrumra kala kachishatathang eina thuida Prohowui vang rikkatāwui kachigatli khuisangpai.

KHALATLUI 9:26

Kala ina Proholi seihā sai, ‘O Proho VARE, nawui mi sākhavai, nawui pangshap eina ngatangkhui kahaiya, Egyptwui eina nawui pāngthei kharei eina thānshok kahai nawui shimlui samphangki kaji mibing hili masāshimānmihaialu.

JAMES 5:16

Chiwui vang eina kakazā raikhavai, akha eina akha morei hangphat ngaroklu, kala akhana akhawui vang seihā sāmilu. Khamashunga miwui seihā kasā ungshunglaka.

WUNGVA̱-WUNGVĀ 6:26

kala nawui Vare Prohowui vang ngalei kajuitungli hanphut akha sakālu, kala ngalung akhawuitungli ngalung akha khorlaga mukkā chi rikkatā kachigat sāda pha̱lu; laga nana ta̱tekki kaji Asherah tarung chi eina thing sālu.”

WUNGVA̱-WUNGVĀ 6:28

Keinungwui mibing ngathorthakva̱ kathui tharan, yanglu, Baalwui hanphut sākhaihairasai, Asherah tarungla ta̱tekmihairasai; kala mukkā kakhane chi kadhara sākahai hanphutli pha̱hairasai.

1 SAMUEL 10:8

Kala nana ili rida Gilgalli tāra, kala yanglu, rikkatā kachigat kala ningyatchigat pha̱phayā khavai ina nali chili tāngarokra. Kala nana saki kaji chi tāhāng khavai ina matāranglakha na shinithang ngaraisālu.”

1 SAMUEL 12:17

Aruihon māhāt maningmala? Ina Proholi polaga kazing ngashumda kazing rongasakakha, nathum khalattana awunga pokakhui hi Prohowui mangāli makhayā ot kahakva̱ sāhaira da theikhuira.”

1 SAMUEL 16:2

Chieina Samuelna hānga, “Ina kathāda vārakhala? Kalikhada Saulna hi shaakha, ana ili sāthathaora.” Chieina Prohona hānga, “Seilānao akha khuiphunglu, kala ‘Proholi apha̱phayāra’ jilu.

1 SAMUEL 2:35

Kala iwui ningli ningkachāng saki kaje ningtongda shitkasanga pāngmon akha ina shokngasakra; kala ina ali makhangachei shimkhur sakāmira, kala iwui thao eina neomi kahai chiwui mangāli ana kashok-kazang yangmichingra.

1 SAMUEL 7:17

Chiwui thili ana Ramahli unghaowa, kaja awui shim chili lei; kala chilila Israelli mashun eina nganaomi. Apam chili ana Prohowui hanphut akha sakai.

1 SAMUEL 9:12

Athumna, “Lei; yanglu, naniwui mangāchangli kāhaira, thākmeilu; aruichang keinung hili kharāna, kaja aja mibingna hanphutli pha̱phayā khavai lei.