1 SAMUEL 7:3 - Kathara Bible (BSI)

³ Chieina Samuelna Israelwui shimkhur saikorali hānga, “Kalikhada nathumna Proholi nathumwui ningyang tongda hanungda leiakha, yur khangateiwui varebing kala Ashtaroth, nathumwui alungli khalei chi horhaolu, kala Proholi nathumwui ning ngareiunglu, kala amāngli otram ngatha̱akha, ana nathumli Philistinenaobingwui pāng eina ngatangkhuimira.”

1 SAMUEL 7:3 Iomraidhean Croise

HAOKAPHOK 35:2

Chiwui vang Jacobna awui shimkhur kala ali khangasobing saikorali hānga, “Nathumwui alungli khalei ayar mibingwui varebing horserhaolu, kala nathum khalatta tharmathengda kashankachon shinhaolu;

1 WUNGNAOBING 11:33

khikhalajila ana ili horhaida, Sidonwui varebing Ashtorethli, Moabwui vare Chemoshli, kala Ammonwui kameo Milcomli khorumhaowa, kala iwui kahāng manganāmana; kala avāva̱ Davidna kasā thāda iwui shiyan-chikan kala ain mamayonla, iwui mikyanli khamashung chi masāmana kala iwui ningkhami mamayonmana.

1 WUNGNAOBING 8:48

apam chili leilakha athumna ningyāng tongtingda hāngphatakha, kala nana athumwui avāva̱ ngarāli mikahai ramli nana kapangkhui kahai keinung ina namingwui vang sakā kahai shim hili ngareiungda nali seihā saakha;

2 WUNGNAOBING 17:39

kha Proho nathumwui Vareli ngacheelu; kala yangkashibingwui eina ana nathumli kanmira.”

2 WUNGNAOBING 23:15

Chili lāngda Bethelwui hanphut Nebatwui nao Jeroboamna kajujui apambing sakakā, mibingli morei sākhangasak chibingla ana ngakhuntekta lungguibing chila akha̱ sāda shaokachuplaga chifa sāmi kala Asherah chila meili riktāmihaowa.

1 THOTRINCHĀN 22:19

Ara, nathumwui ningla, wuklungla zangda nathumwui Proho Vareli phālu. Ngakarthuida Proho Varewui kathar shim chi sakālu, chithāda sāda Prohowui tuingashit oko kala Varewui kathara khorkhongla Proho mingwui vang sakakā shim chili khuizangpaira.”

1 THOTRINCHĀN 28:9

“Inaomayara Solomon, navāwui Vare chili theilu, kala ningtongda kala sangairereo ningtongda otram ngatha̱lu, kaja Prohona wuklung saikora theisera, kala kaphaning khangarān kachiva̱ theishapa. Nana ali phaakha, nana ali samphangra; kha nana malaihaiakha katang mavaila katāvali horhaora.

2 THOTRINCHĀN 19:3

Chithālala nawuili kaphā leidalei, kaja nana Asherahbing chi sākhayāngmiserhaida nawui wuklungna Vareli phai.”

2 THOTRINCHĀN 20:33

Kha mibingna, awova̱ ngarāwui Vareli ning horsangchao makajiwui vang, kajujuiwui kameopam masākhayāngmihaithuwa.

2 THOTRINCHĀN 30:19

kathara shimwui ain athishurda mangaranglala avāva̱ ngarāwui Proho Vareli kaphā mi kachiva̱li pheomiranu.”

CHĀNSAM 16:1

Ning eina khangaran kasā hi miwuina, kha male eina ngahānkakā Prohowui einana.

ISAIAH 55:7

makhayā mina awui shongfa horhaida, kala makhamashunga mina awui kaphaning horhailaga; ana lumashanmipai khavai ithumwui Proho Vareli latungranu, kaja ana mavātlakla pheomira.

JEREMIAH 24:7

I Prohona da theikhui khavai athumli ning sangmira, kala athumna iwui mibing ngasāra kala ina athumwui Vare sāra kaja athumna ningtongda ili hanungra.

JEREMIAH 36:3

Ka̱lākashi rākhavai ina ngarān kahai hi Judahwui shimkhurna shālaga ning ngateida makaphāwui eina latunglapai; chithakha athum ava̱va̱na latungda inala athumwui khayon kala morei pheomi paira.”

JEREMIAH 4:1

“Nana latungakha, O Israel, da Prohona hānga, na ili latungphalungra. Nawui ningkakachai otsak hupta iwui mangāwui eina horserhaida ning mayaoyaakha

EZEKIEL 14:6

“Chiwui vang Israelwui shimkhurli hānglu, Prohona hithāda hānga: Ning ngateilu kala nathumwui meoma̱wui eina ngareithuihaolu kala ningkakachai saikorawui eina mai ngareithuilu.

EZEKIEL 18:31

Ili makhamayā kasā nathumna khayonkhamāng sākahahai saikora chi chihoserhaolu; kala nathum ning kala manglā kadhar sangkhuilu. Khiwui vang nathum thikida, O Israelwui shimkhur!

HOSEA 14:1

Latunglu, O Israel, Nawui Proho Vareli, kaja nawui khayonkhamāngwui vang na kongluihaira,

MATTHEW 15:8

‘Mibing hina morchai eina ili khayāshiya, kha athumwui wuklung iwui eina katāva̱li lei;

MATTHEW 4:10

Chieina Jishuna ali hānga, “Thulu, Satan! Kaja hithada kapihaida lei, ‘Nana Proho nawui Vareli khorumphalungra, kala amāngli otram ngatha̱ki kajina.’”

MATTHEW 6:24

“Khipānakha akhavā khaniwui otram mangatha̱rarmana; kaja ana akhapāli yangkharinglaga akhapāli leishira, lah akhali mashitlaklaga akhapāli ningkachaira, nathumna Vare eina lanli otram mangatha̱rumpaimana.

LUKE 4:8

Chieina Jishuna ngahānkai, “Hithada kapihaida lei, ‘Nana Proho nawui Varemāngli khorumra, kala amāngli otram ngatha̱ra.’”

JOHN 4:24

Vare hiya Manglāna, chieina ali khokharumbingna manglā kala khamashung eina khorumphalungra.”

KHALATLUI 10:20

Proho nathumwui Vareli ngacheelu; nathum ali ngavapta otram ngatha̱lu, kala awui mingli mingzailu.

KHALATLUI 13:4

Nathum Proho nawui Varewui thi shurda ali ngacheelu kala awui ningkhami mayonda awui kahāng nganālu kala ali ngavapta otram ngatha̱lu.

KHALATLUI 4:29

Kha chiwui eina nathumna Proho nathumwui Vareli wuklung kala ning tongtingda ali phāluiakha, nathumna ali samphangra.

KHALATLUI 6:13

Nathum Proho nathumwui Vareli ngacheelu; ali otram ngatha̱lu; kala awui mingmāngli mingzailu.

JOSHUA 13:31

kala Gilead tangkhai, kala Ashtaroth, kala Edre-i, Bashanli khalei Ogwui wungram; hibing hi Manassehwui naomayara Machirwui ara̱-azā tangkhaili ngayarkhamina.

JOSHUA 24:14

“Chiwui vang eina ara Proholi ngacheelu, ning tharda, kala ning katong eina ali otram ngatha̱lu; navāngarāna Kong makānda pamlakha kala Egyptli leilakha khokharum varebing chi horhaolu, kala Proholi otram ngatha̱lu.

JOSHUA 24:23

Ana hānga, “Chithakha nathumwui alungli khalei ayarwui varebing chi horhaolu, kala nathumwui wuklung Israelwui Proho Vareli ngareiunglu.”

WUNGVA̱-WUNGVĀ 10:16

Kala athumna yurbingwui varebing horserhaida Proholi otram ngatha̱luishita; kala Israelwui kakhanang chi ana theilaga makhāngrarthuwa.

WUNGVA̱-WUNGVĀ 10:6

Kala Israelwui mibingna Prohowui mangāli makhayā otmāng saluishitta Baal eina Ashtaroth, Syria, Sidon, Moab, Ammon, kala Philistinewui varebingli otram ngatha̱thuihaida Proholi horhaowa, ali otram mangatha̱thuwa.

WUNGVA̱-WUNGVĀ 2:11

Kala Israelwui mibingna Baalli khorumda Prohowui mangāli makhayā otmāng sai.

WUNGVA̱-WUNGVĀ 2:13

Athumna Proholi horhaowa, kala Baal eina Ashtarothli otram ngatha̱ya.

1 SAMUEL 31:10

Awui raisāri Ashtarothwui khorumshimli haihai; kha athumna awui phasā Beth-shanwui ngaveili hokthanghai.