1 SAMUEL 7:12 - Kathara Bible (BSI)

¹² Chiwui thili Samuelna ngalung akha khuida Mizpah eina Jeshanahwui ngachaili shuna, kala chiwui aming Ebenezer phokmi; kaja “Hi eina tangda Prohona ithumli ngachonmi” kajina.

1 SAMUEL 7:12 Iomraidhean Croise

HAOKAPHOK 22:14

Chieina Abrahamna apam chili Prohona ngarānmira da hoi; aja eina tangda “Prohowui phungreili ngarānmira” da hānga.

HAOKAPHOK 35:14

Chān ngazek khavai pam chili Jacobna ngalung akha shunhaida ngalungtung chili ra̱shakla thaola heirora.

LAA 71:17

O Varivara, nganuilakhawui eina thuida nana ili tamchitheimihaira, kala ina arui eina tangda nawui matakhak kahai otsak vaochingda lei.

LAA 71:6

Kapharā eina thuida ina nali shaipama; ishāva̱wui naopam eina ili khuikhami chi nana. Ina masot mishon kaji chi nawui ponglina.

SHONGZĀ 17:15

Mosesna hanphut akha sākhui kala chiwui aming, Proho iwui philānna da phokmida,

ISAIAH 19:19

Chithanghon Egypt ngaleiwui alungthungli Prohowui hanphut akha, chiwui ayarli Prohowui kathara pākra̱ akha leisāra.

OTSAK 26:22

Kha aja rāshungda ina Varewui khangachon samphanga. Chieina ina hili nganingda kharei kateo makhaila shākhi hi khamina. Marānbing eina Mosesna shokrada hāngkahai chili henda ina khikha mahāngmana.

2 CORINTHNAO 1:10

Chiyakha ka̱lākashiwui eina ana kanshokmi, ana kanmiluira kala ana kanmichingra kaji ithumna chihāntitta lei.

JOSHUA 4:9

Kala pāngmonbingna tuingashit oko chi ngava̱laga khanganing Jordan alungthung chili Joshuana ngalung tharāda khani shoma; kala chi aja eina tangda lei.

1 SAMUEL 14:35

Kala Saulna Proho wui vang hanphut akha sākhui; ana Proho wui vang hanphut kasā china kharena.

1 SAMUEL 4:1

Kala Samuelwui tui Israel saikorali vāshunga. Chitharan Israelna Philistinenaobingli rai ngarar khavai, athumna Ebenezerli rairum vasai, kala Philistinenaobingna Aphekli rairum sai.

1 SAMUEL 5:1

Philistinenaobingna Varewui oko ngapaikhuida athumna Ebenezerwui eina Ashdodli khuivai;

1 SAMUEL 7:11

Chieina Israelwui mibingna Mizpahwui eina Philistinenaobingli Beth-car eina tangda kharomvai, kala athum kachungkhali sāthata.