1 SAMUEL 6:4 - Kathara Bible (BSI)

⁴ “Khayonchigat ithumna ali hanmiki kaji chiya khikhala?” da athumna ngahāna. “Philistine wungnao mashing athishurda, sinā eina sākakhui moksāzak phangā, kala sinā eina shiok azak phangā sākhuilu; kaja ngaraikachā kazātkashi chi nathumwuitunglila kala nathumwui wungnaobingwuitunglila razaserra;

1 SAMUEL 6:4 Iomraidhean Croise

SHONGZĀ 12:35

Mosesna kakaso athishurda athumna sāhairasai; kaja Egyptnaobingwui eina lupāsā kala sināwui chara̱-chāsān kala kashankachon kathā pokhuiserhairasai;

JOSHUA 13:3

(Egyptwui zingshoshong khalei, Shihor eina thuida atungshong Ekron thari shangshungda, Canaanbing da katheiyur. Ngalei chi Philistine wungnao phangā kaja Gaza, Ashdod, Ashkelon, Gath kala Ekron hibingwui), azingshong Avvimwui ram saikora,

WUNGVA̱-WUNGVĀ 14:19

Kala Prohowui manglāna awuitungli pangshap eina ngasomida, Samsonna Ashkelonli tai kala keinung chiwui mi thumra shaothatlaga athumwui kashankachon chi pakhon chiwui kakhalat hāngkhamebing chili mihaowa. Kala malungvātnāhaida avāva̱wui shimli unghaowa.

WUNGVA̱-WUNGVĀ 3:3

Yurbing chiya: Philistinewui wungnao phangā, kala Canaanaobing saikora, kala Sidonbing, kala Baal-hermon Kaphung eina thuilaga Hamath zangkhavai vāshungda Lebanon Kaphungli khalei Hivnaobing hina.

1 SAMUEL 5:12

Varewui tandi saklak eina rāhaoda, mathila kharingbingna moksā shokserhaowa, kala keinung chiwui ringkhangā kazingram kāshunghaowa.

1 SAMUEL 5:6

Prohowui pāng Ashdod mibingwuitungli saklak eina tāngasaka; Ashdod kala chiwui luingnaili khalei mibingli Prohona khangachee-khangachā kala moksā kazāt zakshilāk eina rāngasaka.

1 SAMUEL 5:9

Kha athumna chili khuikhavā eina keinung chilila, Prohona tandi mida khararnaosan mateila keinung chili moksā shokserhaoda khangacheena nganukyikhaowa.

1 SAMUEL 6:5

kaja nathumli kakazā moksā ama̱, kala kashakazā shimān khangasaka shiok da sākhuilaga Israelwui Vareli tekmatei ngasaklu; chithākha nathumwuitungli, nathumwui varebingwuitunglila, nathumwui ngaleilila ana yangmilapai.

1 SAMUEL 6:8

Kala Prohowui oko chi seigari tungli sanglaga chiwui ayārli oko akhali sināwui ama̱bing chi sang jilu; chi khayon chigat nathumna kachiphunna. Chiwui thili chihohailaga awui apong thuihaoranu.