1 SAMUEL 6:3 - Kathara Bible (BSI)

³ “Israelwui Varewui oko chi hanmihaoga jiakha khamasai eina mashiunalu, kha ali khayonchigat eina ngasoda shiunlu. Chithākha nathumwui kazāt raihaora; kala khiwui vang nathumwui eina awui pāng makhalankathuikhala kaji nathumna theira” da ngahānkai.

1 SAMUEL 6:3 Iomraidhean Croise

JOBWUI LAIRIK 10:2

Ili khayon mamialu, da Vareli hāngra; ili nana khiwui vang khangarukkhala chitheimilu.

SHONGZĀ 23:15

Ina hāngkahai thāda khawok makazang khamui phanit sāra; hāngkahai thāda Abib kachāngwui atamli shinithang khawok makazang khamui shaira, kaja chiwui atamli nathumna Egyptwui eina shoka. Khipakha iwui mangāli pāng khamasai eina marāpaimara.

SHONGZĀ 34:20

gadhānao pharākhare chi yaonao eina ngatangkhuira; kalikhada nana mangatangkhuingaiakha anao chi akahung shireishatmihaolu. Nathumwui naochizai saikora ngatangkhuiphalungra. “Kala iwui mangāli khipākha khamasai eina marāpaimana.”

SHONGZĀ 8:15

Kha vikasang kathei eina Pharaohwui wuklung mararluishithaowa, kala Prohowui kahāng athishurda aniwui tui makhuithuwa.

PĀNGMONSHI 5:6

Kala Prohowui mangāli awui sayon kahai chiwui vang suihamchigat sākhavai yaoshangwui eina yao nilala, me maningakha yaonao alānao akha khuirāra, chieina pāngmon china awui moreiwui vang pheomi khavai sāra.

PĀNGMONSHI 6:6

Kala ana pāngmonli suihamchigatwui vang Proholi achuk kapei yaoshangwui eina yaovā akha khuirāra, suihamchigatwui aman khangachā chi nana ngachākkhuira.

KHALATLUI 16:16

“Proho nathumwui Varena kapangkhuiki kaji apam chili nathum mayarnaobing hupta, kumkhali kathumshida: khawok makazang khamui phanit, haptātāwui phanit, kala chumpha̱li vāphalungra. Athumna Prohowui mangāli khamasai eina mavāpaimara;

1 SAMUEL 5:11

Chiwui vang eina, Philistinewui wungnao saikorali hokhuilaga, “Israelwui Varewui oko chi chihounghaolu, kala awui pamli unghaoranu, chieina china ithum kala ithumwui mibingli masāthatmara.” da hānga. Kaja keinung katonga khangacheena nganukyikhaowa.

1 SAMUEL 5:7

Kala Ashdodwui mibingna kashoshok chi theilaga, “Israel Varewui oko hi hili mahaiphalungmara; kaja awui tandi hi ithum kala ithumwui vare Dagonwuitungli saklak eina tāngasakhaira.” da athumna hānga.

1 SAMUEL 5:9

Kha athumna chili khuikhavā eina keinung chilila, Prohona tandi mida khararnaosan mateila keinung chili moksā shokserhaoda khangacheena nganukyikhaowa.

1 SAMUEL 6:8

Kala Prohowui oko chi seigari tungli sanglaga chiwui ayārli oko akhali sināwui ama̱bing chi sang jilu; chi khayon chigat nathumna kachiphunna. Chiwui thili chihohailaga awui apong thuihaoranu.

1 SAMUEL 6:9

Kala yanglu; awui shongfa Beth-shemesh ngaleili unghaikha, ithumli kahaka kalā shikhangasaka chi alaka; kha kalikhada chimathaakha, chieina ithumna theikhuira kaja awui pāng eina shokkhangasak maningmana, kha ithumli kalāshida rākashokna” da hānga.