1 SAMUEL 5:7 - Kathara Bible (BSI)

⁷ Kala Ashdodwui mibingna kashoshok chi theilaga, “Israel Varewui oko hi hili mahaiphalungmara; kaja awui tandi hi ithum kala ithumwui vare Dagonwuitungli saklak eina tāngasakhaira.” da athumna hānga.

1 SAMUEL 5:7 Iomraidhean Croise

2 SAMUEL 6:9

Chithang Davidna Proholi khangacheewui vang, “Prohowui ningkhami oko hi iwuili kathāda khuiungrakhala?” jihaowa.

1 THOTRINCHĀN 15:13

Kharethang nathumna makaphungwui vang, ithumwui Proho Varena ithumwuitungli malungkhavāt rāngasakhaowa, kaja tharchisin kahai chili ithumna mangasharthuwa.”

SHONGZĀ 10:7

Pharaohwui otshinabingna ali hānga, “Mi hina ithumli karankha khalen sangfarakhala? Athumwui Proho Vareli akhorum khavai thuingasakhaolu, Egypt shimānngakan kahai hi arui eina tangda na matheikhuirangla?”

SHONGZĀ 12:33

Egyptnaobingna Israelnaobingli thāklak eina thuikhavai poi, kaja athumna hānga, “Ithum thingakanki jihaira.”

SHONGZĀ 8:28

Chieina Pharaohna hānga, “Ina nawui Proho Vareli lamhāngli apha̱phayā khavai vāngasakra, kha matānā vālu. Iwui vang pomilu.”

SHONGZĀ 8:8

Chiwui thili Pharaohna Moses eina Aaronli hokhuida hānga, “Iwui eina kala iwui mibingwui eina khaifabing khuithuimi khavai Proholi pomilu, chieina ina Proholi apha̱phayā khavai nathumwui mibingli chihomira.”

SHONGZĀ 9:28

Prohowui kazing khangashum thei katā shaphaira, Proholi kahāngmilu; ina nathumli chihohaora; nathum hili mapamluimara.”

JEREMIAH 46:25

Ashangva̱wui Proho, Israelwui Varena hānga: “Yanglu, Thebeswui Amonwuitungli, Pharaohli, Egyptli kala awui varebing kala awungabingli, Pharaoh kala ali ning horkasangbingwuitungli ina tandi mira.

JEREMIAH 48:7

“Kaja, nana nawui khangazipa raipanli kala lanli shitkasangwui vang nalila khuithuihaora; Chemoshla awui pāngmonbing, wungnaobingli ngasoda raikathāli vāhaora,

1 SAMUEL 4:8

Ithum kalākashi! Hiyākha kapinga varebingwui eina khipāna kanshokmirarrakhala? Egyptnaobingli lamhāngli kazātkashi yur eina shimān ngasak kahaiya varebing chi hina.

1 SAMUEL 5:6

Prohowui pāng Ashdod mibingwuitungli saklak eina tāngasaka; Ashdod kala chiwui luingnaili khalei mibingli Prohona khangachee-khangachā kala moksā kazāt zakshilāk eina rāngasaka.

1 SAMUEL 5:8

Chieina athumna Philistinewui wungnaobingli hokhuiserda “Israelwui Varewui oko hili ithumna khisausi?” da hānga. Athumna, “Israelwui Varewui oko chi Gathli khuiunghaoranu.” da ngahānkai. Chieina athumna Israelwui Varewui oko chi Gathli khuivāhaowa.

1 SAMUEL 6:20

Chieina Beth-shemeshwui mibingna, “Kathara Proho Vareli khipāna ngasungshaprakhala? Kala ningkhami oko hi ithumwui eina khipawuili khuivāhaosikhala?” da hānga.